[開箱] Creative火箭砲SBX 20開箱!

本帖最後由 freeman8888 於 2013-6-8 05:18 編輯

之前用過Creative套T40之後,就一直中晒Creative毒,幾百蚊對喇叭打機又得聽歌又得,真係物超所值。所以今次想返買個座地喇叭,第一時間都係諗起Creative,適逢佢有款坐地大砲SBX 20,梗係要捧下場先得。


一開箱支砲雖然唔算好大座,不過要座地就絕對足夠,同屋企張梳化差唔多高,不過由於佢係藍牙喇叭,相信之後都好少會郁佢。



用佢用500ml既飛雪礦泉水比一比,高度大概等如兩支多少少,如果要單手拎起係有D難度。


跟箱配件方面唔算好多,圓盤底座就一定要有,仲有跟USB牛同USB線,換條線叉埋電話都得。


呢碌野作為一件無線用品,預左佢唔多掣架喇,除左個配對用既藍牙掣之外就係D插頭,不過用得著機會唔多。


未開機之前十分光滑既喇叭頂,直頭可以照鏡咁滯。


加埋底座企響度既雄姿,真係令人急不及待想試試佢呀。


駁著佢之後個喇叭頂即時有光,呢個掣一睇就知係咩,呢度就唔講咁多喇。


著完即時試駁電話播歌,一搵就搵到SBX 20出黎,好彩唔係咩奇形怪狀名者。


你一配對佢仲即時提你要裝返個App先用得,都真係幾鬼體貼。


要裝App都係全自動,又係免費,好快就裝完。


駁到電話藍牙之後,電話標誌會著燈,而且呢個掣按佢都無反應,其實可以操作得其餘五個掣。


駁到之後音量都可以電話較,喇叭面亦會出音量Bar話畀你聽轉緊大聲定細聲,好過用到盲中中既。

試音後感:
呢支座地喇叭原本預佢係重低音果類型,不過一試之後發覺佢人聲方面表現好好多,比起之前聽過Creative喇叭有唔同感覺,以前Creative喇叭最弱就係人聲,今次呢支SBX 20可以話完全擺脫佢過往風格,但Bass聽落就係順耳唔拆聲,唔算係有驚喜,但係聽歌最緊要都係人聲靚者,而且佢音量都幾大,就算焚機都應該無問題,幾百尺夠晒用。
附件: 您需要登錄才可以下載或查看附件。沒有帳號?註冊

唔好介意……好打手……

TOP

我都覺

TOP

幾錢??

TOP

唔好介意……好打手…X2

TOP

唔好介意…… 打得好、真係好好~

TOP

開箱文有圖有用後感,可接受喇
咁多位"非"打手請發表下要有乜內容先可以出post
#利申,我唔識樓主

TOP

睇黎 EPC 都唔係好適合開箱的地方 .... Sony 開箱 Samsung 打 , Samsung 開箱 , Sony 就出黎打 .... Anyway 支持開箱

TOP

creative 仲有打手咩? 以前有個叫巨熊(佢自稱係 creative 既人所以唔算得上打手)響香港同台灣既 forum 留連, 講野都幾有 point, 後來 creative hk 摺埋, 連 emu d 野都無得響 creative hk 買

TOP

本帖最後由 HKZO2 於 2013-6-12 12:34 編輯

覺得D人好無胃, 岩睇未睇,唔岩睇未走人囉, 係要串人2句,咁樣搞法以後想睇開箱都幾難...
另外想問下樓主支野幾錢?

TOP