[私家車] 分享一下賣車嘅不快經歷。

本帖最後由 johnlai9 於 2020-1-18 12:39 編輯

18/1/2020 更新:#64 公開咗我同佢嘅對話,等大家更清楚了解件事。
https://www.hkepc.com/forum/redi ... 62&pid=39096853

話說,我有部車一直都有擺28car 度賣緊,已經擺咗一段時間,一路都有啲人會whatsapp問我,不過我都會問對方係咪真係有心買,出幾錢左右。

利申:我之前己賣過3部車,除咗第一部係賣比朋友,另外兩部都係賣比28car 啲私人買家,過程都好順利。

入正題啦,早幾日,有個人whatsapp 我問我部車賣咗未,佢好似好急想要咁,當天傾完就話想約出嚟睇部車。我本身部車標緊 18萬,佢話佢有心要,16萬得唔得,跟住果晚就約咗去我屋苑睇車。佢一家大細嚟,過嚟睇車時,佢都有反映返部車邊度有花邊度有凹。我部車係完全無撞過,所謂嘅花凹都係正常使用痕蹟。跟住我都有同佢地兜個圈,上highway 比佢感受下,佢屋企人都話部車幾好。

好啦,之後果晚,佢就whatsapp 我,話因為我部車個情況,佢最多只係出14萬,因為有邊d 地方要執咁。我本身都再還佢價,後來佢話佢最多出得14萬,仲話如果個價錢okay 就可以進入下一步程序。適逢新年,我考慮下之後就應承咗佢,後來佢話佢咁啱要去出trip,幾日後先返。咁我就去睇定啲新車,睇下啲款,到時賣走咗部車就買部新車渣,諗返好彩我新車落到訂,如果唔係就hihi了。

到尋日星期六,佢就同我講佢星期日會返香港,仲叫我先洗乾淨部車同清晒d 雜物出嚟先,仲已經傾好咗星期一幾點去運輸署,到時現金定過數咁,成個過程一路都係開心見誠。之後,佢就同我講佢想再嚟望多次部車,咁我估佢都係想買之後再望多眼,本身部車個情況佢已經心裡有數啦。本身佢約我12點幾,後尾我都係屋企等到3點幾。

點知。過到嚟,又係一家大細,但突然間態度好似轉咗咁,忽然驗屍官上身,不過都唔緊要,可能佢都係想估計下有咩地方要補下啫。睇完半粒鐘,佢要求試下部車。我果時有諗一諗,因為畢竟路上有咩意外到時口同鼻拗,不過我諗住過多一日部車都係佢架啦,就比佢試一個圈啦,試完後佢就話電話聯系。

最後,佢就send 個msg 比我,係咁彈我部車呢度花果度凹,仲話咩內籠有漬,仲要話我部車渣咗3年咁嘅情況都幾嚴重,之後就話唔考慮啦。哇,果一下我真係好火滾,佢本身第一次己經有睇過,跟住傾好咗價錢,叫我執乾淨架車,突然先話再睇多次,之後仲要試埋部車之後先話唔要。

我反問佢,我平咗2萬比佢,佢唔係預咗用嚟執部車咩?另外,佢如果嚟睇咗部車之後都覺得有花凹唔鍾意,點解仲要試我部車。佢嘅答案係:睇車當然希望揸一圈感受一下,你車操控感覺並無問題,如因此帶來不便,抱歉。

去到呢個位,我連問候佢都廢事了,呢個情況已經唔係佢要唔要部車嘅問題。而係佢個人真係好無品,不知所謂。試問,你真係唔要部車,你大可以搵好多藉口,但係佢竟然係唔要你部車,仲要彈你部車呢樣衰果樣衰,仲要大條道理講到話,一場嚟到咪試下你部車囉,反正唔駛錢咁。

所以,既然佢要做到咁,我唯有係網上分享下呢啲經歷,等大家警剔一下。其他野我無講講多了,人在做天在看。

回覆 1# johnlai9
呢D人好多...  我諗保障大家睇完有興趣既落訂  如果唔係既講乜都晒氣  
你算好好人  肯比佢渣咁耐

TOP

本帖最後由 johnlai9 於 2020-1-13 01:56 編輯

真係好谷氣。

TOP

再衰d嘅都有,今次遇唔到下次都會遇到⋯

正路係佢講到14嗰吓叫佢過來落訂⋯

TOP

話說,我有部車一直都有擺28car 度賣緊,已經擺咗一段時間,一路都有啲人會whatsapp問我,不過我都會問對方 ...
johnlai9 發表於 2020-1-13 01:34

師兄,你真系好人,28賣車,一直都系睇彩數,時運高就遇好人,
我系28買賣都有三四次,玩野既人不少,所以有時講明唔講價,
我一見啲人壓價,又唔落訂,就免了

TOP

大把呢d野啦

好似我放緊一架豐田車咁

都係十萬有找 (小花一定冇撞就冇) 兩個師拉同我傾 傾左四- 五日

星期一開始...間中問幾句 比晒相。 大家夾緊星期六幾點睇 講到好想要 有心買, 星四已經講星期六幾點睇 我都盡量就比佢 好啦星期五上仲傾緊,到夜既再confirm時間啦,突然一句<< 我老公公話都係唔要啦。>>

兩個師拉都係咁,我肯定唔同人因為電話地點差好遠

大佬吹左五日水 浪費時間 突然話唔要 冇錢 未諗好就咪問啦

TOP

本帖最後由 vassilihk 於 2020-1-13 09:15 編輯

放車 一般28car價, 最多打個9折 / 85折

最憎係嗰D 出到尼又彈依樣嗰樣, 下下禁你價嗰D. 嗰D一聽到真係晒氣, 即走, 頭也不回. 其實咁樣左嫌右嫌, 買返新車算啦.最搞笑係之後又搵返我話用返我asking 個價賣, 我最後平賣俾第二個都唔賣俾佢.

第二憎嗰D 係車都未睇就禁價嗰D, 嗰D又係覆佢都晒氣



不過我而家渣緊依架上手車主就真係好人, 一尼到講明自己花凹係點, 有D 我都無為意的位佢都一五一十講晒出尼, 賣車轉名嗰陣仲打爆缸油俾我, 真係勁好人

TOP

本帖最後由 gn01119056 於 2020-1-13 09:35 編輯

其實都未算最差既, 賣車就預左多白撞, 所以好多人放比車房廢事煩
一定仲有更多更垃圾既人
買車/試車就一定要比訂金
聽講有人試車撞左走數仲慘, 追返都蝕律師費

TOP

其實買賣雙方真係好矛盾......
比我係賣方, 梗係唔想人講價又高價唔使煩, 試車免問啦
但當我係買方果陣, 我淨係想上架前試左車先, 試完車上架無問題落訂就係我誠意既回覆, 因為其實架車真係未揸過係唔會知自己係咪真係想要呢款車, 賣方車主話代揸當比我試都好, 有D野真係唔係自己上車揸過就唔會知, 但下下想試車呢步就要落訂, 根本就無回頭路......

TOP

賣車不嬲唔比買家試車嫁啦, 最多一齊出去行個圈, 免得有咩誤會

TOP