個個話地鐵有5G 但邊個最多

大家講得最多嘅 5G 黃金頻譜，即係 N78 (3.5GHz) 及 N79 (4.9GHz) 頻段，無錯可以提供好快嘅網速，但建設成本高，最重要係要花好多時間，所以網絡商 (香港現時有三間) 選擇加多一層用本來用係 4G 嘅 b1 (2100Mhz) 重耕至 5G 嘅 N1 (2100Mhz) 做另一層覆蓋，令網絡商可以短時間內提供全面覆蓋嘅 5G 服務，N1 網起先，再喺人流密集且繁忙地點，加建 N78 / N79 提供充足容量。

翻查資料，一直以來，只有 SmarTone 與 csl 公佈過佢哋有幾多個港鐵站有 5G 覆蓋，例如早前 SmarTone 就講過有 55 個站已完成 5G 覆蓋。csl 最近無公佈，根據早前資料就係 50 個站左右。雖然我哋之前已發現咗 3HK 嘅港鐵訊號，但官方一直無公佈過。至於中國移動香港亦係一直都無提過任何港鐵覆蓋嘅官方資料。

不過，我哋最近從業界人士，得到一份截止 2020 年 12 月 31 日嘅港鐵 5G 覆蓋圖，數盡四間網絡商嘅 5G 覆蓋。我哋走訪過部份站頭，發覺都係可信嘅。相信呢一 Part 資料，對用家來講應該最有用。可見，有三間網絡商都用咗 N1 做 5G 覆蓋。中國移動香港因為無用呢招，暫時嚟講，只能有約 22 個站有 5G 訊號，留意嘅係，當中車站本身是架空或係戶外為主，即係靠戶外基站覆蓋。此外，原來 3 香港嘅港鐵覆蓋係最多，有 96 個站，可以話係全綫覆蓋。

https://www.eprice.com.hk/mobile/talk/4247/217502/1/