其實買賣雙方真係好矛盾......
比我係賣方, 梗係唔想人講價又高價唔使煩, 試車免問啦
但當我係買方果陣, 我淨係想上架前試左車先, 試完車上架無問題落訂就係我誠意既回覆, 因為其實架車真係未揸過係唔會知自己係咪真係想要呢款車, 賣方車主話代揸當比我試都好, 有D野真係唔係自己上車揸過就唔會知, 但下下想試車呢步就要落訂, 根本就無回頭路......

TOP

又係一黎就減兩成,其實D人無心買我係唔會覆
meowmi 發表於 2020-1-15 05:09



我睇車都係習慣睇完用車價8折去開始傾 (*除非係有D車主一開波就講左自己底價係幾多)
咁當然還價果陣客客氣氣唔係搵交嗌啦
OK咪8折, 唔OK咪再傾囉, 買家開天殺價JE, 仲有下一句落地還錢嘛, 咪還下價囉
真係無誠意咪唔賣囉~
始終平到幾多真係袋返落自己銀包GA嘛, 我試過最後都係9折左右就成交~

TOP

唔落訂想試車?大想頭左D喎,你渣緊時撞左咁點先?你一定就數嫁啦,咁我咪好冇保障?! ...
nkc1989hkjc 發表於 2020-1-15 23:12



大想頭GA......慘得過上次我去睇車, 人地無牌費都夠膽駁比我開車試~
你要保障自己而REJECT我試車要求呢點無問題, 現金係我呢個賣家手上, 我作為買方都會考慮車都無得試咁即係對方都唔係有誠意傾&賣車GA啦, 咁何必逼賣家呢, 係咪??
你無緣係我身上拎到錢兼放到貨JE, 賣家坐得起貨咪等下一個有緣買家囉, 呢點我作為買/賣方都睇得好開~
反正你咁REJECT我, 我都係嘥自己時間黎浪費你光陰, 我又真係無試過一個賣家夠膽講完全唔比試車的~
最多都係開條件落左訂先比試, 喂你比我試就驚撞車走數, 我落訂試完先知款車真係唔岩唔夾, 你點回水比我先??
既然試車都驚撞, 咁不如架都唔比上啦, 上左架之後著CODE/發現爛左野你又入個買家數, 咁咪好無"保障"?? 以後買車賣車, 都係上28睇相先, 眕相岩就約時間直接上TD過左戶先, 之後點試點睇點傾價錢都唔怕無保陴啦, 呢個流程應該好符合閣下心水喇掛??

TOP

你對個款唔岩唔夾同車主無關,係個人問題,私人賣買又唔係Sales唔彩你好正常
樓下有買賣版有邊個俾試?最 ...
ttsssp 發表於 2020-1-16 15:22



係呀, 呢個係私人既問題所以先唔岩呀, 之但係就係未試過點知原來唔岩呢??
睇相係誇啦啦我好鍾意呀, 但坐上司機位行出停車場就發現架車可能揸唔掂/發現某D辛苦位就要考慮, 呢D野唔係坐過係司機位行住車扭過軚盤望過鏡, 點會明??
再簡單D講, 唔行住車自己去扭下個軚, 我點知你個電軚有無左右力度不均有無壞?? 你代我試但我唔會知架喎~ 你只係將賣家個風險推晒去買家度之嘛~
上架?? 個車房CFU話有疑慮想揸出去行個圈試齊D野CHECK真D, 咪又係要比陌生人揸, 出事果陣好大可能咪又係車主上身, 咁係咪連架都唔比上丫??
賣完車反而仲私保幾日?? 咪又係"前"車主賣家上身, 咁就唔嫌煩唔怕上身嗱?? 前言都不對後語既~

我買樓無得試住, 但都唔會點係上28HSE睇下相, 然後係棟樓出面行個圈望下幅牆無事就買囉~
你唔比我試車, 同唔比我入屋睇樓/齋睇唔比度唔比企定望真D有咩分別呢??
可能係個景觀你影唔晒上到黎我睇到先發現唔岩呢?!
你話有驗樓師既, 你都要比呢個驗樓師陌生人入屋敲下牆扭開個水喉CHECK漏水掛?!
當然你一樣可以話好似租屋咁租架車試左睇下岩唔岩先, 你都要坊間有果款車租比我先得GA, 有得租你估我想打搞買家咩, 此為其一~
其二係買樓買車一樣, 就算租完係岩, 到你唔係買返同一架車/同一個單位果陣, 我咪一樣要由頭咁CHECK/試多次~

賣家不實陳詞我仲上架?? 一係買家揀車房, 賣家比上架費囉~

所以你最理想既唔係上唔上架, 而係睇完相就過戶, 過完戶先講返架車有咩問題同試車~

TOP

賣車試玩過手癮乜人都有。預著個試你架未到7年車嘅Abs 真係唔知呢啲咩玩法 ...
musicmatch 發表於 2020-1-17 02:29



呢個我試過有趣D, 有個賣家主動叫我上車話試套BRAKE比我睇, 試埋個ABS著唔著, 然後佢自己揸踩一次DUP比我睇   
我本身都無諗過試車要咁糟質架車的XDDD

TOP

所以經紀都有價值

via HKEPC Reader for Android
coffeeaddict 發表於 2020-1-17 09:27



係既, 都係睇下點安排JE, 我又真係唔介意試完車入返油比你, 甚至擺定幾舊水出黎, 試唔岩咪當租左一陣車囉~
咁但係真係無可能要我落左訂先比我開車試, 無回頭路既野真係人地行埋我果份就算~

TOP

一樣米養百樣人. 各有不同看法. 無話絕對對錯...

如我對自己架車有信心, 我點會怕試比人睇.
自己揸踩一 ...
nganshiu 發表於 2020-1-18 02:21



我作為買家, 如果真係有心買, 架車他日都係我果陣, 其實都唔係好忍心走去試車果陣轟佢~
只能夠講, 賣家想試車要落訂合理與否係一回事, 買方都比呢D無心買又想試玩既人玩壞左個市~

TOP

無知一問:
出面有hkmi ipmc個d第三方上架有無驗電軚有無左右力度不均? 高轉無力異音等等?


hkmi ipmc 係貴 ...
nganshiu 發表於 2020-1-18 02:43



電軚力度不均未必試得出, 同埋有可能佢無得試車, 齋驗係驗唔出的~
想當日我架車都有壞呢樣野, 但無得再比HKMI出街試車, 所以到最後REPORT係無呢樣野, 但我都照揸~
唔只HKMI試唔出, 我拎去政府年驗都係驗唔出......

TOP

落左訂就比試,至於試完唔啱feel就一定冇得退錢,
如果唔係咩叫比訂?
nkc1989hkjc 發表於 2020-1-20 22:55


唔比試咪訂都費事落囉, 相向之嘛, 既然你都唔係有誠意賣車, 我同你既時間都已經嘥左, 無得試咪唔試唔買囉, 話之你架車係全港唯一放盤丫~

TOP

緊係要落左訂,先比你搵hkmi驗啦,到時你試飽佢又好,hkmi試又好囉!
你真係識唔識嫁? ...
nkc1989hkjc 發表於 2020-1-20 23:15



人地HKMI/IPMC都係叫你唔好落左訂先叫佢地黎驗......
其實我搵佢地果陣都有提過下, 落左訂先叫佢地去驗係無乜意思, 驗/試呢個動作係落訂之前就應該要做左先~

TOP