大鑊了, 疑似穿食水喉

C_Law

剛剛先至返到屋企, 諗住沖個涼就去瞓。

平時一開個恆溫煤氣熱水爐電掣, 個爐會著綠燈, 等到開熱水候時會轉橙色燈, 並且會聽到個爐裡面傳出撻火聲和抽氣扇聲。

但今晚一開個爐電掣已係橙色燈並聽到撻火和抽氣扇聲！當時無為意照沖涼, 涼完閂熱水喉見個爐仍然係橙色燈及有抽氣扇聲(正常應該閂熱水喉十零廿秒後會停抽氣扇), 我先至醒覺有不妥。

於是拿拿臨關了個爐電掣。過一兩分鐘後摸下爐底出熱水條喉, 感覺是凍的, 照計剛沖完熱水涼, 閂了熱水喉只不過幾分鐘, 無理由條喉凍得這麼快。

再開個爐的電掣, 又係即刻橙色燈和有撻火及抽氣扇聲, 摸落條熱水出水喉感覺越來越暖！！

因此都幾肯定個爐出熱水條喉入返牆內之後, 再去花灑、洗面盆及廚房升盆, 中間有地方漏緊水！所以一開電掣已出熱水, 關了個爐電掣熄了火後繼續有水流過所以條熱水出口條喉好快變凍。

這個諗法有無錯呢？

室內不見有地方漏水,可能牆內喉管漏, 或者個爐的熱水出口喉入牆後去到屋外再入返屋, 係屋外漏, 但這個時候不能出去睇。

我見爐底凍水入水喉位有個掣, 有兩頭箭嘴寫住 On 和 Off, 這是凍水入口開關掣嗎?


相中的喉由左、中、右, 應該分別是熱水出口、煤氣入口、凍水入口, 個掣就係凍水入口條喉。

熱水出口漏水, 在凍水源頭截水應該可暫停漏水。這個掣關了有無問題。

via HKEPC IR Pro 3.6.1 - Android(3.3.1)

C_Law

剛剛上網搵煤氣公司 Hotline 號碼，打電話去問過，相中右下條候個掣真係入凍水的開關掣，可以閂得。

已閂個凍水喉的入水掣，試下屋企幾個有出熱水的水龍頭都無水出，應該連漏緊水的位置都截了水。

現在要煩就係要搵出漏水位置。

madebyp90

估下估下係冇用
直接谷水磅錶去test先準

https://youtu.be/E1oZ_GupNNI

C_Law

估下估下係冇用
直接谷水磅錶去test先準
madebyp90 發表於 2021/1/3 05:52

講聲唔該先！

其實我完全不懂搞水喉，更不會有這種工具，要搞都係要出去搵師父。

目前可以做的就係諗下先截了水源。當然，閂大掣就應該完全截水，但就真係無水用。目前閂了熱水爐入凍水的水掣，起碼仍然有凍水用住先。

smoke_cheese

煤氣公司個保養範圍去到邊？

威化餅

剛剛先至返到屋企, 諗住沖個涼就去瞓。

平時一開個恆溫煤氣熱水爐電掣, 個爐會著綠燈, 等到開熱水候時會轉 ...
C_Law 發表於 2021-1-3 04:52

撻得著個爐, 水流應該有返咁上下, 估計滲漏位都幾大, 細心看看牆身有無表症, 睇唔出就準備鑿牆 ...

Reference:
Professional guide to water seepage : investiagtion, diagnosis, testng & reporting in residential buildings - The Hong Kong Institute of Surveyors

威化餅

咁冬天時, 無熱水沖涼都幾大鑊 ... 權宜之計係甩左熱水爐出水口條竹節管, 駁入四分花洒喉及花洒頭, 花洒頭最好有自帶開關, 記住每次涼完涼都要關好熱水爐入水口閘掣 ...

madebyp90

最平做法
cut去廚房熱水

直接只係比冲涼

有$就全部check/起

hkghost

只有找師傅做。如果自己做，睇下我舊文啦，不過最好，最好，最好是找師傅做。（重要事情講三次）

ANWKLO

可以叫煤氣公司師父嚟檢查咗先