廁所水箱底與坐廁中間的密閉墊可否自己整

chi333

如圖


我淘寶買左全套缸芯連曲波返來換
使用這個墊時會發現水箱被頂高了，估計係新缸芯下方的腳太長



因是陶瓷水箱非常重，頂高後會搖，試過用舊的，同樣被頂高，但就比新墊低一點

所以我自己用硅膠片約5mm厚
剪了一片黎取代，
這樣做有沒問題?
安裝後水箱沒被頂高，排水時暫時唔覺有水在水箱底與座廁連接位有水出，

咁樣係咪無問題?

-------
如果大家有技術及時間整，淘買一套黎用都ok，但我更換時出現了好多問題，玩左足足六個鐘.....

問題
1. 拆水箱固定螺絲時，蝴蝶c帽爛了

2. 拆出水箱後發現缸芯低被不知什麼東西封了，我諗類似銅油灰，要用左一字批鑿走先可以拆到個缸芯出黎

3. 換好曲波缸芯，第一次安回水箱，用新密閉墊被頂起，第二次換舊個件又係頂起，唔理諗住強硬落，但就出現原來的固定螺絲斷了一邊(只係拆這邊斷了的螺絲用左我半個鐘，因為無力扭鬆)....諗住換膠個對落去又發現膠螺絲太粗落唔到，最後落街配一套散件螺絲，墊片，c帽回來

4. 因為夜晚了，6:00pm後，所以自己拎塊5mm原硅膠片剪了個圓片頂住，個水箱就沒再頂起，安裝好晒試水都沒問題，但兩小時後就發現固定水箱螺絲有一邊會有水滴出

5. 重拆水箱固定螺絲再裝都係滴水，來來回回拆了兩三次，最後估計係新配回來的螺絲墊片問題，自己再用5mm硅膠片剪兩片出黎取代…最後沒再滴水

liyee

回覆 1# chi333

會唔會係你調轉擺？




via HKEPC IR Pro 3.6.1 - Android(3.3.1)

logoff

反正已經練到熟晒手，知道竅門，唞一唞喇。
覺得唔漏就唔好再搞佢，如果擔心唔耐用咪上開TB時入定啲材料囉。

chi333

回覆  chi333

會唔會係你調轉擺？


via HKEPC IR Pro 3.6.1 - Android(3.3.1)
liyee 發表於 2021-6-27 17:28

    唔會，舊既唔會放錯，細個邊係下面，大個邊係向水箱

chi333

反正已經練到熟晒手，知道竅門，唞一唞喇。
覺得唔漏就唔好再搞佢，如果擔心唔耐用咪上開TB時入定啲材料囉 ...
logoff 發表於 2021-6-27 17:52

琴晚整完今日周身骨痛，又其腰痛，暫時都唔攪住，但心裡仍然有點疑問，問下先，謝師兄解答

1個閒人

師姐,

你做到我仲未做嘅工作, 真係好勁~~

logoff

琴晚整完今日周身骨痛，又其腰痛，暫時都唔攪住，但心裡仍然有點疑問，問下先，謝師兄解答 ...
chi333 發表於 2021-6-27 19:41

幾年前試過一次幫屋企人解決類似問題，平時冇操練，真係好辛苦。

chi333

師姐,

你做到我仲未做嘅工作, 真係好勁~~
1個閒人 發表於 2021-6-27 20:23

如果長流水真係要快d整，其實我家個問題已經有好耐，最初只係有少少漏，唔係次次沖完水有，但最近沖兩三次就會出現，睇下網上講去洗，都唔得，所以估係缸芯出問題，因為長期放廁所蓋落黎，要有人去廁所才知漏水唔停