輪到我搞 S

seeingdaily

今日下午五點幾收貨.. ..

7點幾至有時間搞, 我都無拔走 CV1, 淨係拔走一支 sensor 後,
就插 S 入電腦, 無問題, 可以並存.....

Setup 時 update 完所有 firmware 後, 去到頭鏡 tracking 猛
話唔得, 叫我試過另一個 USB3.0 port, 試晒可以插都 "紅色",
心諗 : 黑仔, 食 bug ??!!.... 跟手按咗一下 help page..............
小喇叭, 原來唔記得去 "私隱 --> 相機" 開番個 "俾程式存取相機"
開番後成個 tracking 生猛番, 順利完成 guardian....
不過要掂地面個吓, 掂極個 guardian ground level 都浮番上
一啲, 最後唔理佢, 入咗 VR 後地面身高唔覺太唔舒服就算數...

所以提提將會收 Rift S 嘅朋友, setup 時唔好好似我咁, 犯啲低級錯
誤 - 記得去私隱開番個 cam....

試咗一吓影片, 睇吓 Home 入面嘅物件風景, 暫時係以下...
1.) 先扭好頭帶鬆緊, 後較頭頂

2.) 睇得清唔清, 可以先移動一吓頭鏡配戴位置, 後推前拉後前面
個鏡 (底部有粒掣), 最後係去 Dash --> setting --> headset -->
IPD, 就算係清都要對好 IPD (瞳孔距離) 至會睇得舒服... 我 CV1
用開 69 - 70, S 我調 71 就 OK 順眼... (最高係 72)

3.) 比 CV1 清好多, 以前行遠咗睇會少矇嘅, 而家一樣清楚, 去睇
Home 背景就知咩事, 我幾年都係用 Virtual Desktop (付費) 睇
360° 影片 / 照片, 好明顯比以前睇多咗位, 當然唔會將原本係無
咁清變清, 但一樣係睇到變 sharp 咗...

4.) 黑色, 唔肉酸, 無話好大舊灰咁誇, 你當佢係 soft black, 一般
唔覺黑得唔自然, 我未試過好極端情況下係點....

5.) 影像移動嘅感覺, 目前為止同 CV1 嘅時候差唔多...

6.) 聲音 - 係無 CV1 耳筒咁正, 但仍可使用, 定位聲一樣有, 整體
係比較薄, 粗粗地可以用住先, 有時間至買耳塞, 音量我開 60 都
好夠, 無啲鬼佬講到開 100 都無聲咁差....

7.) 一啲 tracking 上小跳動唔算差, 同玩 CV1 時差唔多, 我都無留
意係用 inside out...

8.) Controller - 用慣 CV1 嘅, S 係比較細, 揸手還好, 係啲 ABXY
同支棍仔近, 因為我手大又習慣咗 CV1 件大 size... 呢啲都係習慣,
用用吓自己會就...

9.) 以我嚟講唯一出現嘅問題係畫面一段時間後會有 white noise
閃一吓, 閃得係好快, 不過都知, 又未去到完全影響使用, 感覺好似
有支針仔得閒拮吓你, 不過係唔痕唔痛, 就係知係支針仔咁.... 希
望係 patch 可以修復嘅問題....

10.) 最後 - 我一陣 12:30 - 2:00am 會喺 Home 度執屋, 係我
fd list 嘅同志, 有關 S 嘅問題 或 親身示範, 可以到時入我 Home,
已開咗 Friend Only, 嚟到唔見我, 自己玩陣先....

seeingdaily

漏咗講....

A.) sweet spot
好明顯大好多, 比以前...

B.) SDE
我用 VD 睇桌面最明顯, SDE 少得可憐, 張 wallpaper
清到不得了.... 以前都清, 而家係更清.....

完.

tlshum

我也因為大多雜物，乱 set 了一次，可再重新 set 過活动 範圍？

seeingdaily

我也因為大多雜物，乱 set 了一次，可再重新 set 過活动 範圍？
tlshum 發表於 2019-5-25 00:37

可以, 想 set 幾多次都得....

開咗 Oculus app --> Device --> Rift S (圖旁有個箭咀) -->
向下碌 --> guardian setup

係 VR 內都一樣係咁做, 不過喺 Dash Belt (按 oculus logo 掣) 上
嘅 setting, 入到去自己慢慢搵...

tlshum

回覆 4# seeingdaily

謝謝

pkkenning

穿透模式係點用?  我係圈玩完  想坐番出面玩 禁穿透模式好似無反應

fallout8

恭喜師兄有新玩具玩，有冇開VR女友來望下小櫻有冇索左

seeingdaily

穿透模式係點用?  我係圈玩完  想坐番出面玩 禁穿透模式好似無反應
pkkenning 發表於 2019-5-25 13:49

你要入 dash belt 上嘅 setting --> experiment --> 碌吓
搵 "press home button twice to activate passthru" (咁
上下意思)...

咁之後就可以隨時"快按" home 掣兩吓用 passthru+....
(粗微粒嘅黑白片)

seeingdaily

恭喜師兄有新玩具玩，有冇開VR女友來望下小櫻有冇索左
fallout8 發表於 2019-5-25 15:29

未有時間開 game, 未探小櫻, 不過肯定小櫻望落比以
前滑.... 一定好推好多....

而家先忙住搵啱膠箱裝 S, 免佢露空食塵...

seeingdaily

補充體驗 :

1.) Rift S 面罩位比 CV1 大同厚身, CV1 相對輕盈好多,
因為較厚身, 所以當雙手移向面時好快撞上面罩, CV1
時可以移更貼面...

2.) Rift S 條線比 CV1 粗起碼 1/3...
線亦長咗壹米, 成 3呎多....

真係又長又粗又黑......... 條線..