趟門改裝問題,求指教

話說間屋之前裝修,整左道趟門,但就一直覺得度門好矮,成日要烏低個頭先可以行入去,所以想辦法做番高佢。之後有請教呢道既師兄,將道門外面塊板拆左 (舊post),就見到道門既結構係咁:



想請教下,門上面個兩塊啡色木板,可唔可以攞走佢,將路軌直接打上個頂度?粗略計算過,如果可以攞走個兩塊板,再將吊住道門個兩粒螺絲收短佢,道門應該可以升高兩吋,然後再將頂框cut短兩吋,咁個人行過時就唔洗烏低個頭了。

以上純屬幻想,小弟無裝修經驗及知識,就算要做都係搵師傅整 不過都想先請教下大家,以上方案是否可行呢?如果要做,係咪搵一般五金舖便可?(我見旺角有好多做木門既舖頭,但我諗佢地應該只係做新裝木門工程?)
附件: 您需要登錄才可以下載或查看附件。沒有帳號?註冊

較高左,度門夠唔夠長
會吊腳嗎

TOP

冇框嘅門你接受得到?都唔駛諗收口

TOP

如果無睇錯,唔係你度門矮,係你個門框矮,
你當然可以攞走個兩塊板升高度門啦!
(嗰兩塊板都係坐低條路軌就返個門框遮)

但頂框cut短兩吋就大工程喇!
第一Cut完會好樣衰,未必咁易執返靚.
第二因為得一張相睇唔清,唔可以肯定Cut完會唔影響成個門框會唔會歪.
第三升咗度門就矮咗,地下遮唔曬.
第四如果地下有暗軌定住度門,升高咗度門無暗軌定住會搖,甚至好難推.

你一係搵師傅整過度新門啦!

TOP

話說間屋之前裝修,整左道趟門,但就一直覺得度門好矮,成日要烏低個頭先可以行入去,所以想辦法做番高佢。 ...
natural4862 發表於 2018-11-5 15:02


呢道係唔係厨房門呢?

TOP

回覆 3# charleslam009

師兄勁!的確係門框矮,需要cut短佢。不過因為唔肯定成個框既結構,所以唔知cut短頂框對成個結構有無影響。

其實都有考慮整個新門,但唔知係咪趙門本身個框就係要咁厚?最怕整左新門,都係一樣矮

TOP

回覆 4# denc

呢個係睡房門

TOP

話說間屋之前裝修,整左道趟門,但就一直覺得度門好矮,成日要烏低個頭先可以行入去,所以想辦法做番高佢。 ...
natural4862 發表於 2018-11-5 15:02

你既構思係可以 但咁小野 好難搵人上嚟做 

TOP

如果系我,我就會拆左頂兩塊板
將門頂路軌升高
將原有吊門螺C鋸斷,搵輔助工具駁長(搵金屬燒焊)
原本對門不需变動
留空上邊當氣窗

TOP

將原有吊門螺C鋸斷,搵輔助工具駁長(搵金屬燒焊)
liyee 發表於 2018-11-6 11:35

又鋸斷 又駁長 

咁不如換過粒長螺絲仲好

TOP