Teclast P20HD 好唔好?

只係用嚟睇下youtube,  播下網上粵曲, 最多裝埋wechat用嚟做視像通話.
用wifi 多, 基本上唔會帶出街用,  呢部嘢掂唔掂?   同埋有冇其他選擇呢?  大約一千蚊,   要大電池, 仲有咩其他選擇?
(不淘寶,   因為等唔切,  呢個禮拜要買啦)

有乜好唔好  中意咪買囉!

TOP

本帖最後由 joesiu27 於 2021-9-8 12:02 編輯

如果唔係"最多裝埋wechat用嚟做視像通話"
(因為冇用過wechat, 唔知係咪LTE限定)
索性買Tab A7 WIFI版好過
某E字頭鋪賣1400, 兩邊機身4喇叭

重點係: 孝親機唔好諗住貪平
一旦有壞, 要容易搵到地方整
整唔到的話, 煩的是自己

TOP

如果唔係"最多裝埋wechat用嚟做視像通話"
(因為冇用過wechat, 唔知係咪LTE限定)
索性買Tab A7 WIFI版好過
...
joesiu27 發表於 2021-9-8 11:57



   之前用過 酷比魔方 i play, so far 冇問題呀,  只係個電池老化咗.
如果幾百蚊,   玩壞咗咪換.
今次想買埋可以打到電話嘅,   咁佢就可以用平板打電話畀親戚朋友

TOP

之前用過 酷比魔方 i play, so far 冇問題呀,  只係個電池老化咗.
如果幾百蚊,   玩壞咗咪換.
今次 ...
FT907 發表於 2021-9-8 17:13



   是但喇!買左  記得返來造个开傷文  

TOP

Iplay20會比佢好,起碼係全貼合Mon

TOP

update 一下:

早兩日去咗高登一樓"萬x數碼"  (又名x通數碼) 買咗部Teclast P20HD,
呢間嘢之前都喺佢嗰度買過部魔方 i play 10, ok 的.    點知今次畀部壞嘢我!!

盒嘢攞到出嚟,  就要我畀錢開單先,  才check機.  我見幾百蚊嘢 ($980)就算數啦.  費事同佢嘈.   開箱check機時,   電力93%, 我都覺得怪怪哋.  同埋部機已經貼咗mon貼, 表面有少少花痕, (心稔, 塊貼叫做保護,  運送期間作保護貼,  反走都會搣走面頭嗰層, 算!)  
(後來發現貼喺角落頭, number 2嗰張貼紙,(用以撕走面頭嗰浸保護膠)  係貼落去!!  個mon貼根本只有一層,  冇得再搣走面頭嗰層!  即係話,  呢部機曾經有人用過,   佢只係貼返張number 2 貼紙落去扮新mon貼)

開箱之後發現冇咗個火牛,  問佢點解? (原裝火牛係2.5A) 佢話火牛唔啱香港規格, 兩腳,  所以抽起咗.  仲話而家買平板電腦都唔包火牛㗎 !

到試部電話打唔打得出嘅時候,  問佢有冇電話卡.  佢竟然話冇!!  我話你哋賣電話冇張阿公電話卡畀啲客試㗎咩?  佢死都話冇......結果我要自己拆張電話卡出嚟試!

好啦, 精彩嘢嚟啦. 返到屋企, 裝好曬啲嘢, 開始試機,   開住個youtube任得佢播片運行...發現電力耗損好似比平常快, 一路開咗大約兩個鐘頭.....電力得返19%...就突然自動熄機!!   呢個情況好常見,   就係因為個電池已經打柴!!  之後插線入去充電,   發覺係0%!!    呢個情況更加引証到 個電池已經打柴!!  於是再測試,  叉滿佢,  又再嚟過,  今次又係大約去到15%就自動熄機!! 到第二日拎返公司再試第三次,  情況都係一樣一到低電量 就自動熄機

第二日拿拿聲落去叫佢換貨, 換貨期間佢都喺度又話部機正常又話乜......  我話部機行到15% 就自動熄機, 試過三次都係正常呀??  我就堅持個電池已經打柴!! 部機係有問題.   見佢打咗幾個電話之後,    就話換畀我.  仲話今次換貨係最後一次,  再有壞就要維修, 不能再換.

返到屋企, 再試部新機,  今次就正常得多啦,   開盡個mon 100%光度播片,  99%→5%, 大約行到4.4小時  (聲稱6000 mAh, 當佢虛標)

大家想去嗰間嘢度買嘢,  記得小心!

TOP

回覆 7# FT907

呢間嘢係 $.com 成日標平價, 好彩未買過嘢, ching 換到貨算執身彩.

TOP

回覆  FT907

呢間嘢係 $.com 成日標平價, 好彩未買過嘢, ching 換到貨算執身彩.  ...
PV-001 發表於 2021-9-15 12:00



  呢間嘢,  佢$.com 標嗰個價就真係出到貨嘅.
去到現場個標價14XX,  我問佢點解咁貴? show $.com個網頁畀佢睇,    佢話$.com嗰個價係現金特價,   所以980,  咁而家佢真係980 出到貨畀我,

TOP

支持開箱

TOP