想請問下煤氣爐具安裝嘅問題

irhk

煤氣供應保養搵煤氣公司，煮食爐係煤氣公司買嘅咁都係搵煤氣公司。

安裝煤氣公司嘅爐具可以係由煤氣公司派嚟嘅人安裝，又可以係裝修公司搵認可合資格人士嚟安裝，想請問如果煤氣煮食爐係買出面牌子， 除咗 牌子本身公司派人嚟安裝之外，會唔會都可以由第三方所謂認可合資格嘅人士安裝？

此外， 煮食爐接供氣裝置只係一條網喉接駁，咁由邊個裝咗上去，又點知嗰個人係咪合資格人士？

謝謝指點！

chaumf

氣體用戶在使用住宅式氣體煮食爐具時，應注意氣體安全。市民應購買附有「GU」標誌的住宅式氣體煮食爐具，並應閱讀及按照使用說明書內的安全指引操作有關的煮食爐具。此外，煮食爐具必須由註冊氣體工程承辦商僱用的註冊氣體裝置技工進行安裝和測試，方可使用。

kckong99

買出面牌子 <--個爐要有証書貼紙

裝的師傅都有証件的

chaumf

無GU標示 氣體供應商唔會駁氣俾你用

irhk

謝謝各位回覆，開始明白了！

即係只要有牌技師就無分只幫邊間公司安拆爐具 ，而係合規格牌子都可以安拆，正確嗎？

睇嚟好似用返哂煤氣公司嘅方便啲，無咁 複雜。

avdaemon

煮食爐極少壞，我買出面啲爐，代理有有牌師父。出面啲爐~$2000