18650電池盒充/放電

C_Law

舊 Post 4#、15#：
https://www.hkepc.com/forum/viewthread.php?tid=2612420

用個 USB 錶頭度分別量度充電入電池盒的 Wh，以及電池盒向已移除電池的手提電腦供電的 Wh。

電池盒係 2 併 3 串，一共 6 粒 18650，設定輸出電壓係 DC19V。

首先將電池盒充滿(* 直到 USB 錶頭的 A 數跌到 0.00A，個錶頭本身會係這時候停個 Clock)。

之後 Reset 錶頭，由電池盒經錶頭向手提電腦供電用兩個鐘左右。

然後拔走電池盒到電腦的線，Reset 錶頭，改由火牛(19V)經錶頭向電池盒充電(同上)。

暫時試了 3 次，以 Wh 數去計，In/Out 大約係 1.37 左右。

電池盒放電時要升壓上 19V，充電又要由 19V 降壓，一定係有損耗，In/Out = 1.37 算不算合理？

hon829

你隻尿代要升壓及有7-seg LED等自身損耗, 度倒充電功率比輸出小了係好正常的(當然尿代截放個工作點亦是關鍵吧)

dcc2000

首先將電池盒充滿(* 直到 USB 錶頭的 A 數跌到 0.00A，個錶頭本身會係這時候停個 Clock)。

之後 Reset 錶頭，由電池盒經錶頭向手提電腦供電用兩個鐘左右。

然後拔走電池盒到電腦的線，Reset 錶頭，改由火牛(19V)經錶頭向電池盒充電(同上)。

暫時試了 3 次，以 Wh 數去計，In/Out 大約係 1.37 左右。

電池盒放電時要升壓上 19V，充電又要由 19V 降壓，一定係有損耗，In/Out = 1.37 算不算合理？
收
C_Law 發表於 2021-3-29 19:29

尿袋可輸出嘅電能量(Wh)，低於叉入嘅Wh，絶對正常，電池組經升/降壓電路輸出，會有轉換損耗，以師兄呢款嘅數據嚟講，升壓輸出19V時，轉換效率 "大概" 等於73%。

C_Law

In/Out = 1.37，或者掉返轉睇： Out/In=0.73，第一個感覺又好似相差好遠，但再諗諗，其實充電時損耗一次，放電時又一次，當兩次一樣，其實每次係 √0.73 = 0.85，有八成半效率，又好似不太差。

C_Law

你隻尿代要升壓及有7-seg LED等自身損耗, 度倒充電功率比輸出小了係好正常的(當然尿代截放個工作點亦 ...
hon829 發表於 2021/3/29 20:07

不想將電池過放，所以會就住用，通常用到個盒顯示的電壓跌到 10V5 左右(這數值並非電池盒輸出電壓，而是 3 串 18650 電壓，即係平均每粒 3V5)，我就一定熄機。

只係試過一次，新買個盒返來時專登要測試它幾時斷電，一直用到電壓跌到大約 9V8x 左右就忽然斷電。

dcc2000

正常嚟講，尿袋叉入損耗，會低過輸出，即效率較高。嚴格嚟講，應該係以電池組本身總容量(電能量)，去計算叉入時，及輸出時嘅轉換效率。

要準確測試輸出時嘅轉換效率，最直接嘅方法係用可調電源，調至3串鋰電嘅電壓(即12.6V)接尿袋盒電池正負極，尿袋輸出接恒流負載，例如2A，19V x 2A = 38W，再對比從可調電源扯嘅功率(12.6V x ??A)，就可計到實際轉換效率。

師兄嘅計算方法，雖然唔算好準確，其實都算可以計到大概數值。

dcc2000

不想將電池過放，所以會就住用，通常用到個盒顯示的電壓跌到 10V5 左右(這數值並電池盒輸出電壓，而是 3 串 18650 電壓，即係平均每粒 3V5)，我就一定熄機。

只係試過一次，新買個盒返來時專登要測試它幾時斷電，一直用到電壓跌到大約 9V8x 左右就忽然斷電。
C_Law 發表於 2021-3-29 23:07

電池組9.8V左右cut-off都算OK，基本上唔會過放，甚至唔即時叉返電，再擺三幾日應該都冇問題，當然最好check埋塊PCB，idle時耗電電流。