[開箱] 打造屬於自已的MacPro: 國產圓桶機箱 "π"

本帖最後由 勁爆小朋友 於 2017-12-3 11:37 編輯

長久以來對 MacPro 圓桶形設計有種追求, 欣賞的不單只Apple的設計功駑與細節考量, 別於一般方形的 form factor本身已是原因, 放到哪裡都能引來目光。

要保持機身體積最小自然需要重度 customise 機內元件, 配合垂直風道設計就是整個設計精綷。

礙於離地既賣價及dated既配置, 自組機差不多是唯一選擇,但同時要搵一個滿意又能達到MacPro設計理念既機箱也不是易事,最後我遇上了π。
======================================


首先要接受自已沒有工場沒有cnc機沒有自製技術沒有龐大資金預算的前題下一定要很大程度妥協,講白d就係唔可能太執著同MacPro完全一樣。但樣一定要靚, 同時內籠也要有最大發揮空間, size也不能太大;興幸經過改裝後π都能達到以上要求。
π既開箱同原配置在網上都能搵到, 唔在此重複。先睇下成品內部。



相信不少網友已經見過哩張相, 之前在其他師兄既post都分享過我這部機。但其實今個post才是最終配置:DQ77KB thin-ITX底板, E3 1265L v1 處理器, GT 1030 顯視咭, 8GB DDR3 SODIMM 記憶體, 250GB SATA SSD。當中GT 1030 就係這個build的最後一塊砌圖。



從這個角度見到用透明膠保護住既 GT1030及3銅管塔散佔用緊既位置本來用於放置 SFX 火牛。為左今次這個build有更多可用空間, 我選配了DQ77KB 這塊用外置火牛既底板, 同時令原本又陝窄又受阻既垂直風道重見光明。受惠於這設置, 機底抽入和機頂抽出既兩把風扇已提供足夠對流, 塔散也唔需要再加風扇。



明眼人早已發現底板盤設計成反裝, PCI-E slot會倒轉在上面令顯視咭打橫擋住箱頂的抽出風扇。解決方法是利用 PCI-E 延長線改位到SFX火牛既位置。同時受機箱厚度所限, 顯視咭要拆去mounting bracket且要 Low Profile PCB和single slot 厚度,束成了採用 GT1030的最大原因。折左mounting bracket有兩大問題要解決: 無辦法用羅絲裝顯視咭 及 顯視咭誤觸機箱引致斷路燒機既危險。解決方法係用透明膠包好顯視咭作絕源, 再用雙面膠紙及索帶索在SFX 火牛位。成品完美運作, 也得到垂直風道散熱好處。

本帖最後由 勁爆小朋友 於 2017-12-3 11:44 編輯



放棄SFX火牛的另一好處係可以拆去本來的power cord 延長線 (原用於改SFX 火牛插頭到箱外連接正常power cord), 換上 HDMI 短延長線就可以方便地連接已改位既 GT1030, 插線唔使次次開機箱。另外可見π原本PCI-E slot位的封口可以保持封閉。



機箱既另一邊係 HDD bay 位, 可以疊住同時裝一隻 2.5” 及一隻3.5” 。原計劃係將 GT1030裝到哩個位置,  SSD 裝到現時 GT1030 的位置, 考慮到散熱同空間運用後, 現時方案比較可取。留意這機箱走線係非常容易, 圓形底盤和方形風扇之間既位置充足, 也完全不阻擋風道。



重新裝上兩塊彎面鋼側板後展現簡潔既MacPro味道。π原裝設計上係有令我未能完全滿意之處, 包括內置風扇的藍色LED, 及頂蓋黑色和銀色分怖 (可比較原圖) 。解決方法係剪晒d LED燈和重新噴過頂蓋。效果雖然仍不能與真 MacPro 比較, 但已經靚仔好多。
要打造屬於自已的MacPro, 運行的當然也是和 MacPro一樣的那個不能說系統。詳細不能在此分享,效果就是完美, 效能即使不能和真MacPro比較, 也不比 MacBookPro 差, 價錢只是 MacMini 的一半。

最後, MacPro 經常被稱為垃圾筒, π被諷刺為滅蚊燈。我正好就是欣賞這些圓筒形設計, 家裡有多件圓筒形產品當然要合照一下。



==============================================

TOP

本帖最後由 ramonmak 於 2017-12-4 12:08 編輯

支持~~
想當年我都鍾情圓筒機箱

TOP

支持~~
想當件年我都鍾情圓筒機箱
ramonmak 發表於 2017-12-4 00:59


多謝支持
師兄可以分享下當年搵到邊隻靚仔圓桶機箱?

TOP

其實用個  可口可樂 圓桶 (好似裝12罐) 果隻  桶改造做機箱都吾錯
有紅又有黑色版

TOP

回覆 5# freefdhk


有動手能力的話, 有好多好玩 mod 法砌到好有個人風格既主機出黎
簡單d可以好似隔離 post 位師兄自已買鋁條番黎自已屈, 好欣賞果位師兄
再高階d可以睇下大陸玩家, 用裝飾盒改裝, 情況同 可口可樂 圓桶 好似
就算外國都有唔少玩家買 真垃圾筒 番黎自已 mod

我無咁多工具只可以買成品, 再因應複雜性自已做小改
整體上都好滿意
日後有機會一定會試自已砌機箱

TOP

回覆 2# 勁爆小朋友
多謝分享,不過後面個啲簡體搞到好山寨啫

TOP

本帖最後由 勁爆小朋友 於 2017-12-17 14:10 編輯

回覆 7# colincc228


哩個牌子都叫出過幾款機箱既,我哩款係佢地圓筒箱既第一代產品。
揀佢都係除外形設計岩心水外,本身無咩當眼牌子或標致,果三隻字o係後面平時睇唔到已經收貨
山寨一詞已經過時喇,淘寶大把好貨都係無名小廠小店玩定製或少批量生產,
只要質素合格又岩自已要求我無咩所謂佢既出處
反正大牌子都無咩圓筒箱可揀

多謝支持

TOP

excellent built

TOP

回覆 8# 勁爆小朋友
咁都啱嘅,淘寶的確係有好多比較高質素嘅電腦產品出嚟
例如我部電腦個塔散都係淘寶返黎,六銅芯散熱一流

TOP