想問一問有D咩係PS做唔到, 而要去買鏡王黎提升相片質素呢?

想問一問各位師兄, 而家係數碼年代, 影既相好多都係數碼相, 後製真係非常方便, 最近我聽到D朋友講邊支邊支鏡既色水好正好實邊位唔鬆, 跟住我心諗, 其實PS都可以後製到. 咁點解仲要用萬幾蚊去買鏡王呢? 我有時影完D數碼相會攞去曬, 通常都係4R, 如果影得滿意既會曬8R, 比較過用靚既鏡同KIT鏡都無咩分別(可能我唔識睇). 唔通真係要系電腦放大100%去聞相先可以鑑別到?

仲有再想問一問, 有D咩係PS仲未能夠做到, 而我一定需要買支鏡王呢?

現時我諗到一個, 就係抗曜光, NIKON既納米鏡係可以做到, 但係PS應該做唔到.
仲有一D功能, 例如微距, 及將一張相片變成超廣角或將放大200%變成TELE, 如果PS都做得到, 咁我真係唔使買鏡啦

大光圈得到既景深,唔通用lens blur?
大光圈從而得到既較快既shutter speed 去freeze 個畫面,keyboard 粒 Pause (PS CS6)?
仲有對焦速度、手感等等未計....

btw...我無鏡皇

TOP

提示: 作者被禁止或刪除 內容自動屏蔽

TOP

有D普過鏡真係邊位好散下;又色散紫邊等...

咁啱依代kit,又應該幾好咁

TOP

本帖最後由 新遺失戰艦 於 2010-5-2 01:10 編輯

PS 差唔多乜野都做到, 你話鬼影/fog 鏡 等等既問題, 係就係難執
但係只要有時間執, 執到唔覺眼都唔係無可能 (自問無咁好心機)
反而一支鏡既分析力, PS 就真係無能為力
分析力就真係"有就有, 無就無"

TOP

你自己試下咪知, 0的 details 唔識"講", 要"睇"

TOP

依經驗所得,我眼中PS做唔到既野:

1.成色
2.立體感(=/=銳利度)
3.散景(=/=blur)
4.抗逆光
5.暗部/亮部層次
6.背景通透感
7.透視感/壓縮感

反而色散紫邊晌software係有得救
DXO/Lightroom都有救紫邊既功能

TOP

攝影係一個歷史o既記錄 . . . . 即係好似用『光』嚟畫圖寫字 , 如果用 ps 做出嚟 . . . . 仲會靚過真o既tim ! 不過就冇咗佢應有o既『真實感』同歷史『價值』, 因為您根本從來冇參與過或者見過!不過 呢D嘢都係 個人喜好啫,我個人原全唔反對『整容』 好似您用ps 合成好多地方o既靚景相 , 但係 原來當時人本身 從來未出過門o既 . . . . 如果係咁您話呢張相對當時人仲有咩意義呢?

ps. 如果係『違法』咁得到,話實 ps 都唔係平 !

TOP

ps大部份都做到,有o的人真係可以用到出神入化,不過要ps好一張相,可能要好耐,事前功夫做好o的, 事後咪節省唔少時間囉。又有鏡王, 又有好的攝影技術, 又有好的ps技術, 咁就最理想。(哈, 廢話中的廢話)

TOP

其實我覺得好多人都唔知"散景"係d乜,以為淺景深或者out focus blur左既地方就叫散景

PS做出黎既散景其實就係"高斯模糊",佢只係將d野blur左

如果我想做返手動老鏡既旋虛散景"慧星像差",我相信呢點PS就已經做唔到了,更加唔好提奶油散景...

TOP