(求救) 電話合約問題

話說我媽自己喺8月尾喺SM續咗約.果陣個sales冇同我屋企人解釋清楚合約內容.無解釋用咗10GB後會限速.而個舊合約係21mbps無限5GB後不限速..之後佢就基於佢對間公司嘅信任 就毫無猶豫地簽咗份合約..

直到我媽喺差唔多九月中用完10GB用量 發現個網速好慢 佢先發現原來個新plan唔係無限..同續約嗰日個sales講嘅唔一樣. 之後最近就去門市了解 個sales就強調唔會喺客人唔清楚合約條款嘅情況下簽名 但其實屋企人就話個sales喺續約果日無解釋清楚個新plan 無解釋過咗10GB後會限速..而且簽完嗰日冇即時印份合約 .隔咗一個月都冇寄封合約嚟我屋企.

而家我媽想以無罰款嘅形式提早結束合約 因為間公司已經冇再promote無限plan.. 而家可以點做?屋企係唐樓 寬頻最快得8M 靠無限數據上網..

可唔可以叫台提供當日續約電話錄音?

TOP

去電訊管理局投訴,再去海關投訴商品說明條例入面嘅(誤導性遺留)

TOP

(1) 樓主要交代當時續約是否在電話進行?若不是的話,#2方法失效。
追討過程就要睇屎記態度。

(2) 師兄#352214出POST(#3)出現以下錯誤:

(A) 電訊管理局同影視及娛樂事務處係2012年合併部分職能,
現時的通訊辦負責呢類電訊服務投訴。

(B) 通訊辦係2012年成立時同海狗簽署備忘錄,涉及電訊合約
的投訴會交由通訊辦負責,通訊辦網頁有呢份備忘錄。

投訴人應先了解備忘錄內兩個部門的分工,否則只會浪費政府
部門與及投訴人的時間。

唔怪得腥港好多老海鮮成日鬧我「讀多幾年書」啦……

TOP

提示: 作者被禁止或刪除 內容自動屏蔽

TOP

樓主個CASE有位被屎記入,失敗的機會相對偏高:

(1) 非電話形式續約極不利投訴人,因為無電話錄音回帶整個過程。

(2) 「信任」不能成為抗辯理由。

(3) 投訴人於簽約完畢後未有提醒銷售員列印或確認電郵合約,
等同投訴人主動放棄自己的權益。

屎記可以入的位得返呢個:

未有按程序及時列印或確認電郵申請人合約。

樓主未必會認同我的見解,建議樓主嘗試向
屎記爭取任何最接近自己需要的上網計劃。

若失敗的話,仍有以下做法:

(1) 10GB用完後改用儲值卡直至截數日。

(2) 測試其餘電訊商的網絡質素,決定是否開新號碼上台,
包括止其他台或者同台再開PLAN,但樓主應該不會接受。

TOP

提示: 作者被禁止或刪除 內容自動屏蔽

TOP

乜有D咁嘅plan,咁同冇限有咩分別,點解仲要提5GB

而個舊合約係21mbps無限5GB後不限速 ...
永利 發表於 2019-10-2 11:59

早期D plan 冇FUP, 過5gb只會低D priority, 冇384kb地獄.


via HKEPC Reader for Android

TOP

本帖最後由 walled56 於 2019-10-6 01:09 編輯

回覆 6# TE7489

就係我媽嗰日去咗門市續約 應該提供唔到個錄音 下一步諗住打電話去通訊辦投訴 如果唔成功嘅話就索性放棄舊台唔交月費 再開個新台.10GB後128kb簡直係地獄.
想問呢個做法可以嗎?

TOP

回覆  TE7489

就係我媽嗰日去咗門市續約 應該提供唔到個錄音 下一步諗住打電話去通訊辦投訴 如果唔成功嘅 ...
walled56 發表於 2019-10-6 01:04


唔交月費?俾人追數㗎喎。
嚴重嘅,出埋信俾你都得喎。

TOP