全保續保問題/手續

小弟上年12月尾出車Jazz RS,當時又合誠搞埋全保(無上會),,請問遲d 續車牌及保險係咪會收到保險公司既offer,抑或要自己預時間搵定保險公司搞續保?另外,係網上搵續保報價時係咪應該當自己已經有 20% NCB? 抑或要等原有既保險公司比新 offer 續保先有 NCB? 另外,續保是,應該填自己架車既車價係點計法? 應該唔會寫原先買入既車價吧,那應該寫多少?我買入 Jazz RS 時車價連雜項約 $192000, 那現在應寫多少?12/2020 出牌,係咪當2年車,所以寫車價的話,應該寫多少? 請各位 CH, 賜教,等我預早處理,同埋有甚麼需留意及處理。????

小弟上年12月尾出車Jazz RS,當時又合誠搞埋全保(無上會),,請問遲d 續車牌及保險係咪會收到保險公司既o ...
aleck_choi 發表於 2021-9-5 16:27

點解唔打去保險問   
一般完保前1個月左右會收到續保通知書,只要簽名俾錢就得

via HKEPC IR Pro 3.6.1 - Android(3.3.1)

TOP

回覆 1# aleck_choi


    我試過遲咗個幾月先收到續保通知,甚至收唔倒都試過,最好自己打返去,如果我係你,我會搵 booker 報個價參考參考,唔一定要用返同一間,我多數搵快而保,佢會搵到最平。你第一年?咁應該係 10 NCB,你唔駛自己填的,佢會同你計。車價應該係填返你買車時個價,新車買就填新車價,二手車買就填二手買返嚟個價。

TOP

回覆  aleck_choi


    我試過遲咗個幾月先收到續保通知,甚至收唔倒都試過,最好自己打返去,如果我係你 ...
ChingTszHong 發表於 2021-9-5 17:09


今年12月係續約,係咪應該叫第二年保險,咁係咪應該有 20%NCB, 另外,依家填全保既車價係寫返我2020 買呢部新車既車價?抑或應認有折舊,應該寫低d?

TOP

回覆 4# aleck_choi


   你有保險揸咗12個月就係一年。你填你買嘅時候個價錢,你用幾錢買就填幾多錢。

TOP

本帖最後由 kypywk 於 2021-9-5 19:00 編輯

你無上會,買多少全保隨你(當然唔可以多過折舊價啦),甚至唔買全保又得。
我建議你求其買十萬元(落地一年折舊淨7折約十三萬,齊頭買十皮算啦 ),自己上網找車保公司報價,(報有20%NCB),邊間平咪幫襯邊間lor

我第一架新車當年廿萬(也是無上會),買吓買吓買到7/8年之後買三萬(很真係平,個價多唔到三保多少),保險佬直情唔受,叫我買三保算數

TOP

今年12月係續約,係咪應該叫第二年保險,咁係咪應該有 20%NCB, 另外,依家填全保既車價係寫返我2020 買呢 ...
aleck_choi 發表於 2021-9-5 09:41

車價填你想買嘅保額,你填新車買入價,如不幸架車total lost 同畀人偷咗,保險公司都唔會賠番新車價畀你,只會賠你架車市值畀你,但保費就收足。

TOP

我覺得最多買15萬就夠
另外你12月先到期,未必咁快收到續保通知。我經驗通常一兩月前收到,如果都無就打去問
你上年無claim過今年續保就20%NCB,轉會一樣有

TOP

回覆 7# wct


    但車價好似唔係你認為值幾多就填幾多,你填新車價,保險會自己同你計折舊。

TOP

回覆  wct


    但車價好似唔係你認為值幾多就填幾多,你填新車價,保險會自己同你計折舊。 ...
ChingTszHong 發表於 2021-9-6 03:34

保險公司只會係賠償果陣先會主動計折舊。
你鍾意填一百萬車價都得,保險公司一定照受,
只要保費照一百萬收足,你送錢畀佢哋駛,佢哋冇話唔受。

TOP