今次既Razer Tour 真係令我喜出望外!

jhch1992121

首先多謝 HKEPC 同 Razer 既邀請，令我有機會參加今次既 Tour。位於銅鑼灣既 Razer Store，原來係由 Razer 直接營運，某啲型號既產品更加係專門店獨家發售，各位雷蛇粉絲可以嚟朝聖兼入貨！


專門店放滿各種既 Razer 產品，由最新款既鍵盤，滑鼠，耳機，到唔同型號既手提電腦都有展示。








連電競椅，甚至著上身既衫同眼鏡都有，真係令我大開眼界，哈哈！






當晚最令我印象深刻，係 Razer 第一部既 AMD Laptop — Blade 14 — 搭載最新 Zen3 架構 8核16線程 5900HX 處理器 及 NVIDIA 最新一代既 30系 Ampere 顯示卡，絕對係現時市面上買到最強勁既配置。加上出廠前己校正調色既14吋高清高刷新率 IPS 屏幕，打機剪片汁相一部機搞掂。散熱方面特別用上均熱板，令硬件可以完全發揮之餘亦兼顧到散熱同靜音，現場實試高負載遊戲時，機身鍵盤摸落都唔會熱。CNC 切割 14 吋輕薄機身，左右都提供大量接口，加上約 1.7 公斤既重量，長達 10 小時既續航力，支援 PD 充電，連火牛都唔洗帶，放入背囊拎出街成日都唔會太辛苦




Blade 14各方面都用上最新最強既技術，真係誠意十足，值得去專門店親身體驗一下！最後多謝各位店員同工作人員既熱情款待！