小評 低中階影相手機 紅米note5 vs Asus Zenfone 5 (ze620kl)

worldcat

有品牌愛好嘅可以無視呢個post。

只係個人意見，見兩部機都入左手又算做同階，所以留少少心得起到。
自己之前用緊v20做主力機，但早個幾月開始lg遺傳病發作，所以打算換機。因為有機會交比小朋友用，所以都係揀3000以下又影相唔差嘅機。
note5 又留意開，價錢唔貴。所以先買左一部做母親節禮物。咁當然自己要幫手set機同試左無問題先喇。
zf5 本身都有少少留意，但都係有減500後先決定買。(原本諗緊g6 n7p xa2等)

今日下晝zf5到手，收工初步試過影小朋友生活照，個人覺得zf5 合適過 note5.

n5 本身唔差，但快門反應慢左少少，小朋友走動緊就會遲左影唔中。
同時，留意到兩部機係同一地方set一樣iso，zf5快門係有機會高(快)少少。

但如果影一啲比較靜態嘅相，兩部效果真係差唔多。一般用家，唔係嗅相的話應該睇唔出分別。

如果對外觀無特別愛好，唔需要用nfc。我會提議買note5。
如果要用nfc加上會影得多小朋友，我會提議俾多一千幾百買zf5。再加上zf5影相手動功能較多同可儲存raw，呢點都係好玩過note5(紅米系列抽起左大部份手動功能)。

mon - 兩部都係咁上下。
喇叭 - 兩部都算大聲。我覺得zf5音質好啲。note5較到最大係略略大聲過zf5，但明顯有拆聲。zf5 理論上有hi res ，但我無靚耳機同本身係木耳，所以就唔評價。
Wifi - note5有wifi+hotspot wifi 同時運作，對有特別要求嘅師兄可能係賣點。而且，note5整體wifi 收得好過zf5。係而隔一幅牆情況下，zf5一格，note5 3格，兩部都穩定但note5 speed test 係比較快啲。
電 - 未知。。因為zf5今日先到手。
操控 - 自己要求唔高所以無話邊部好，但note5會易上手啲。另外note5有手勢控制，可以唔洗用三大天王，但zf5就好白痴地唔support。
數據線 - zf5行type c頭，如果要買多一兩條都係錢。

講住咁多先，過幾日睇下有無機會影到啲出得街嘅相比大家比較下。
如果師兄們有野想試都可以出聲，盡量試下比較下。

chrono213

Zenfone 5行貨用636都三千几咁貴，就算減500都貴，不如用小米note3好過起碼用660或比多少少等小米7

worldcat

Zenfone 5行貨用636都三千几咁貴，就算減500都貴，不如用小米note3好過起碼用660或比多少少等小米7 ...
chrono213 發表於 2018-4-25 02:58

有諗過小米n3，但無得插sd所以最後唔考慮做主機。
米7又係無sd，而且有排等同相信價錢亦超budget。
紅米無nfc，小米無得插sd。所以今次實際唔會揀小米。

Zenx86

http://news.mydrivers.com/1/574/574433.htm

红米Note 5降价：4GB+64GB版售1299元

   向來唔係話最好, 只係打平價戰已經夠贏

nt6251

有諗過小米n3，但無得插sd所以最後唔考慮做主機。
米7又係無sd，而且有排等同相信價錢亦超budget。
紅米 ...
worldcat 發表於 2018-4-25 06:50

zf5 減完$500都有點貴，我有同感，最關鍵係得4gb ram，好怕$2800買番黎唔使一排就lag，我就有啲想睇埋小米7，聽講高屏佔同想細部啲。最重要有6/8gb ram，反而sd我唔介意，反正我一定要用雙sim呵。

worldcat

zf5 減完$500都有點貴，我有同感，最關鍵係得4gb ram，好怕$2800買番黎唔使一排就lag，我就有啲想睇埋小 ...
nt6251 發表於 2018-4-25 08:49

所以每個人有唔同要求。
因為以為屋企人用內置rom，部機壞又無定時backup, 所以一部分相無晒。係有得揀情況下都係插卡優先。
自己日常要用3張卡，所以點都係帶兩部機。

米7應該接近或超過4k， 要6gb/8gb已經唔諗我講嘅兩部機。

worldcat

红米Note 5降价：4GB+64GB版售1299元

   向來唔係話最好, 只係打平價戰已經夠贏 ...
Zenx86 發表於 2018-4-25 08:37

note5真抵玩，或者講紅米多數抵玩。無特別要求，真係低階無敵。

chue

等測試報告,本身都要有兩手準備買個部,如能拍片時同時影到相就加分

nt6251

所以每個人有唔同要求。
因為以為屋企人用內置rom，部機壞又無定時backup, 所以一部分相無晒。係有得揀情 ...
worldcat 發表於 2018-4-25 10:23

    其實用google photo backup 相會仲方便過sd card，始終sd card 我覺得都易壞，一壞又乜都無晒。至於ram問題，其實又無話一定要6/8gb，只不過俾到接近3k的價位，都想多ram啲耐用啲，至少唔會幾個月就lag爆。當然如果千零蚊紅米價位，4gb ram都非常接受啦