iPhone卡貼原來可以用嚟幫日版機（au）收到系統更新

hk133

買過唔少日版機，雖然部機好正，但冇得update手機系統就始終令我覺得有啲唔安全……早排見網上有人講au機插張au SIM就可以update系統，於是我都有諗過買返張au SIM嚟試下。然後醒起以前買過iPhone日版有鎖機，嗰時間舖頭送咗張卡貼俾我（用嚟繞過有鎖機嘅限制），咁就攞張卡貼嚟試下。測試嘅手機係au版sharp aquos R compact。

插入部機嘅過程唔算順利，最後用膠紙固定卡貼同SIM卡先至成功入到落部機。然後入電話介面輸入返卡貼包裝寫住個code發現唔work，研究咗一陣先至發現原來根本唔使入code，android機識別到卡貼嘅SIM卡工具，自動喺app folder入面整咗個「SIM工具箱」嘅shortcut俾我，於是終於可以測試卡貼work唔work啦。





卡貼嘅工具箱係全英文，入到卡貼自帶嘅營運商選項入面，發現佢有三個模擬au卡嘅選項，選擇完之後要重啟一次先生效。如是者重啟咗兩次之後，手機終於以為張卡係au卡，狀態欄見到信號符號多咗個R字表示「漫遊」狀態。入去系統更新介面，refresh咗三、四次之後，就見到手機收到系統更新啦。不過部機都應該好耐冇update，update咗幾次security patch之後，終於出現咗android 10 update。



不過張卡貼都好似唔係幾啱size，我諗嚟緊都係買返張au SIM穩陣啲……不過手頭上冇au SIM、又有iPhone卡貼喺手、又想幫自己手上嘅au機更新嘅CHing都可以試下嘅。

其他日版機（softbank、docomo、Y mobile之類）我都想知有咩update方法，希望咁多CHing都可以分享下資訊/心得，thanks。

tere

其實只要reset 部機，
再用日本vpn + 無sim卡 就可以更新做Android 10

hk133

其實只要reset 部機，
再用日本vpn + 無sim卡 就可以更新做Android 10
tere 發表於 2020-12-5 08:59

    依家我插張卡（貼）就得，唔使reset部機。