千元手機大比拼!近期減價平價手機,你會揀邊部?

今個月旗艦手機喺大舖嘅減價,版主都差不多講得七七八八,係時候要講下近期有乜抵玩平貨。主要想講的,是大舖千元系列手機的消息,最平果部只係一千蚊唔使,又有無伏呢?不單止係咁,今期的減價就連 Sony 手機都有份,網友又會不會揀佢呢?廢話少說,入正題啦!

先由最平果部講起,說的是由豐澤獨家有售的 Moto C Plus,建議零售價為 $1099,本身已經咁平,最近仲推出恆生信用卡客戶優惠,只需 $999 就買得到。不過睇個 specs,就未必個個網友都滿意: 採用了 5 吋 720p 芒,外型設計跟 Moto Z 系列有點兒相似,都是在機背部份有個大大的圓鏡頭,有些網友可能覺得特別,但就未必能夠入版主法眼。同時,C Plus 配備了 MTK MT6737 四核心處理器,內置 2GB RAM 以及 16GB ROM,就咁睇配置,真係相當入門。不過,C Plus 勝在有 4000mAh 大電,理論上應能滿足一天所需。網友會考慮買部做後備機嗎?


除左 Moto C Plus,今個月亦都有另一部 Moto 手機減價,佢就係 Moto M,百老匯推出了滙豐信用卡優惠,只要用滙豐信用卡簽賬,就可以 $1494 的價錢,入手這部 Moto M。同 Moto C Plus 雖然只相差 $400 左右,但配置上已經有天與地的距離: 第一,芒大啲 + 清啲,Moto M 有 5.5 吋 1080p 屏幕; 第二,同是 MTK U,但 Moto M 用 Helio P15 八核心處理器,在性能上相比 C Plus 相對地強得多; 第三,記憶體 + 儲存容量更大,Moto M 內置了 4GB RAM 以及 32GB ROM,叫做比較似番近年手機應有的水準。不過,電量方面就相對無 C Plus 咁多,只有 3050mAh,不過支持 10W 快速充電,有好過無咁啦~呢部手機睇落都諗得過,你點睇?

http://www.eprice.com.hk/mobile/talk/4537/208522/1/

回覆 1# viiii

欠缺個人見解

TOP