大想頭GA......慘得過上次我去睇車, 人地無牌費都夠膽駁比我開車試~
你要保障自己而REJECT我試車要求呢 ...
stevechau 發表於 2020-1-16 10:39


落左訂就比試,至於試完唔啱feel就一定冇得退錢,
如果唔係咩叫比訂?

TOP

係呀, 呢個係私人既問題所以先唔岩呀, 之但係就係未試過點知原來唔岩呢??
睇相係誇啦啦我好鍾意呀, 但坐 ...
stevechau 發表於 2020-1-17 12:15


我自己賣咁多次車,都係要比左訂先可以比買家試渣/車房試渣/上架,
未比訂前,我渣你坐,你自己感覺有冇問題,識車既人,坐係隔離已經會知道車有冇問題,
如果你話一定要自己試渣過先落訂既話,我會同你講,去買全新車吧

TOP

事隔幾日,原來個  post 咁熱鬧!
結果我部車成功賣出咗比第二個人,亦都無嫌三嫌四,同我之前兩次賣車嘅經 ...
johnlai9 發表於 2020-1-18 12:25


佢態度都好好喎,你講左句新車落左訂就錯L曬啦!! XD
人地知你急賣仲唔壓多你幾下呀 ?
分分鐘佢話唔同你買,之後搵第二個電話/朋友試個再落D既價同買你
輸經驗啦師兄,賣車一定唔可以比個買家知你急賣,
同埋未賣現車,唔好買新車住呀,新車落訂都唔好呀

TOP

咁唔好賣囉咁驚人渣你部車,想人地試都唔試買你部車有無咁大想頭啊?ipmc、hkmi都會上你部車試啦,係咪都 ...
wewetwet 發表於 2020-1-18 16:20


緊係要落左訂,先比你搵hkmi驗啦,到時你試飽佢又好,hkmi試又好囉!
你真係識唔識嫁?

TOP

落左訂就比試,至於試完唔啱feel就一定冇得退錢,
如果唔係咩叫比訂?
nkc1989hkjc 發表於 2020-1-20 22:55


唔比試咪訂都費事落囉, 相向之嘛, 既然你都唔係有誠意賣車, 我同你既時間都已經嘥左, 無得試咪唔試唔買囉, 話之你架車係全港唯一放盤丫~

TOP

緊係要落左訂,先比你搵hkmi驗啦,到時你試飽佢又好,hkmi試又好囉!
你真係識唔識嫁? ...
nkc1989hkjc 發表於 2020-1-20 23:15



人地HKMI/IPMC都係叫你唔好落左訂先叫佢地黎驗......
其實我搵佢地果陣都有提過下, 落左訂先叫佢地去驗係無乜意思, 驗/試呢個動作係落訂之前就應該要做左先~

TOP

我自己賣咁多次車,都係要比左訂先可以比買家試渣/車房試渣/上架,
未比訂前,我渣你坐,你自己感覺有冇問題, ...
nkc1989hkjc 發表於 2020-1-20 23:01



我都遇過你呢種賣法賣家, 主動話揸比我試坐都試唔少, 但無一個最後收到我錢囉
我的確係坐隔離/後面就知到7成, 但淨返果D係要自己做司機揸過幾個街口先會知
落左訂試車都算, 落左訂先可以車房上架, 架車到手短期內將會有問題既機率真係好大, 同架車有事夾下手食左架車佢無咩分別~
唔比試架車就算驗完係10分我都係當6分睇, 因為賣家誠意令到架車扣左分~
你好彩遇親都係水魚買家咪聽你點囉~

丫, 我買之前款車果陣都試過你呢挺賣家, 又係同我講架車幾咁OK睇岩就點點點, 可以上架但試就無謂, 果晚就同我講有人齋睇車架都唔上就OK成交左, 第日就過戶, 咪比個恭賀佢咁快賣到車囉~
點知架野兩個月左右, 下手就已經寫多一手擺返上28CAR......
後來車聚講起架車有谷友睇完, 係比較鬼, 接唔到都唔係壞事
睇返D手法, 咁似你賣車果種套路既??

TOP

我都遇過你呢種賣法賣家, 主動話揸比我試坐都試唔少, [[[[[但無一個最後收到我錢囉]]]]] <---呢個咪重點囉!!!

唔係買又要試!!!

TOP

回覆 1# johnlai9


    所以我傾向同車行交易,價係冇咁高,但亦冇咁煩。

TOP

本帖最後由 TimCook 於 2020-1-21 13:47 編輯

我响二手車行做過幾年,如果個客睇車,可著車。如要試車,要先傾好價(定實冇得再減),再落一成訂(有單),影印駕駛執照,就可試車。如要上架驗,一樣要落訂,驗出嚟有問題,全數車行負責,如正常,個客要需要履行交易,上架費個客俾,規矩係會跟 $100 油。想知車啱唔啱自己,我哋會叫個客去陳列室約試,有冇嗰款?呢個冇法。整個行頭都係咁。至於你肯俾人試,係你自己願意承擔風險,唔可以講話,人哋唔俾試係有問題,始終去到法律層面,一定係車主責任,而有人唔駛俾訂又可以試車,仲好好招呼,呢個可能係佢個人遭遇同情況,行內罕有,我亦只能講句:你嘅遭遇實在太令人羨慕。

TOP