平板電腦 我的用法

平板電腦由幾百幾至幾千都有,買左之後,究竟有咩好玩/好用?

以下就係我常用的平板用途,希望大家發掘下多d用途,唔好浪費部機 :

上討論區
很多的討論區都已經有mobile版本,加個 m. 係前面又有,換www. 為 m. 的又有。再唔係咪上番佢個桌面版囉,返正bookmark自己常去的區之後,每次去都很直接了。

玩Twitter
討論區夠多人但唔係個個講野都合自己心水。Twitter就唔同了,你只係add自己想add的人。只有被你add左的人所發的貼子,才會俾你睇到。只要add左心水的人,合你心水的貼子就好快好密咁推送至你面前。

睇ipcam
我家有老有細又有工人,時時係街上想知道佢地的現況,所以裝左幾個ip cam。係平板電腦上裝個 Ip Cam Viewer Lite (免費的),即時可以睇到家中各人的即時情況,心安好多。係手機上當然都可以睇到,但7吋的畫面真係比3.5/4吋好好多,不但睇起來清好多,因為我的ip cam 係可以由Ip cam viewer 呢個app入面即時控制上下左右,所以係7吋平板電腦上操縱上下左右,都方便容易好多。都係個句,10吋平板太大太重,唔係成咁方便係街行行下拿出來睇,你知啦,想知呢一刻BB係點做緊咩係訓緊家食野,真係連等多一秒都唔想架。

玩game/模擬器
10吋ipad2多game就係人都知,但有幾可真係可以拿住部10吋機玩game多過半小時? 一係太重一係太阻定,好多時仲要搖來搖去玩,真係累死人。另一方面,3.5/4吋手機又太細,而且成日都俾自己的手指遮住個screen睇唔到,咁點玩呀? 7吋就剛剛好,不太重又唔會遮住。

睇video
電影電視直播,大把俾平板電腦睇到吧。7吋的好處都係同玩game一樣,細輕得來又唔會太細睇唔到。去到邊行到邊睇都方便好多。

睇雜誌
拿拿拿,講真10吋睇雜誌就真係最好既,最似睇緊本hard copy。ipad2的字又清又靚,睇雜誌真係好好。問題又係個重量,拿住睇一陣已經手倦,仲倦過拿本hard copy,咁點過引呀? 7吋呢? 係細輕好多,但要捽來捽去睇,又要放大縮細,係比10吋ipad2麻煩十倍,字體更加無咁清。 7吋唯一好處係你拿住睇拿冇咁容易手倦囉,同埋安卓既isilo有開心版。雜誌的來源咪又係個幾度,雜誌檔案本身又係共同,ipad2好安卓好,一樣用得。

講左咁多其實都係最重要一點: 7吋細輕得來睇到野,令我會常常帶佢出街,時時用。 如果一部機成日都用唔著因為我唔想佢跟身,咁勁到會飛都係浪費。

(來源: funonhands 或 www.twitter.com/funonhands )

其實我覺得一般平板做到咖手機都做到。。對我黎講真係冇乜用

TOP

但係手機 3.5"~ 4.3" 的畫面太幼細, 睇得唔夠爽. 10" 機又太論盡, 所以 6"~8" 就比較平衡些~~

TOP

都係上網多GA LA

TOP

上网同玩msm qq呀

TOP