回覆 1# 風十三

以我自己為例,我覺得學畫3D繪圖要有個自身條件,
就係三維空間感要夠好,唔知師兄有無玩開第一身鎗game,
如果玩第一身鎗game時會頭暈作嘔,咁就差咗少少嘞!
因為係畫3D物件時,會周不時轉動可視角度,
畫一啲比較複雜嘅物件時,有時重要穿透內部左望右望,
如果三維空間感唔夠好,真係會轉到頭暈暈架!

TOP

回覆 5# bam1a

唔關FPS事,我係講緊個物件空間結構問題,
當年我係初音嘅頭髮入面轉來轉去,
睇下有乜地方要修補,轉得幾下,
第一次感覺到有少少頭暈!

Miku.jpg
2017-5-26 16:38


ps:我打第一身鎗game未試過會頭暈。

TOP

回覆 8# bam1a

係有科學說法嘅,當身體唔郁而視覺有所郁動,
例如當兩架巴士左右並排,你坐係左邊,
當右邊巴士向前,左邊巴土保持不動時,
你就會感覺自己向後倒退,但實際上你係保持不動,
大腦因視覺和感覺身體動作嘅耳水平行系統產不協調,
一時反應不及產生神經紊亂,即係個心離一離,(有時見到靚女都會!
如果情況持續一段時間,大腦就會鑑於本能,
認定你食物中毒,因而作出嘔吐動作!
(我記得嘅大慨係咁上下原理)

ps1:都講咗係當年囉!當時我都係畫圖初哥,淨係識用sketchup,
         maya/blender呢啲我真係識佢條鐵咩!
ps2:我會唔會認真咗呢!

TOP