有無師兄試過QCY新嘅L2主动降噪耳機?

睇到缺點係冇磁石開關, 條線好似意粉咁粗,好長同鯊魚鰭.
只賣rmb 99. 可能代表將會更多廉價ANC耳機會出現。

回覆 1# bbsen

剛剛落咗單當玩具買嚟玩, 無端端有唔知累積咗d乜嘢減20人仔... 79蚊人仔入手....即係90港幣....好多地方食個 lunch都唔止依個價....

TOP

重點呢?

TOP

本帖最後由 bbsen 於 2019-7-28 17:31 編輯

回覆 3# a886


試咗...

先講好嘅地方... 降噪能力算係明顯嘅,地鐵埋站冇聲嘅,路邊嘅低頻噪音都filter咗好多....BT接駁好快,整個下晝未試過斷線, starbucks地方咁多雜訊嘅都無... 90蚊可以做到咁係ok的...

音質我有用開bass booster嘅app, 低音冇大問題,係有嘅!好唔好聲就見仁見智,叫ok啦,依個價位都係平時果d聲。

唔好嘅係耳塞個型好差, 兼冇shark fin 涉住耳骨,所以有d容易鬆,搵其他耳塞同拎其他耳機嘅shark fin加裝落去就解決咗,冇再鬆。耳機條線直頭好似粗意粉咁,幼d好好多。佢係冇磁石開關,都係缺點之一。

真係好嘈嘅地方佢有d底噪,冇咁嘈嘅地方係唔覺有底噪...底噪聽podcast等人聲嘅嘢會聽到,聽歌就少好多,even唔大聲咁聽jazz嘅歌都冇咁覺。

佢降噪能力唔算差但係就未成熟,致命傷係佢有d情況係傻咗咁,例如架車經過凹凸路面震果嘢佢會pop一聲,有時會有d煩!坐地鐵係可以安靜好多好多但係車門開關佢又有怪聲,列車震會突然『漏』咁d外面嘅噪音入耳仔咁....

可以講如果平時行街會係ok的, 搭車就no 啦。。。唔鍾意嘈雜而budget有限嘅人可以考慮, 細細聲播d很快音樂就可以。
下一代技術成熟d解決到底噪同搭車震果嘢聲會係唔錯嘅產品 (價性比計)。

之前減價90蚊港幣買,所以唔退啦,我自己唔會用佢,會比人用。

TOP

回覆  a886


試咗...

先講好嘅地方... 降噪能力算係明顯嘅,地鐵埋站冇聲嘅,路邊嘅低頻噪音都filter咗 ...
bbsen 發表於 2019-7-28 17:26

多謝師兄評測!

聽講唔少降噪耳機係室內氣壓改變時都會出現pop一聲,不過高階耳機就自然filter得好D。

TOP

本帖最後由 bbsen 於 2019-7-29 01:33 編輯

回覆 5# leave


唔記得咗點解減咗我20人仔,90蚊港幣入手當玩具試唔錯,所以我先話佢出得依個價位嘅嘢,其他廠都可能出, 要多d咁嘅平價產品應該係時間問題。

我都surprise佢咁嘅價錢可以filter到幾多noise, 千千聲嘅Bose無得去比較,有d貴過佢3-5倍嘅都吾見得一定有好好嘅降噪能力,有d仲要藍牙容易疾疾吓,所以用百元依個價位去衡量佢嘅價性比先恰當。

雖然真係好嘈嘅時候有少少噪底但係開少少音樂掩蓋住都好過聽果d好大聲嘅噪音。工作環境嘈嘅人都可以平平地試吓嘅 (office或者starbucks之類嘅地方都可以好嘈),行商場行街係ok的。係個款唔會好靚囉,同埋唔會耳塞+套個shark fin落去真係容易帶唔穩,我係咁啱有一個舊嘅耳機舊嘢可以套到落去先解決到.....

有d ANC耳機會令人有耳壓嘅感覺,襯我未比人(一個會禪修鍾意靜嘅阿姨), 剛剛拎出嚟好刻意感受佢可能有少少,但係前日出街試戴咗幾耐都無特別唔舒服。

TOP

回覆  leave


唔記得咗點解減咗我20人仔,90蚊港幣入手當玩具試唔錯,所以我先話佢出得依個價位嘅嘢,其 ...
bbsen 發表於 29-7-2019 00:21



   做工得唔得,會唔會啲好渣好似玩具咁用兩用就壞

TOP

回覆 7# a886

做工同設計一般啦,又唔算好玩具嘅,最大嘅敗筆係連接耳機嘅兩條線, 偏意粉咁Q粗...

今日送俾人之前再試一次, 齋開ANC係有少少耳壓嘅感覺,一開少少音樂就唔再覺咁。

用果個人覺得ok, 佢通常都係loop 佛經同佛有關嘅音樂, 係坐車一震就『撲撲』聲要習慣吓。

TOP