[私家車] 分享一下賣車嘅不快經歷。

本帖最後由 johnlai9 於 2020-1-18 12:39 編輯

18/1/2020 更新:#64 公開咗我同佢嘅對話,等大家更清楚了解件事。
https://www.hkepc.com/forum/redi ... 62&pid=39096853

話說,我有部車一直都有擺28car 度賣緊,已經擺咗一段時間,一路都有啲人會whatsapp問我,不過我都會問對方係咪真係有心買,出幾錢左右。

利申:我之前己賣過3部車,除咗第一部係賣比朋友,另外兩部都係賣比28car 啲私人買家,過程都好順利。

入正題啦,早幾日,有個人whatsapp 我問我部車賣咗未,佢好似好急想要咁,當天傾完就話想約出嚟睇部車。我本身部車標緊 18萬,佢話佢有心要,16萬得唔得,跟住果晚就約咗去我屋苑睇車。佢一家大細嚟,過嚟睇車時,佢都有反映返部車邊度有花邊度有凹。我部車係完全無撞過,所謂嘅花凹都係正常使用痕蹟。跟住我都有同佢地兜個圈,上highway 比佢感受下,佢屋企人都話部車幾好。

好啦,之後果晚,佢就whatsapp 我,話因為我部車個情況,佢最多只係出14萬,因為有邊d 地方要執咁。我本身都再還佢價,後來佢話佢最多出得14萬,仲話如果個價錢okay 就可以進入下一步程序。適逢新年,我考慮下之後就應承咗佢,後來佢話佢咁啱要去出trip,幾日後先返。咁我就去睇定啲新車,睇下啲款,到時賣走咗部車就買部新車渣,諗返好彩我新車落到訂,如果唔係就hihi了。

到尋日星期六,佢就同我講佢星期日會返香港,仲叫我先洗乾淨部車同清晒d 雜物出嚟先,仲已經傾好咗星期一幾點去運輸署,到時現金定過數咁,成個過程一路都係開心見誠。之後,佢就同我講佢想再嚟望多次部車,咁我估佢都係想買之後再望多眼,本身部車個情況佢已經心裡有數啦。本身佢約我12點幾,後尾我都係屋企等到3點幾。

點知。過到嚟,又係一家大細,但突然間態度好似轉咗咁,忽然驗屍官上身,不過都唔緊要,可能佢都係想估計下有咩地方要補下啫。睇完半粒鐘,佢要求試下部車。我果時有諗一諗,因為畢竟路上有咩意外到時口同鼻拗,不過我諗住過多一日部車都係佢架啦,就比佢試一個圈啦,試完後佢就話電話聯系。

最後,佢就send 個msg 比我,係咁彈我部車呢度花果度凹,仲話咩內籠有漬,仲要話我部車渣咗3年咁嘅情況都幾嚴重,之後就話唔考慮啦。哇,果一下我真係好火滾,佢本身第一次己經有睇過,跟住傾好咗價錢,叫我執乾淨架車,突然先話再睇多次,之後仲要試埋部車之後先話唔要。

我反問佢,我平咗2萬比佢,佢唔係預咗用嚟執部車咩?另外,佢如果嚟睇咗部車之後都覺得有花凹唔鍾意,點解仲要試我部車。佢嘅答案係:睇車當然希望揸一圈感受一下,你車操控感覺並無問題,如因此帶來不便,抱歉。

去到呢個位,我連問候佢都廢事了,呢個情況已經唔係佢要唔要部車嘅問題。而係佢個人真係好無品,不知所謂。試問,你真係唔要部車,你大可以搵好多藉口,但係佢竟然係唔要你部車,仲要彈你部車呢樣衰果樣衰,仲要大條道理講到話,一場嚟到咪試下你部車囉,反正唔駛錢咁。

所以,既然佢要做到咁,我唯有係網上分享下呢啲經歷,等大家警剔一下。其他野我無講講多了,人在做天在看。

本帖最後由 johnlai9 於 2020-1-13 01:56 編輯

真係好谷氣。

TOP

本帖最後由 johnlai9 於 2020-1-18 12:55 編輯

事隔幾日,原來個  post 咁熱鬧!
結果我部車成功賣出咗比第二個人,亦都無嫌三嫌四,同我之前兩次賣車嘅經歷一樣。
為咗令大家更清楚件事嘅來龍去脈,我決定係度公開D對話記錄,等大家以後小心啲。

一開始,佢搵我,原本我部車係標180K,我都直接問佢心目中出幾多,佢話 160K。
photo_2020-01-18_12-10-45.jpg
2020-1-18 12:38

PS: 原圖無打格

第一次睇完部車,佢壓我價,話要140K,比原本少咗20K,理由係好多地方佢要再翻執。
我開心見誠問佢 150K 得唔得,佢都係話最多先140K。
photo_2020-01-18_12-10-07.jpg
2020-1-18 12:17


考慮完後,我應承咗佢140K,跟住佢幾日唔係香港,我話等佢返嚟就交收。
跟住佢話要嚟睇多次車,仲叫我要先洗乾淨同執好內籠,仲已經約埋星期一幾點去運輸署咁。
photo_2020-01-18_12-10-07 (2).jpg
2020-1-18 12:17


到星期日佢睇完部車之後,試好埋部車,隔咗一個鐘,就突然反口話唔要。
其實一日未交收,一日都可以反口,呢個我明白。但係,最嬲嘅係,唔要部車就算,求其搵個理由就得,唔好突然變咗汽車專家咁,嫌三嫌四,踩到我部車一文不值。最後我再反問佢,既然外表都唔鍾意,點解仲要上我部車試。佢個回答令到我火上加油,"睇車當然希望試一圈啦",佢個意思即係,一場嚟到,唔買都要試渣下囉。
photo_2020-01-18_12-10-07 (3).jpg
2020-1-18 12:55


老實講,成個過程我態度已經好好,新年流流我都唔想祝福人地。
我只好將D對話公諸於世,分享下比大家。

TOP