小心惡毒傷殘女人

今晚渣車去花園街金聲戲院,去到例牌成條街都係車,見到許x山對出第一個位係傷殘車位而且冇車泊,咁我就叫老婆去許x山買野,我就泊入個傷殘位,個心想買野食最多幾分鐘就走得,過左幾分鐘有部黃色曼士得121黎到停在我隔離,我冇理佢,過左半分鐘到,咦!!!見到佢部車後面貼左個disable的label, 咁我即刻撻車想讓返個位比佢,跟住同個女人講比返個位你泊丫,點知佢第一句就話,肯走哩咩?已為你唔肯走添,我同佢講話之前見唔到你係disable車,依家比返你泊啦,佢跟住又話你d人成日亂咁泊,出到黎找個位食下飯都冇位,跟住我火都黎,我話依到成條街個個都係咁泊啦,佢話個d唔關佢事,仲話我依家報警添,我話你未報囉,跟住條pk打電話,之後落車,拿住兩支拐杖拐到去我車頭,之後坐在地下,我仲以為乜野事,條街d人都望住佢,之後兩部交警來到, 佢同其中一個講左幾句,個交警就過黎問我係唔係司機,之後就話告我違反交通標誌,抄完我仲成條街抄晒,之後傍邊燒臘檔兩個師父話比我知,依個女人已經唔係第一次,佢地已經見過好多次同樣手法仲坐在地下唔比人走,係都要見到抄到牌先肯罷休,有時交警想唔抄佢就話要投訴個交警等等,大家下次去到如果想泊在那條街要小心,我意思係唔止個傷殘位,而係成條街,分分鐘因為佢係到玩緊野而比佢累到無端端比人抄埋牌.

明知係傷殘位就吾好貪方便照泊,警訊都有講啦

TOP

提示: 作者被禁止或刪除 內容自動屏蔽

TOP

原帖由 bassfranky 於 2009-6-7 01:57 發表
今晚渣車去花園街金聲戲院,去到例牌成條街都係車,見到許x山對出第一個位係傷殘車位而且冇車泊,咁我就叫老婆去許x山買野,我就泊入個傷殘位,個心想買野食最多幾分鐘就走得,過左幾分鐘有部黃色曼士得121黎到停在我隔離, ...


樓主唔影低佢??

拿住兩支拐杖拐到去我車頭,之後坐在地下真係過份左D.......

[ 本帖最後由 kamcm 於 2009-6-7 04:03 編輯 ]

TOP

雖然樓主係有錯, 下次唔好再犯. 亦好多謝你既分享.
佢做人無良心, 上天會懲罰佢, 唔洗angry.

[ 本帖最後由 jj-200 於 2009-6-7 04:53 編輯 ]

TOP

原帖由 bassfranky 於 2009-6-7 01:57 發表
今晚渣車去花園街金聲戲院,去到例牌成條街都係車,見到許x山對出第一個位係傷殘車位而且冇車泊,咁我就叫老婆去許x山買野,我就泊入個傷殘位,個心想買野食最多幾分鐘就走得,過左幾分鐘有部黃色曼士得121黎到停在我隔離, ...

你都啱唔晒, 佢又啱唔晒....

TOP

...如果我係樓主...
我會同佢講我趕時間...問佢係咪想要$$$
佢如果一暗示OR 明示有興趣...
差人黎到 你就可以同差人講有人試圖...敲詐勒索...

另外... 佢只要証明到佢阻止你離開..而令到你有經濟損失...
你可以以民事官司索償......
P.S. : 此方法只適合有錢沒地方花的人

-----------------
不過都係果句... 果果女人遲早出事...
佢遇到樓主.. 係佢好彩.. 樓主倒楣....
如果有日.. 佢因為一架[失車] 泊左佢個位...
佢坐係架[失車]前面... 佢肯定變肉醬...

[ 本帖最後由 kamcm 於 2009-6-7 06:28 編輯 ]

TOP

樓主係有唔岩,雖然眼見好多人咁大,
但我自己冇位唔會泊

個女仔都有問題啦.....
成日話人歧視......好難唔歧視您姐

TOP

2個都有錯...冇得幫...

TOP

原帖由 terrytong 於 2009-6-7 04:02 發表

係你錯WOR你仲累街坊Tim


好老實!好明顯係樓主違反法例在先,我知你只係去買d野幾分鐘,
但反法就係反法,佢報警冇錯架wo

因你已經違反 "道路交通(泊車)規例第374C章 第5條 泊車處的指定"

仲有你話"成條街個個都係咁泊啦",你有冇見到呢幾日報紙新聞,
咁多死o靚仔死o靚妹去學人索K,唔通你見到人咁做你又咁做咩

人地坐係地下,都係驚你走左去姐,你都識講 "之後落車,拿住兩支拐杖拐到去我車頭"
你自己諗下la!

p.s.
跟據運輸處網頁:
現時設有停車收費錶的車位約有 17800 個
持有傷殘人士泊車許可證專用的路旁停車位只有305個
sshot-1.png
sshot-2.png
sshot-3.png

TOP