Qik - 手機影片直播軟件

Qik - 手機影片直播軟件

Youtube大家都玩過,都知係咩來,好玩在可以睇人地的影片。你有無想過,自己都可以拍一d得意既片,放上網俾人睇呢? 又有無想過,你只要有一部可以拍片的手機
就足夠,而唔駛用其他貴價的攝影器材? 另外,你仲可以直播,即係一邊影住,一邊上網發放你所影緊的畫面? 而且你的觀眾仲可以即時一路睇你的直播,一路send文字
去你手機,係你手機畫面上顯示出來?

Mobile Video / Mobile Video Producer 就係呢個新玩意,而家較出名的有 Flixwagon, Kyte, Qik等。佢地都係可以用手機影片,再上載到Internet,分享俾人
睇。因為我用Windows Mobile手機(Samsung Omnia i900)所以我由Qik開始,佢支援Windows Mobile幾好。

Qik的特點係佢注重Live(直播)同埋可以俾觀眾即時向正在廣播Live片的Qik用家傳出文字,令Qik用家即時知道觀眾的反應,仲可以同觀眾即時對話。我就試過睇一個由一
個美國人的直播時,向佢傳出文字,而佢就只要影住自己,就可以向我講話。感覺好Live,好直接。

Qik又可以通過Twitter/Facebook/Blogger及其他網站,把你的新片向外界公告,等其他人知你有新片/直播。當然,你又可以公開你的Qik網址,等別人自己上去睇你有咩新片,如果人地係Qik的網站時剛剛你做緊直播,仲可以同你即時溝通添!

有幾多人會想知呢一刻一個Qik用家拍左咩片?我唔知,睇返Qik現有的片,好多都係用家"試機"的片,即係無目的咁影下自己手手腳腳或者週圍,都有小部份係影一些特發
事件或見到明星的情況。Qik有個好用地方好好,就係影片時手機唔一定要同時上網。如果有上緊網,Qik就會自動開始直播,如何無上緊網,Qik就會先save片段,等
手機上到網(Wifi/3G/HSDPA/EDGE etc) 後就自動上載片段。Qik最好的地方,就係令一般人只要手持可拍片的手機,就可以做Producer,自己拍喜歡的事物上載俾人
睇,當然,Qik有權delete任何不良片段的。

上面提到我睇一個美國人的直播,佢話自己係CBS的記者,仲講左個website URL
(http://www.cbs4.com/mojo) 俾我去睇佢的事,原來佢係一個Mojo (即係Mobile
Journalist),專門用流動的器材去拍攝新聞,再上載網上俾人睇。Mobile Video Producer 同佢份工作咁貼切,唔怪得佢有玩Qik啦。

香港人唔係太玩呢類即時上網玩意,好似Twitter都唔係太多人知,返而Facebook就好多香港人玩。好可能係香港的流動上網費用仲係高,所以唔多人係街上網。

手機功能愈來愈強大,好似Qik呢類軟件就係令用家可以係無電腦的情況下,可以做到以前只可以係電腦上做的事。只要手機力功能愈大,價錢愈平,而流動上網費又愈來愈平時,呢個玩法就可能流行了。

無錯...香港既網絡商因為香港人應用網絡非常特殊,所以要限住...

諗一下 d 香港人痴線到用 hsdpa 去 BT 就知,普通 download 野唔過份都無問題,但 BT 就真係有點兒那個,如果用 BT 慢又投訴,擺明係一堆種壞左既細路一樣...

TOP

原帖由 jerrychf 於 2008-12-18 10:27 發表
無錯...香港既網絡商因為香港人應用網絡非常特殊,所以要限住...

諗一下 d 香港人痴線到用 hsdpa 去 BT 就知,普通 download 野唔過份都無問題,但 BT 就真係有點兒那個,如果用 BT 慢又投訴,擺明係一堆種壞左既細路一樣...



咁我又唔同意喎,賣得個服務就要預左客人有任何用途架啦,

好似Smartone咁,話無限,但事實係有限,我都唔知佢咁大間上市公司的Compliance點做野,咁既字眼都出到街。

TOP

原帖由 pdaman 於 2008-12-18 13:11 發表



咁我又唔同意喎,賣得個服務就要預左客人有任何用途架啦,

好似Smartone咁,話無限,但事實係有限,我都唔知佢咁大間上市公司的Compliance點做野,咁既字眼都出到街。

同意你, 因為我係受害者

TOP