Pana/Ras窗口式冷氣機個風擺發聲問題DIY

Pana遙控式窗口機(3/4或1匹)都有呢個common defect,就係air swing開動時會"架架"聲,雖然我平時係唔會用,因為部機裝响邊位,最好係固定吹向房中心,但心有不甘,決定攪攪佢。

好多人部新機用咗唔太耐就會出現架架聲,其中一個方法係整一pat 花士擰/雪油上去就會靜咗,自己試過,只可以頂一排,之後就會有少少聲,再之後會大聲咗,咁又要加油,咁只係治標不治本方法,聽個响聲已確定係由風擺塑膠磨擦而發出,再經過風擺口放大咗聲量,夜晚都幾响吓。

於是,就係...拆
手揸呢個位向前拉就可以拆個風擺口,個風擺口上面係C字開口,預咗係咁裝/拆



拆走之後,撥開個ventilation,再將成條杆向後推就可以拆走,順便清洗一下枝杆/出氣風口,仲可以伸手入豬籠抺吓D霉菌,都幾方便做maintenance


支攪杆就咁响上拉就拆得走


由於支攪杆係有少少斜嘅,起初就咁用銼銼吓兩邊加大個活動位,响抺走雪油下裝上去試吓得唔得,結果係依然有少少聲,比之前已經細咗好多,但即係未解決


再睇多幾次睇吓咩問題,發覺條攪扞只係點倒紅線嗰邊位,原來因為有風吹住,所以唔會點倒另一邊位


唯有再拆出黎改一下角度銼多幾野,銼嗰個方向係順住支攪杆大約個斜度去銼


銼完後修埋D邊,又係冇雪油下放上去試吓,開動後一粒聲都冇,終於攪掂,之後上番雪油响活動地方,開咗幾日都冇再發現有聲,應該冇手尾跟喇掛
附件: 您需要登錄才可以下載或查看附件。沒有帳號?註冊

之前部Pana遙控式窗口機(3/4匹) 新買回來個air swing開動時已經有"架架"聲, 落雪油就好少少, 可是都有聲.

同時覺得唔夠凍, 細房要開21~22度先夠凍, 師父上來用溫度計檢查完, 話唔好開動air swing, 話因為回風影響個sensor, 唔開動air swing就好少少, 所以一直冇開動air swing, 用了5年壞左換了日立遙控式窗口機(3/4匹) .

TOP

牌子最貴係佢,但竟然出啲呢小問題,仲咁多年都改善唔倒?

TOP

牌子最貴係佢,但竟然出啲呢小問題,仲咁多年都改善唔倒?
ang 發表於 2019-4-15 21:22



    老實講,日立仲貴

TOP

師父上來用溫度計檢查完, 話唔好開動air swing, 話因為回風影響個sensor, 唔開動air swing就好少少, 所
ANWKLO 發表於 2019-4-15 09:15 PM


癡線,咁既答案都得?

TOP

之前部Pana遙控式窗口機(3/4匹) 新買回來個air swing開動時已經有"架架"聲, 落雪油就好少少, 可是都有聲.:x ...
ANWKLO 發表於 2019-4-15 21:15



    唔開就叫佢減function 減會

TOP


即係改變風向的擋板有虛位產生振盪聲

TOP

用"凡是林"揸落上下轉軸位置。

TOP

睇番樓主銼大咗條坑槽,是會影響使air swing能功
其實可吾可加條彈簧/橡筋之類,使活動的擋風籠有少少張力,不至容易振盪發聲

TOP

呢個原來問題原大家都遇到,我就在風擺上下柱仔落" 雙星"  隻 Ceremic Grease去解決.

TOP