村屋水總跳制

本帖最後由 5ocean 於 2020-4-27 05:37 編輯

好耐冇上嚟,大家好!有問題請教各位朋友,我一家住村屋共3層,室外電箱分3個電表每層1個,全部都係單相60A,有3個ELCB水氣總制NikkoEM52B/240v/60A(漏電,短路,過載保護)。最近好奇怪事發生,呢四日每日下午中間果層水總會跳制,地下及三樓都冇事,出去拍翻果制又冇事,好固定係每日下午就跳1次,已經跳咗四日,其他時間完全冇事,我重複檢查過室內電箱,電制,插穌,電器都冇漏電,亦都解釋唔到漏電,短路等只在下午發生,夜晚又唔會。

我懷疑係中電供電唔乾淨,噚日叫咗中電嚟睇,師傅係電箱度3個電表234v-237v,線又冇鬆,佢話係室內嘅問題或水總壞咗。但我認為冇理由咁奇怪每日只跳一次其他時間正常,都解釋唔到。現在有以下問題請教各位:

1)水總電壓240v,如果供電電壓超過,水總會唔會跳?因為而加234v-237v已經好高,中電有規定220V+/-6%,遲d要叫中電較翻低。

2)水總會唔會太靈敏,而加係30mA,換過低靈敏度得唔得?

3)我聽鄰居講中電係村屋布線方面好唔理想,佢話試過佢隔離屋漏電,佢間屋都跳制,中電要揾佢隔離屋業主開門,息咗漏電個位,佢先拍得番著個水總,佢覺得我個情況可能同佢一樣,我間屋供電條街線亦可能同附近d屋連埋一齊,人地漏電我都跳制,不過佢隔離屋係長漏,中電容易跟,而我個問題係間歇性,好難跟。各位有冇聽過呢個情況?

呢個情況要比較難跟進,因為問題未必係你個水總度!
我會建議:
1  記錄每日跳制時間,環境温度,屋企用緊咩電器!
2  你屋企有無買新電器,如冷氣機,抽濕機等等?
3  可以揾合資合人士檢查所有電線(他線),睇下有無落地短路等等!
4  揾合資格人士幫你試個水總!

可能你附近的鄰居買左新電器影響到你既水總!
或你個水總可能真係壞左!
講到尾最好揾返中電或合資人士去攪返好佢!

TOP

提示: 作者被禁止或刪除 內容自動屏蔽

TOP

好耐冇上嚟,大家好!有問題請教各位朋友,我一家住村屋共3層,室外電箱分3個電表每層1個,全部都係單相60A ...
5ocean 發表於 2020-4-27 01:52



    3)唔關中電事
好大機會係個地線井打得唔好
漏電令到地個電壓升高所以跳
呢個情況你搵有牌師傅望望啦
有機會係個地線井唔得

TOP

本帖最後由 5ocean 於 2020-4-27 12:51 編輯
呢個情況要比較難跟進,因為問題未必係你個水總度!
我會建議:
1  記錄每日跳制時間,環境温度,屋企用緊 ...
wong-ct 發表於 2020-4-27 10:59



    多謝師兄意見
1)我有記錄跳制時間,連續4日,每日一次,下午1-5pm,外面兩日有微雨,兩日天晴,屋企有幾件大陸插穌電器,全部停用,都係跳制。
2)近來冇增加或維修任何電器,不過收到中電於4月9日全村停電通知,但冇講做乜嘢工程,4月23日就開始跳制。
3) 呢種間歇性問題唔知電工師傅跟唔跟到。
4)水總我試過㩒果test制幾次,都識跳,我亦都諗過張上下水總調換試吓,但點都諗唔通如果水總壞,日頭壞夜晚又唔壞呢?
5)我都唔知我間屋條線連落附近邊幾間屋,所以好難開口問人有冇新電器,就連中電師傳都話唔知我地條村點布線。

TOP

本帖最後由 5ocean 於 2020-4-27 14:21 編輯
你附近好多人裝太陽能?
個電壓好高喎!

我度頂多都係232V,啱啱達標。

但電器好少頂唔順,因為香港通常 ...
Brainstomer 發表於 2020-4-27 11:52


師兄,10年前搬入呢條村,電壓過低,低過200,仲要好唔穩定,燈會斬吓斬吓,好似鬼屋,我要將全屋燈具轉LED,但有d燈係用米仔胆,AC220v同AC12v都有,有d射燈又要換DC牛,燈具要自己改燈坐先至用到LED,總之好麻煩,後來先知低於6%可以叫中電較高d,當年中電要換村口火箱先免強去盡210v,現在又唔知點解高到237,d電器來回40v命都短d。

TOP

3)唔關中電事
好大機會係個地線井打得唔好
漏電令到地個電壓升高所以跳
呢個情況你搵有牌師傅望望啦 ...
鬼(?) 發表於 2020-4-27 12:29



    多謝師兄指教,25號星期六下午又跳水總,我出去拍番著又冇事,因為之前兩日都係咁,我忍受唔著打去中電緊急維修,我住西貢條村都幾偏僻吓,奇怪唔駛1粒鐘就有人嚟,師傅度過電壓23X,又度過地線冇漏電,佢話而加唔漏度唔到,成日話係我室內嘅問題或者換個水總試吓,我同佢講笑bypass個水總就一定唔跳,佢笑咗。

TOP

而家好多電器都MIC, 同英國佬出品唔同.

TOP

多謝師兄指教,25號星期六下午又跳水總,我出去拍番著又冇事,因為之前兩日都係咁,我忍受唔著打去 ...
5ocean 發表於 2020-4-27 14:37



    呢D都係trial and error
成日跳水好多原因
可以係比人偷電線
地線比老鼠咬
ELCB夠期換
d電器(特別有電子牛既電器) emi FILTER 壞搞到GROUND左都有

TOP

多謝師兄意見
1)我有記錄跳制時間,連續4日,每日一次,下午1-5pm,外面兩日有微雨,兩日天晴,屋 ...
5ocean 發表於 2020-4-27 12:46



    你可以試第4項,調轉個水總,試完就清楚好多邊樣野壞啦

TOP