本帖最後由 ustkl 於 2021-9-14 20:52 編輯

其實唔止Delta, 再早期嘅Makerbot clone 同埋UM Clone都少咗好多, Delta 機有好幾個關鍵細節需要好好處理, 早期有幾個賣咗好多機嘅大陸廠商積極噉搞Delta,但係都處理得唔係咁好, 需要用家有咁上下功力先至叫用得(而家佢哋轉哂做水機啦). 所以搞到Delta機好難用嘅壞印象, 後來CR-ENDER 一系列簡單直接嘅龍門機嘅設計開始流行. 大陸廠商終於找對了路, 呢一類嘅機都係比較適合佢哋低價量產, 以價格優勢搶奪大部份市場.

講到佔地嘅問題, 除非啲機設計真係為咗慳到位, 大部份嘅機其實都唔慳位. 一部最流行嘅龍門機睇落去好似一個框噉唔係咁阻埞, 但係擺響枱度預埋個平台前後移動嘅位, 實際上佔咗唔少檯面. 反而Delta機 睇落去好似好阻埞, 不過主要係向高空發展, 佔地其實都唔係太過浪費. 要慳位就兩隻都唔好揀用CoreXY 或者 UM style啦.

唔係冇得發展只係平價大陸機得返 Flsun 積極搞delta. 其他Delta 主要都係較高級嘅機種, 例如台灣嘅Ping同埋Atom. 意大利嘅WASP同埋美國嘅SeemeCNC當然仲有香港本地嘅P:) 大陸嘅 Triangle labs(其實前身係好早期嘅服裝店, 有返一點資歷嘅師兄應該知道) D-force 其實都做得唔錯. 不過而家佢主攻響阿裏巴巴賣高級零件應該會仲好賺.

TOP

本帖最後由 ustkl 於 2021-9-14 15:32 編輯

其實Delta 都唔算少人用, 淨係我自己都踢咗唔少人入坑 (當中包括家庭主婦及學生). 不過要同cr-ender 嗰啲平價機海對抗當然係差好遠.

TOP

本帖最後由 ustkl 於 2021-9-15 03:45 編輯
佔用空間比其他龍門或corexy大好多,要印到40cm 直徑70cm 高的話部機會有大約80cm 直徑1.6米高,成本亦高唔 ...
t9097 發表於 2021-9-14 10:02


之前做過幾台比較大嘅Delta, 打印直徑26cm 闊度都冇40cm. 仲要係比較大嘅雙頭effector . 如果做返單頭機, 40cm打印直徑, 就算外圍結構加返重啲料, 應該55cm以下可以搞掂. 佔地細過一台CR10, 當然會高一大截啦.

TOP

本帖最後由 ustkl 於 2021-9-15 18:27 編輯
中學三角幾何問題,40cm 圓形貼住等邊3角形內邊,3角形內邊長度
=40/2 x tan(60) x 2 ...
t9097 發表於 2021-9-15 08:56


小P 只有24cm闊度, 但係印到直徑15cm.  

其實Delta 個平台唔一定要塞入個三角形入面. 而且三角形嘅尖角可以Cut咗佢, 變相闊度都減少左. 因為大細機可以用返同樣size 嘅effector, 所以做大台機啲位仲好用, 尺寸比例可以做得更大.

點樣做一台慳位嘅Delta, 我已經花咗幾年時間研究喇.

TOP

本帖最後由 ustkl 於 2021-9-15 14:33 編輯

回覆 17# t9097

都係嗰句, 外國同埋大陸大把地方使乜做到部機咁慳位. 同埋做比工業用既機, 做得細部冇著數. 但係要慳位唔係做唔到, 當然要做到好高, 闊啲係會穩陣啲.

Delta 無論大細機 effector 都唔會設計得太笨重, 而且一般打印都係100mm/s 左右. 所以打中應該唔會好痛亦都唔會避唔到. 當然你部機係超大高嗰個人用嚟印水泥嘅另作別論啦.

TOP

攞返啲舊設計嚟解釋一下, 呢部機可以印 26cm直徑, 32cm高度. 部機嘅闊度少過38cm, 高度亦都唔高過80cm. 由於effector 行到邊緣嘅時候會稍為突出, 如果想搵個罩笠住佢, 大約係38x40cm 左右就OK, 呢部機係雙頭effector, 如果換成P仔 effector, 打印尺寸可增加至28cm.

可能又會問咁細個底會唔會喐嗰陣搖下搖下, 答案當然係唔會. 因為effector 都比較輕, 慣性動量唔算高. 如果熟悉P仔嘅朋友應該知道有一個加高版, 可以印到,15cm直徑, 差唔多30cm高度, 睇落都幾高瘦下.佢嘅結構只係1515鋁型材, 底頂都係膠件. 噉嘅情況下都冇唔穩陣嘅感覺.

擷取.JPG
2021-9-15 14:35
phineas300-004-01.jpg
2021-9-15 14:39

TOP

本帖最後由 ustkl 於 2021-9-15 15:42 編輯

一部龍門機, 要做到慳位, 闊度最細係打印X尺寸+整個打印頭闊度+左右兩條柱闊度, 深度係 Y尺寸x2+平台margin嘅位.  而家新出嗰啲電子野響哂底嘅CR10 已經算最慳位架啦. 當然高度一定係龍門機比起Delta 細好多架啦.

TOP