[開箱] 寧芝 Plum Niz 68 keys 35g 藍牙 側刻 靜電容鍵盤 開箱分享

本帖最後由 kwokhin 於 2020-8-30 00:13 編輯

首先特別多謝呢四位師兄: ntony,  stephenwong, beacher, KinChungE。 佢哋比咗好多寶貴意見, 被我煩咗幾日真係唔好意思!


想要靚相可以參考stephenwong師兄早前嘅分享: https://www.hkepc.com/forum/viewthread.php?fid=251&tid=2573754&extra=page%3D1

價錢一張金牛, 都係淘。
35g: 原本怕太輕手會易誤觸, 但暫時都冇,第一印象幾好(其實都冇得比較, 我冇試過45g), 冇加彈簧
側刻: 因為正刻冇哂貨
藍牙: 便携,雖然藍牙貴HKD250,但我覺得值,有線真心唔方便

第一個感覺就係靜! 音量嚟講同我原本嘅Logitech K380差唔多,但最大係聲音嘅分別: Niz 係沈實, 一般鍵盤係清脆。 當然「清脆」唔係指青軸個重「titi 攤攤」聲, 而係似噤普通滑鼠個種清脆、 「響」 (clicky)。 比MacBook keyboard, 一般office keyboard 靜, 都係個句: 因為聲音低沈。

我睇過好多條YouTube sound test, 我覺得呢條片 NiZ Atom66 vs Realforce 87U 錄得最清楚同夠長。 其實重點都唔係打字聲音分別, 而係實際音量, 但因為冇reference point所以唔知實際幾大聲 (電腦音量任你較) 依家有實物, 得出嘅重點就係 Niz 打字發出個種聲同一般鍵盤好唔同: 沈實, 而一般鍵盤係「尖銳」啲, 即使絕對音量一樣, 但一般鍵盤感覺上係嘈啲。

喜出望外嘅係比我原本嘅Logitech K380仲要靜(音量一樣但沈實), 因為個種聲真係低沈, 唔會打擾到其他人。 我覺得係圖書館用係可接受。 如果你接受到其他人係公共場所(圖書館)用laptop keyboard, 咁呢個鍵盤嘅音量一定冇問題, 其實係仲靜咗

凌晨打字都唔會嘈到其他人。 當然好睇你打字方式同力度, 但主觀感覺嚟講, 除非你瘋狂敲打個鍵盤 (Typing test測速度係咁打), 否則應該唔會嘈得醒其他人。

打字時可以絕對無聲: 要將個keyboard放落耳邊先聽到個種無聲, 因為唔洗噤到底就會出字,但實際上我覺得唔太可行,太影響速度同思考(成日要就住就住),不過我估習慣咗都可以。

總結: 非常滿意! 再次感謝上面幾位師兄意見。本身我都考慮咗好耐, 希望呢個post幫到有意買隻靜音鍵盤嘅各位
附件: 您需要登錄才可以下載或查看附件。沒有帳號?註冊

首先特別多謝呢四位師兄: ntony,  stephenwong, beacher, KinChungE。 佢哋比咗好多寶貴意見, 被我煩咗幾 ...
kwokhin 發表於 2020-8-29 23:55


恭喜恭喜!疫情下一點驚喜!

TOP

本帖最後由 ntony 於 2020-9-4 15:14 編輯

最緊要啱用,符合工作要求,又打得爽!
的確係可以用自己嘅方法打到全無聲響。但作為鍵盤戰士,打字要打得爽得嚟又勁先維持到嗰份尊嚴同氣勢。所以我平時打都係會打到有聲。但我絕對可以保持到打字無聲。
我同事可以從我打字聲中聽得出我心情、開發情況、進度。

佢隻軸個十字可以用Cherry軸keycap之餘,造功都幾好,我未試過換keycap時覺得太鬆或太實。重可以試下換keycap睇下會唔會再靜少少。我覺得我換完套PBT keycap之後,打字聲更加沉靜咗。但我相信都重要睇返個keycap嘅厚度同重量。

TOP