[操作疑難] 2G網手提電話的增值的低能問題....

其實我每180天都會去3HK的分店叫職員幫我部2G機增值HKD55,
咁我就可以用180天,以前一直如此,我是話音用量很少的使用者。

其實我的電話常識很少,因此我有一個低能的問題,如果以後
我不想再用3HK,想用CMHK,正確程序要點做.? 是去買一張CMHK
的增值券回家自己搞.? Or買一張CMHK的儲值咭.? 網友好像說亦是50多元,
通常在那些地方有售.? 亦可用180天嗎.? 那麼原來的電話number是否會沒有了.?

Sorry..平時很少研究電話,因此我的concepts混亂,可能會問題問得
亦好混亂,thanks a lot.!!!!!!!!! 謝謝.!
      

想了解下, 點解需要轉去 CMHK?  
如果你係用量很少, 3 的儲值卡應該儲左唔少錢, 一轉台就 forfeit 了.

你要帶號轉台, 你要帶 3 儲值卡的大卡小卡去 CMHK, 你跟店員說要轉去儲值卡 (建議你轉去 $48 那張或 $108 那張), 他們就會搞手續.
另外, 如果你有信用卡, 可以搞埋自動轉賬充值, 每 180 日加 $50 延長有效期
不過, 同一道理, 你用量很少, 張卡遲早儲埋很多錢, 最好你考慮其他再平價的養號方式

TOP

如果你決定真係轉台﹐非常簡單。

直接去新台同職員講﹐我有張儲值卡想帶number轉台。職員就會招呼你﹐幫你做晒手續﹐完成後會比張新sim卡﹐生效日期換新sim卡就可以。

基本上﹐親身去門市 + 儲值卡的卡主証明書(即卡套)﹐同埋 $$$$。

至於增值問題﹐直接問職員就OK﹐佢有責任介紹不同的增值方法給你的。

TOP

儲值卡使用者,係可以帶號碼轉台,你只需要帶大卡套(即卡主證明書),去你喜歡嘅台話俾店員知,你希望轉台至該台儲值卡,店員會為你填表,影印大卡套資料,你可指定日子轉台。轉台當日新舊交替時,兩張卡都可能有訊號,為免混亂,最好揀凌晨時段,而轉台時,舊卡必須留有最少1毫,但由於儲值卡都會定期收行政月費,為免預太盡扣咗行政費後停卡或變成0,一般店員建議留$5。你要計劃好舊卡儲值額點樣用晒佢,而避免損失之餘,亦留足夠結餘去轉台。

中移有多款儲值卡,但通話最平應該係卡巴人卡,而中移一般增值方式,都係最低$50延長180日,有關方式可留意中移網頁!有關卡巴人卡資料則可留意本區紅字嘅卡巴人專帖,或直情入帖問人。

至於養號最平最抵係csl哈佬卡,增值券$20送$10延長180日!有關資料亦可睇本區紅字嘅哈佬專帖,不過由於哈佬卡要去指定舖搞,而且成日缺貨,有佛系卡之稱!轉之前有心理準備可能走幾轉。

以上卡都係外傭卡,操作上同普通卡無分別,轉語言等操作可睇返相關專帖。至於普通香港人用儲值卡,你去有關台會介紹俾你,主要係價錢啫,應用上應該同你用緊嘅3仔卡大同小異。

TOP

你地講咁多資料 佢消唔消化到?
睇佢講d內容,佢直情想用CMHK增值券增值3的咭

TOP

本帖最後由 QAFHK 於 2019-10-18 20:54 編輯

你嘅知識是否依然停留喺20幾年前不能帶住自己個號碼轉去第二個台(即係電訊商)的年代?

依家有咗帶號碼轉台好耐啦

不過你最好要揾翻依家用緊3個號碼原本張好似八達通咁大嘅電話卡出嚟,因為“正常”程序喺要果張咭嚟證明你係依家用緊個號碼嘅持有人,佢地(CMHK門市)先會同你搞帶原號碼的轉台手續,假如無果張卡,正常係無得做(當然有啲台可以唔正常地做,或者要你去差館報失再拎報失紙先做)

無論你係轉去有合約每個月交錢嘅上台計劃,定係每180日買增值券嘅儲值卡計劃,做法都係大同小異,都係要去CMHK門市做,100%唔好自己出去買卡諗住帶去俾佢哋做,佢地會提供卡俾你,你係街買嘅卡帶去係乜都做唔到,所以你要轉用邊張CMHK儲值卡,你要諗定同埋話俾職員聽,叫佢幫你搞個張卡(CMHK 有好多儲值卡,收費同功能都唔同)

坦白講,你小打電話,唔係 3 收得唔好,或者你張卡冇得收 3G,無謂轉台嚟搞自己,因為好幾間嘅儲值卡,你都一樣要每180日增值 50 先可以繼續用(係有更加平,但你太無呢方面嘅知識未必用到)最多轉台去 CMHK 可能只係通話費平啲,但係你一樣要180日增值50,即係的錢可能仲越滾得越多過依家又用唔到/用唔晒

TOP

嘩.!!!!!!!! 好多好長的回覆,謝謝大家的回覆,thanks a lot.!!!!!!!

因非常多資料,我會慢慢地仔細理解你們的詳細solutions,唔明白我便再問,但我覺得我應該可以找到我需要的答案。

感謝網友們回覆: c14101, peter_chan, sojoke, 蛋牛治, QAFHK,thank you!!!!

要回答c14101,"儲左唔少錢" <----- 現在都唔係好多錢,因以前曾經試過遲了日子增值,因此沒收了不少儲了的錢....
另外,"想了解下, 點解需要轉去 CMHK?"<------因為3HK個網絡最近幾個月差了不少,For example, 何文田廣場內,無法用到,另外在德福商場內,很多位置亦不能用到。
關於何文田廣場內無法用到的問題,我曾經向3HK的職員查詢,3HK的職員亦叫過技術的人員到何文田廣場調查,其後曾用email向我回覆結果,email說在何文田廣場內check過了,真的用不到2G, 叫我改用3G or 4G, 哈哈!   就是這原因因此我想用其他的公司。

TOP

本帖最後由 c14101 於 2019-10-18 21:28 編輯
嘩.!!!!!!!! 好多好長的回覆,謝謝大家的回覆,thanks a lot.!!!!!!!

因非常多資料,我會慢慢地仔 ...
少齊 發表於 2019-10-18 21:23

其實,你應該換 3G 4G 手機長遠解決接收問題,而不是轉台,現在市面可以買到 3G 4G keypad 直身或摺機。

via HKEPC Reader for Android

TOP

如果2g機, 勿去smartXne. 新出卡已經冇2g service

via HKEPC Reader for Android

TOP

雖然功能性手機仍以2G為主,但由於將頻譜轉為4G後,接收會不斷轉差直至停網!因此樓主你真係考慮轉3G或4G手機,有關嘅功能性手機大約$500至$800左右,nokia有幾款舊型號復刻版手機,有3G或4G支援,另外你張2G卡亦可更換為3合一卡,以配合新手機,不過3仔儲值卡一向換卡補卡問題多,你如要換卡時問清楚店員,並帶大卡套方便處理。

我家中老友記一直抗拒智能手機,不過因為轉數記儲值卡,被我迫用智能手機,雖然佢仍然通話為主唔識上網,但已習慣操作方式,相信換再新型號也沒困難,而且接收比前好更多。現時佢已轉用hello卡,抵用!

TOP