Ticwatch S2... 買一次就夠了....

近日越黎越想買一隻智能錶玩玩,上年係CAROUSELL買左隻二手galaxy watch一代,六舊水. 諗住玩下,點知原來隻錶唔知邊個感應器有問題,永遠計唔到步數....

事隔一年又心癢癢,睇左GALAXY WATCH ACTIVE2, 放工襟左二千五蚊出黎, 但去到店舖摸上手太輕,其實二千三對我黎講又有點貴....主要係價錢,實物睇個錶面又好似好細,係間舖度來來回回. 突然又唔想要呢隻錶,最後都係飄然遠去。 無買到。

跟住又過左一星期,隻錶係我心度都係揮之不去,又睇下其他有無差唔多既錶,最後睇左幾十個YOUTUBE介紹後覺得TICWATCH S2 平一千,功能差唔多...(其實絕對差得多) 就決定去買呢隻錶。

我去到一野就買左,跟住離開間舖,拆左個盒,影低個SERIES NO. 就丟左個盒,費事番到屋企俾我老婆見到。 到夜晚一開隻錶.... 無反應! 長按左五十秒隻錶都無反應,掟落個磁吸器充電.... 全無反應.....

我個心涼左半截,上網打 TICWATCH S2 充電. 第一個搜尋結果係一個台灣FACBOOK GROUP... 入面全部都係充電問題....其中好多人就係一買番黎就已經充唔到電...我個心再涼多十份之六.....

跟佢FB GROUP個指示,按入去佢網上SUPPORT 度,發覺佢能夠退錢,係呢個時侯我已經唔想整呢隻錶,想退,但原來又要搵番經銷商,我個盒又丟埋.... 個心又再涼多三截.....

計計下個心已經涼左十份之九截! 訓落床心諗︰聽日先算, 又訓唔著,分番開隻錶同個磁充...差左三個鐘... 隻錶同磁充冷冰冰...跟本無通過電,個心涼足十截。

訓左一個鐘訓唔著,我決定起身搵D野細心捽下個磁吸充電點,同抺下隻錶個接電位,睇下得唔得,又係咁來回彈個磁充凸出黎個幾粒充電位,睇下係咪佢彈得唔夠出,結果攪左一輪,擺隻錶上去過去幾分鐘突然亮起左!!!

唔知覺位明唔明我個刻既心情,個心即時暖番十截! 之前一路心度係咁狂鬧TICWATCH QC 既粗口都全部收回,但攪左半晚當時都三點半,我等佢充左一陣用手碌左幾下個錶面就迷迷痴訓著左。

第二日,我同步好手機同隻錶....慢到??! 堅係慢到??,彈出黎既訊息好似玩緊拳王97咁... 點解同我睇YOUTUBE 班友既介紹差咁遠? 以下係我用左半日既心得︰

1) 佢向下掃彈個訊息通知....我掃左見佢唔彈就掃多下,結果原來佢彈緊上來,掃多下變左佢以為我想點一下, 個畫面見到D訊息一秒,就點到個清除訊息....

2) D錶面得幾十個....有D都幾好睇,但得幾十個唔夠多。

3) 佢個電量顯示,唔好睇,真係唔好睇住,如果唔係你個心率監察一定會跳出黎話你心跳不正常,因為佢頭十分鐘可以由100%變做90%... 按電池電量睇佢會話你尚餘三小時使用時間...(岩岩拔左叉電唔夠十分鐘)
但好彩我睇到個FACEBOOK GROUP好多人都有呢個問題,但唔係真係只可以用三小時,只係佢計算唔正確。而且經過幾次用乾粒電再充後,顯示會回覆正常,亦可以用到大約兩日 (d人講)

4) 其實佢可以set既野係好小,佢個錶面可以向上下左右碌出一d功能,但基本佢都set好哂. 我睇三星個隻好似多好多野玩。

5) 係隻錶到下左個GOOGLE MAP. 等到隻錶熄埋機都未郁過...攪左幾次,終於攪掂但又係窒到??....跟本唔會用。

6) 最後一點亦係我最失望既一點,抬起手顯示時間個速度,同GALAXY WATCH 一代差唔多!! 有時會仲再慢D. 平均抬起左手到第三秒先會見到個著MON....

唯一可讚讚既,係隻錶個長著MON功能會自動將對應既錶面變為黑白MODE, D花巧野無哂就咁用白色亮起個時間, 叫做慳電D又真係睇到時間.....係得呢樣。

我諗未來五年我都唔會再買智能手錶住。

比貴D買 AW 如果你係用緊生果手機,如果係 AN 機,咁可以考慮買只平平地既嘩謂玩下。

TOP

多謝樓主詳細分享心得
之前都有諗過買ticwatch

TOP

真係見者流淚,咁難得肯比錢買樣野自己開心下,買著件垃圾..
親仲新鮮快D賣返出去止蝕,過幾日有隻小米錶應該唔錯

TOP

比貴D買 AW 如果你係用緊生果手機,如果係 AN 機,咁可以考慮買只平平地既嘩謂玩下。 ...
aleck_choi 發表於 2019-10-30 14:10



    事實AW真係幾好用又易上手,老婆用IPHONE買左隻,唔壞既應該玩到三四年以上

TOP

幾時都係做足功課緊要啲

臨場轉軚包炒車

TOP

早幾個月美亞 prime day, S2 同 E2 做緊特價都係 US$120 左右, 果時我都忍手忍得好辛苦, 去兇宅玩過 E2 demo 都覺得 lag,日日差電真係唔多掂, 同埋好似話唔可以用超過 1A 差電器差電, 用 QC 果D快充實死硬

TOP

我仲用緊Ticwatch 2,用了二年仲未壞
之前陪我屋企人去買Galaxy Watch, 個店員見我用Ticwatch 2仲話我咁好彩,好多人一早壞左

TOP

之前 pro 都講到幾好, 一出又DOA, 又電量不似預期, 你就知QC 有幾好
再加上香港ticwatch 個代理

用android 的, 貴買samsung, fossil, 最多係覺得唔抵但唔會差
平用huawei都幾好
ticwatch 平又唔係特別平, 但質量亦唔係特別好

TOP

wear os 電真的不好,不過速度沒覺得太慢,回下WHATAPP也很方便.表面只要下APP幾千個任換啦,華為的只是大隻手環無咩功能~~

TOP