數碼磅呎錶

呢枝MIT磅呎錶用咗十五年。



近來有啲搞作,發現佢高不成低不就,想買數碼磅呎錶試吓。

請問有冇師兄用緊數碼磅呎錶,想知道响接近上下限時,例如枝數碼磅呎錶係10-135Nm,校到10/130Nm嚟上缧絲,誤差會唔會高啲。唔該先。
附件: 您需要登錄才可以下載或查看附件。沒有帳號?註冊

我有幾把,但總覺好易壞;
事實真係幾易壞....要用得幾小心下.
所以我覺得一般用都係機械好D.
除非係要qc用或紀綠數據至要用到佢.
至於接近上下限誤差會唔會高啲;
好似近下限(小)係差d,近上限(大)比較凖d.

TOP

唔該師兄回應。

上網見嗰啲機械式嘅磅呎錶都係五倍量程調较,例如5-25、19-120、 40-200。規格話精準度保証20%-100%。即係話20%以下誤差會高啲。所以段估大部份機械式嘅都係得五倍量程。

而家用開嗰枝有效量程係40-200Nm,用咗十幾年,拎去校準嘅人工重贵過枝新嘅。最近又有啲搞作要用到8、9Nm。如果要覆蓋8-200Nm量程,機械式磅呎錶要三枝。上網見啲數碼磅呎錶嘅量程闊好多,兩枝就可以覆蓋到需要嘅範圍。

但係就唔肯定數碼磅呎錶响接近下限準確度係唔係都會差啲。

見到呢枝機械式嘅竟然有十五倍量程,但係揾唔到规格話20%以下誤差有幾高



師兄話幾易壞,係壞啲乜?DIY唔係工場用。睇緊嗰枝MIT話有终身保用。
附件: 您需要登錄才可以下載或查看附件。沒有帳號?註冊

TOP

應該係sensor有事,總覺得佢地好嬌氣....
可能最底果類會好些;但都是習慣了機械式的.
而且我用磅尺要求的精度不高,憑手感及有"啲"一下提醒就夠了.




附件: 您需要登錄才可以下載或查看附件。沒有帳號?註冊

TOP

上網揾到呢隻 Techwrench 嘅规格:

https://store.snapon.com/Standar ... -drive-P642123.aspx



雖然係成五百美金嘅貴嘢,响近下限準確度都係差啲。都係考慮番機械式。
附件: 您需要登錄才可以下載或查看附件。沒有帳號?註冊

TOP

本帖最後由 鄧記 於 2018-2-14 21:01 編輯

話說上次睇見啲數碼磅呎錶近下限误差都會大啲,於是轉去睇機械式。上網揾到隻话係德國製造,價錢贵其他牌子五成,本來打算扑鎚。再摷吓發覺原來係德國註册公司買台灣產品,而且品質唔過得去。

為免再左度右度花時間,索性買呢一隻。百分百澳洲設計同製造。



呢隻係用扭力。校好要求度数,每次用之前將枝針㩒入去



扭到啱時枝針彈去嚟



準確度话係全程 2%。上網啲人話响工場用幾年,拎去校準,全無誤差。幾乎冇活動零件,好可能佢會長命過我。
附件: 您需要登錄才可以下載或查看附件。沒有帳號?註冊

TOP

終於找到資料~

http://wbtools.com.au/products/d ... am-torque-wrenches/

唔知價錢如何;對320510果支幾有興趣.

TOP

Funfun 師兄可以上而碑睇吓,大概港纸千五、六銀。賣家全部响澳洲,要同賣家confirm運費。澳洲郵政寄香港,兩公斤要四百港纸左右。

師兄乜嘢用途要咁低扭力嘅磅呎扳手?應該係好專業用途噃。

TOP

冇呀,主要都係上吓單車螺絲.

TOP