LINKSYS EA9500 開箱測試

本帖最後由 arychan 於 2016-11-11 10:51 編輯

首先當然要多謝 HKEPC 和 LINKSYS 畀這個機會我測試旗艦級的EA9500 router (已經有人貼相, 我就唔貼咁多了)

收到這部旗艦級產品時, 第一個感覺是很重手.  足足有成1.7Kg. Tri-band, MU-MIMO, 8 個gigalan, USB port 兩個, 加上盒面的 "ideal for 4K/HDTV" 和 IPV6, 已經係唔使講野. 仲有3年保 + 3年技術支援, Linksys出品, 咁仲有咩要諗呢?

但係我同時亦有EA8500, 今次就係兩兄弟的對決了. 哈哈哈.

先以升級用家的心態去開箱.  唔開尤自可, 一開已經畀佢全黑內籠的包裝和用心打造的全黑泡膠震懾。還記得不久之前的EA8500, 只係用普通的傳統紙盒裝住, EA9500今次就加上一份尊貴和神秘感。


在未開機的層面上, EA9500 的佔地面積增加了22.7%, 整體佔用空間增加了59.5%, 耗電的上限當然因為設計的原因也增加了42.9%。你一定會問, 咁又點呢?  在用家的考慮當然係有無位放佢, 不放或掛牆呢? 很不幸, 跟機無任何掛牆用品附送。所以, 你原本放舊機的位置未必啱用。本人的Server櫃都要執一執先放到。 另外, 由於佢用雙核, 又耗電大咗, 好快就好熱。Server櫃的自動溫感冷卻就可以解決高溫的問題, 尤其是夏天。


除此之外, 個火牛亦與EA8500有很大分別. EA8500用的是插頭式的電子牛, EA9500 是用電線接到火牛再入機. 對於拖板已經插得滿滿的人, EA9500減免了用家的頭痛。之前我的搖控開關和其他交換機插頭就係被EA8500的火牛頂住。現在舒服晒!!!!

在安裝過程唯一有點失望的是EA9500後面八個port的不銹鋼片有不明的水漬, 但用碧麗珠一抹便好了。但那八個port是相對地難插LAN頭入去, 無EA8500咁爽。 而且, EA9500個電掣開關鬆鬆咁, 一啲手感都無, 好似流咗啲。反而EA8500個掣就實在好多。

接電開始測試!
唔知係唔係因為與Netvigator 合作, 接電之後一般用家一定會畀佢玩一鑊。 道理很簡單, 佢有個幫你安裝的Wizard, 但佢只有PPPoE畀你選, 佢“取消”那個按鍵係無反應的, 即係焗你下一步。最後就算你完成了安裝, 若你唔係行PPPoE你都係上唔到網。若你以為佢個新發明Linksyssmartwifi.com會幫到你, 咁你就錯晒, 你仲未上到網架. 當然, 買得佢都唔會係初哥, 自己入IP去login再改正就得。 不過要一提, 若你只用手機去做, 你會遇到更多問題, 一係就唔支援你手機的瀏覽器要你裝佢個APP, 一係話個APP登記唔到你個router。 EA9500比EA8500有個好處,就係個wizard, 起馬省了幾步, 畀我問候少兩次。

攪一輪, 終於上到網, 諗住update firmware, 佢話無野要更新, 但個官網明明有一個新版, 咁即係個version validation係廢的。再加上個Speed test, 按完閃了一閃個Flash的符號就白晒畫面。唯有自己手更新, 更新後, Speed test出到嚟, 但係連接到星加坡個server, 相比香港政府個測速, 足足慢咗30%。但下一次再入去, 又顯示不到speed test.
LAN 速度

Wifi速度

政府測LAN速度

新firmware 係1.1.7.175339


講翻測試功能, network map和 Local Network內的資料始終有不同步的情況。這些小問題, 不會難到不是初哥的你. Reserve IP, DMZ, 都能發揮作用。同時, 相比以前, 所裝的CCTV已經沒有遲緩或跳格的情況。SMB 暫時仍連不上, 要再詳細了解。DLNA和個FTP server都無咩問題. Ipad, android手機都能同時高速使用。小弟無WM, 不過佢亦非主流, 算吧。

由於跟機只是附上一條Cat5e的線, 感覺有啲小家。雖然係可以支援用舊制式的線來提速, 但是成三千蚊部機, 一條Cat6線唔會花你很多錢吧。我就用你條線, 把USB HD插到機身, 再用網絡抄送檔案, 速度同以前差不多。若連到NAS, 基本上看不出分別。當然, 個電影檔的sampling rate亦會很大影響。等我找到個4K檔再同你火拼, 用我的Cat6網絡試個10000bit以上的檔。


小結是一個畀EA8500多成千的EA9500, 我覺得還是值得。因為現在有太多多媒體用品, 個個都要網絡連接, 普通一個router 得四個port十年前已不夠用, 只有自己駁switch。一個八port switch 係要800 到1000(唔好攞啲雞牌子來比), 但佢四個額外的port係build-in, 即係要用manageable switch的價錢相比才合理。加上省了一個頭唔使駁switch, 應該值得。我自己又要用一個頭去接POE switch, 所以一般四個頭真係唔夠用。EA9500可以幫我這類人省了點功夫, 又唔使花幾千蚊買個12 port switch.

測試一週後, 發現一個鬼異的情況, 就係5GHz同ipad mini唔合得來, 成日斷, 又駁唔到, 要用翻2.4GHz. 在手機APP想關個5GHz, 個設定完全沒有執行. 在電腦用Linksyssmartwifi入去, 唔關尤自可, 一關死鬼咗. 個Linksyssmartwifi點都入唔翻. 十多分鐘都係咁. 見下圖, wifi一直是接通, 亦去到其他網, 就係入唔翻去.  最後要自行restart先得翻.


其次, CCTV在第一天使用完全無問題, 包括用NTP.  我以為唔使設定就無問題. 但第二天, 完全上唔到. 要我再port forwarding, 又要reserve DHCP, 再要DMZ先得. 無DMZ的CCTV, 同EA8500 一樣, 完全攞唔到NTP的設定.  唔通真係要VLAN 先得?

暫時來說, EA9500的整體評分及扣分原因 (五星滿分):
外觀: **** (黑色一舊, 沒有時尚感. 若放在大廳當眼處, 有點格格不入.)
體積: *** (太大, 又無附件用作掛牆)
硬件: *** (有水漬, LAN頭難插, 開關鬆, 天線無得換.)
功能: **** (SMB, CCTV 有問題, Mac 系有問題)
界面: ** (Wizard 是簡體中文[若是外國人怎辦?我default是英文], firmware 自動偵測錯咗, Speed test 唔係次次得, linksyssmartwifi 不可行亦有時差)
速度: **** (未能完全測定)
APP: *** (APP的設定無法實現, 關不了5GHz)
價錢: *** (不是所有人有Switch的需求)
附件: 您需要登錄才可以下載或查看附件。沒有帳號?註冊

回覆 1# arychan


    會員請注意,「 LINKSYS EA9500 .旗艦開箱」專區發表開箱文 ( 不少 200 字的用後報告並附連圖片 ) ,否則不能退回按金,謝謝。

TOP