想問閉門器安裝

netimes

自己買左個閉門器跟住指示安裝, 但覺得開門力度比較大...!!
想問如果將個閉門器上方位置安裝過啲, 開門力度會唔會細番啲....???
Thanks

digiman

枝臂移過少少會輕力啲，不過咁遠可能唔夠長或大輕力，我裝過嘅都只係比個鼓偏移兩吋左右已經夠，門鼓有唔同力要自己試距離

billy0301

大部份門鼓都有兩個螺絲位較壓力，你睇下如果有就唔使郁條臂

digiman

大部份門鼓都有兩個螺絲位較壓力，你睇下如果有就唔使郁條臂
billy0301 發表於 2017-3-26 07:37

    嗰兩個位係較關門速度

ginastar

參考下

digiman

參考下
ginastar 發表於 2017-3-26 09:11

係，壓門同調較開門定位角度都可以調整枝臂長度
不過樓主嘅情況枝臂太貼門鼓，開門要好大力

billy0301

較油壓壓力調節速度同關門力度，如果話較細油壓同力度無關就當我無講過

digiman

較油壓壓力調節速度同關門力度，如果話較細油壓同力度無關就當我無講過
billy0301 發表於 2017-3-26 10:47

係動態力同靜態力嘅分別
或者你可以用車軩放氣速度嚟比較，慢放同快放架車一樣都係咁重，不過如果係勁爆軩嘅話架車跌嚟嗰吓撞擊好大力，但撞擊完後架車重量一樣冇變，同門鼓個氣壓同一道理，較到最快關門會撞門彭一聲（其實只係動態力大咗，靜態壓門力一樣冇變），壓門力係同內部彈簧力度及枝臂嘅槓杆力有關

klxcan

門外漢路過一帖, c hing唔駛咁趕住改, 係平時日常生活遇到0的門開得比較舒服既, 可以睇下點裝參考下裝既位置. 睇到 ching隻門都幾靓, 開咁多隆又唔係咁好睇.

digiman

門外漢路過一帖, c hing唔駛咁趕住改, 係平時日常生活遇到0的門開得比較舒服既, 可以睇下點裝參考下裝既位 ...
klxcan 發表於 2017-3-26 11:07

樓主一開始已經話跟指引安裝，但開門力都係要好大力，即係代表買咗唔啱重量力度嘅門鼓（買重咗，應該要買輕啲），唔換鼓就唯有改枝臂嘅位置改變槓杆力，先改門線位兩口螺絲好過改門四口螺絲，噴漆門補油都唔係難嘅