選擇監聽喇叭方法

呢輪較得閒睇咗好多唔同論壇嘅post, 最深刻都係介紹監聽喇叭呢類文章, 真係甩轆頻頻~~最大問題係發問者資料不足, 其次係過份注重低音和品牌~

好似係咁  "請介紹喇叭主要聽流行曲 budget $5000~"
答案其實求其講都得, 反正達標嘅喇叭真係勁多, 最後問果個似買六合彩~

發問者責任係最大, 其次係答果個一知半解, 最後係sales興風作浪.

以下兩幅圖係有關監聽喇叭距離, 最主要係睇第一張, 第二張講近埸喇叭唔好擺超過兩米~






由於真力對於聆聽距離揸得好緊, 套用於其他品牌應有+-10-15%走位, 先跟自家guildline, 冇先參考呢張...
主要係睇8010 (3吋小),  8030 (5吋中), M40 (6.5吋大)--當佢係大, 因為香港唔係太多房擺到8吋喇叭; 同埋彈性極高嘅8351(8吋半)

最佳聆聽距離 8010 (0.5m-1.3m), 8030 (0.75m-1.7m), M40 (0.9m-2.0m), 8351 (0.6m-2.2m)
多數人犯嘅係聆聽距離過近, 其次係太貼牆, 聆聽距離過近係嚴重錯誤, 高低音未有足夠距離融合, 情況就如吃下一盤咖哩雞, 但調味用嘅鹽未完全溶解, 所以一啖鹹一啖淡, 使用同軸喇叭(8351)可解決過近問題, 但市場上同類可選擇不多, 而貼牆太近可靠後天盡量補救~

所以購買監聽喇叭(或發帖問嘢), 首先考慮係~ 排名絕對分先後 :

1.  空間有幾大?
2. 聆聽距離/左右喇叭距離/喇叭與牆距離
3. 低音單元大小、體積、高度
4. 用途/口味~~如重金屬、本地流行曲、打機、爵士樂女音、混音、挑錯~
5. 價錢
6. 品牌
7. 好評壞評

其實買監聽喇叭, 每隻品牌相差不大, 因為佢哋宗旨都係盡量做FLAT, 貴與平的差別在於精準度, 機後有高低音調較巳叫OK, 香港用家驚瀨嘢, 所以執著試聽, 而又選擇不多, 所以又係買果幾隻牌子, 我有D朋友買喇叭有時未聽過就扑搥, 好似8351、Event Opal、Equator D5 MK2、RL905等, 睇多幾份外國評論就可以嚟料, 所以都冇乜鑊氣, 外國評論唔夠膽亂嚟, 因為讀者高手如雲, 呃唔到佢哋~
附件: 您需要登錄才可以下載或查看附件。沒有帳號?註冊

外國專業雜誌嘅評論公信力比較高, 除咗位於世界頂端, 睇嘅人亦係有料之人, 集合數份大評論再分析吓, 買到筍嘢嘅機會就自然增加, 相信樓上數人都有做功課

TOP

笑大咗,唔講幾大品牌聲音特性都唔同,連幾大品牌內每個系列都有特性不同,根據不同用途係圖表看似差唔多 ...
evec 發表於 2016-7-12 14:09

你又諗過龍啦, 如果要咁分法, 5000字都打唔晒, 而且又套用咗HIFI思維去諗嘢, 監聽喇叭係理性嘅, 唔會有太多感情元素, 最注重整體音樂, --精準度, 而且要基本由FLAT開始, 近年監聽喇叭都模糊咗界線, 唔會點分影或音專用, 基於全球一體化, 為咗迎合唔同消費者, 喇叭分類巳經唔可以用法國、德國咁分, 你只可以講傳統上偏向係咁, 新出型號亦巳經開始淡化呢樣嘢,  HIFI喇叭係感性嘅, 你要嘅激情, SALES用嘅比喻詞都可以搵到, 一對澈情嘅監聽喇叭恐怕害死唔少人~

你似乎偏向斷章取義, FLAT就無限擴大, 精準度就隻字不提, 要做一隻好嘅監聽喇叭, 先做好最基本---FLAT, 接著向精準度邁進, 呢D係COMMON SENSE..

呢個POST主要係比超新手玩監聽喇叭睇嘅, 最重要嘅聆聽距離與單元大小關係, 第一腳就踩屎, 跟住就唔駛點玩, 達唔到標就好難改善, 因為你冇辦法變多D地方出嚟~我都唔係好想答D咁空泛問題, 我寧願講吓基本嘢, 最重要係新手唔好瀨嘢~~

TOP

監聽箱係理性 精準?照計日本仔可以做得好精準,點解一直高級監聽箱都係歐美廠。
   
...
evec 發表於 2016-7-12 20:38

你可能略有技術, 但係對於哲學、心理、市場、社會科學比較薄弱, 而諗嘢思維亦好似停留喺90年代, 而家一件產品要暢銷全球, 係唔可以太有個性, 你睇吓有個性嘅廠下場係點.....太過執著法國聲..民族性呢D字眼, 監聽喇叭唔注重呢D嘢, 用嘅人只係關心夠唔夠精準, 精準唔單止係儀器, 仲有感覺架, 幫唔到手就算宇宙聲都冇用, 監聽喇叭D類化後, 可調性高咗, 機後果D掣可以叫做固定咗嘅DSP控制器, 你睇外國評論, 都唔會點講乜乜聲、物物聲, 一砌從實際情況出發, 係香港仲係咁諗咋~~而家D歐美工程師流動性咁高, 有時可能發生咁嘅情況~一間德國公司資金來自盧森堡, 設計師係瑞土人, 監製係比利土人, 設計團隊又似歐盟, 咁你想點啫??

發問呢樣嘢跟得幾多得幾多, 唔夠資料我哋答錯咗, 我哋一樣有責任, 點解你識嘢唔問人攞多D料? 人哋辛苦儲錢買嘢, 第一鑊就踩屎, 咁樣就會影響到呢個網站嘅公信力, 我寧願悭番啖氣幫吓有需要嘅人, 好過拗D空泛無聊嘢~

TOP

其實鑑聽喇叭都有分好多種吧,有混音鑑聽、回放鑑聽,而且又有分影視、廣播同錄音回放用

各自追求既目的都 ...
darkfrank 發表於 2016-7-12 23:30

而家分得好模糊啦, D人都係用以往經驗略略分類, 基本上都係雜食多, 單靠單一功能好難喺市場生存, 但會較為偏向一面用以突出產品, 都係MARKETIG嘢, 以前分得好清楚, KRK係專做電影, 而家玩埋RAP 重金屬...

TOP

笑死如果你想話我咪野薄弱,就唔該找理由,唔係爆一句XXXXX薄弱
邊夠閣下主觀性之強人地 ...
evec 發表於 2016-7-13 03:12

死啦..講正要害發爛渣, 跟住就嚟一堆似是而非嘅技術理論, 只要高深難明, 人就會信以為真, 又可以穩固自己地位, 從來冇人吋過你, 冇人過你, 人唔係樣樣都掂嘅, 一定有長處短處, 你識技術我識分識市場心理, 而你其實冇乜禮貌, 自己係神人乜都識乜都啱, 從來冇話要向人學習, 學識係點品德係係自有公論, 根本分析問題好低, 如果選擇喇叭, 心裡有國家分野, 就會自己增加障礙, 縮窄咗選擇自由度~

如果而家的產品好泛用要夠萬能,又點解要強調講出 "用途" 我係分析市場趨勢, 基本上偏向雜食, 係有D maketing 成份, 唔係話要夠萬能, 對問題一知半解, 但又唔用腦分析,然後斷章取義再扣人帽子。我都係對牛彈琴. 而且係神牛, 我都話FLAT只係基礎, 再高D就係精準化, 睇你咁講真力即係認同咗我嘅講法, 不過我都想請教, D類監聽喇叭後面嘅調較掣同DSP有冇關係?

TOP