浴室寶轉位工程

村上麗奈

親戚的裝修工人手工認真麻麻，裝浴室寶真係當天花抽氣扇咁裝就算，完全冇用腦諗過浴室寶嘅空氣對流運作原理
到發現嘅時候已經裝咗兼且已經裝埋假天花


現在想將部浴室寶轉90度再安裝，如果自己搞要買過幾多材料呢?

估計要鋁喉，假天花數塊 (唔知需唔需要買剪嚟剪假天花片),  唔知個正確名稱，安浴室寶上天花嘅拉爆同嗰啲好長嘅螺絲

唔知仲要啲咩呢?

大約材料要幾多錢呢?

同難唔難改呢?

多謝各高手師兄指點

via HKEPC Reader for Android

邊個邊個

真係人地唔識裝? 裝錯?
浴室寶有分天花式同窗口式,
窗口式又真係當抽氣扇咁裝喎!

別問我是誰

親戚的裝修工人手工認真麻麻，裝浴室寶真係當抽氣扇咁裝就算，完全冇用腦諗過浴室寶嘅空氣對流運作原理
到 ...
村上麗奈 發表於 2016-11-21 22:53

你款浴室寶唔係四方形？　旋轉 90 度會唔會假天花個窿都啱用？

好長嘅螺絲叫　絲桿　可以唔駛買拆返嚟用都得 (除非你新裝會低啲)

五金舖買絲桿一條十尺　但可以叫佢 CUT 啱尺寸比你

只係買番４粒平爆打上天花就得

原本條鋁石紙喉　亦可能夠長夠用　唔夠先去買

天花應該唔係紙係鋁或鐵　而且仲有好多多款及唔同尺寸

要買既可以度啱尺寸及影埋相　或　攞一塊去配

影幅相嚟睇睇先啦　

edgeyim

其實樓主你連乜工具乜材料都唔知，
你真係肯定你有能力解決改裝上出現的任何問題？
而且涉及市電，先唔講合唔合例，你肯定你有足夠安全意識？

別問我是誰

我估　錫紙喉應該夠長　絲桿亦啱位

只拆個浴室寶後　扭轉 90 度裝返上去就得

如果只差些小位　推斜小小幾條絲桿就返就得

billy0301

我估　錫紙喉應該夠長　絲桿亦啱位

只拆個浴室寶後　扭轉 90 度裝返上去就得

如果只差些小位　推斜小小幾 ...
別問我是誰 發表於 2016-11-22 12:11 AM

絲桿反而9成為啱位，借定電鑽同買定平爆都得，天花有機會唔使換，另師傅亦唔知你需要，佢無吹正牆就已經唔算裝錯，始終個個人需要唔同

skyd0613

其實無圖我地真係靠估,

唔知有無理解錯, 佢意思唔係" 只拆個浴室寶後　扭轉 90 度裝返上去"
而係直角90度由牆身?!轉裝上天花(水平)?!
如果唔係唔太明點解要重新買絲桿果d, 如果只扭轉 90 度, 原本既絲桿應該用得返?

村上麗奈

唔好意思各師兄，稍後會補圖，因為就係要幫手搬屋

via HKEPC Reader for Android

別問我是誰

其實無圖我地真係靠估,

唔知有無理解錯, 佢意思唔係" 只拆個浴室寶後　扭轉 90 度裝返上去"
而係直角90度 ...
skyd0613 發表於 2016-11-22 12:47

天花機　同　窗口機　個形狀設計都唔同

用得伸縮錫紙喉　就唔會係窗口機

就等於　天花機裝唔到去窗口　窗口機裝唔到上天花

laueye

類似問題都聽過
Cf話唔夠位裝，裝左去吹牆