<CWT香港>2010同人活動感想



CWT香港在上星期日於九龍灣展貿舉行呢,小弟當日因事下午一時才能到達,去到都要排隊呢,但當日雖然有少少涼風,但太陽都好猛,我見到有些參觀者係穿住COSPLAY服來到,要在露天的地方排隊其實都幾熱.而小弟當日都要在九龍灣展貿中心外面排約七十五分鐘才可買到飛入場,對於大家都其實幾辛苦.

其實如以往的COMIC WORLD般先買飛後在場內等會否更好呢?因有些人可能想先買飛後跟住飲杯咖啡食個飯才慢慢入場,故此如這樣的話既可疏導人群,又唔駛人人都要在露天地方排咁耐.

買到飛後已拿不到場刊了,可惜呢...



入到場後,總覺得場內並不是太多人在場內,通道都幾闊,唔多駛迫迫夾夾,買本子的人龍又唔係真係好長,各位喜歡慢慢選購同人本的朋友可能會較喜歡.而男性向及女性向的攤檔比例其實估計係約2:3啦.

場內唔多見有舞台表演,間唔中有些BACKGROUND音樂聽得到,今次亦有舉辦繪圖及COSPLAY攝影比賽呢,當中有一個地方較令我注意到的就是那個塗鴉版,吸引了不少的繪圖高手在此畫一番呢!




和一些友好的朋友打過招呼後,亦在檔主的同意下影一下同人精品之類.其實以前香港一年(唔計大學EVENT),其實都係一至兩個同人EVENT.但現在一年接近有四次或以上,好多同人團體如要次次出新的本子確是非常辛苦.

場內所見本地的本子佔頗大部份,當然因為今次是來自台灣的,故此不少的台灣同人本.不過由於以往的台灣同人作家好多時都會在香港的同人EVENT寄售,根本上就以往的同人EVENT感覺上都差唔多.

新刊方面其實感覺上就不太佔多數,反而會見到一些新鮮的同人精品就真.不過難怪的,12月尾就係RG6,下年2月就CW31,咁緊的SCHEDULE都無他的.


小弟今次都買得唔多,FILE夾係小弟每次都會買一兩個要來裝工作的文件呢.中間的就是由黑蛛白蛛所創作的Q版東方FILE夾.而左邊的就是由BRIO同人組織畫的東方漫畫.雖然我對東方的故事真係唔熟,但此漫畫都能令我明白呢.最右的就是台灣的同人團SOLOIST出的畫冊連FOLDER套裝,頗具油畫風,萌之餘又畫得出很重的女性之韻味.

當然其他的同人作品都好出色,但真係買唔到咁多放在家中呢...

值得一提就是今次都有一些商業組織參加,雖然攤檔啽唔多,但都見到一些電子畫版及同人郵購及動漫週邊之類的公司在場,雖然佔地唔多但都令活動多樣化呢.

最後的就是Cosplay攝影,都是一如既住在會場外拍攝呢.

總括而言,感覺上由於是次活動較少場內的活動及音樂表演,亦唔係太覺有乜野特定主題,故此係一個較簡樸的同人活動.當然有舞台活動就會令個EVENT多一點生氣,並係吸引人流的方法.不過今次人流唔迫之下行得都幾舒服,亦可能有助作者與讀者之間的溝通,會較啱一些喜愛靜靜地行同人展的朋友呢!故此唔同的APPROACH又會出現唔同風格的同人EVENT呢!

河馬仔, 你應該要在呢度出沒
飲食版實在嘥左你

TOP

回復 1# 河馬仔
排75MINS 咪叫小...........有次CW 排左個3個鐘

TOP

Cosplay攝影 一定出面....因場本身冇位....... 我都好耐未進過場....這次當然要支持下~

TOP

我係即日知呢個活動即日去...
去到岩岩好有Fd係頭位附近
即刻俾錢佢幫我買非
total...等左一分鐘

btw...收獲只有這個
附件: 您需要登錄才可以下載或查看附件。沒有帳號?註冊

TOP

3個鐘叫多?唔係下話

TOP

河馬仔, 你應該要在呢度出沒
飲食版實在嘥左你
ronald 發表於 2010-10-19 22:21


我兩面都會post出自己的文章呢,飲食的文章多數都係一個星期一次,但動漫的就未必,因有時寫唔到咁多呢

TOP

回復  河馬仔
排75MINS 咪叫小...........有次CW 排左個3個鐘
白白 發表於 2010-10-19 22:39


個次我都有排,好似係三年前的夏天.我企到隻腳都痛埋,而且全身是汗,因為個次又係要人圍繞住展貿排隊,個次諗起都驚,仲要好多人事後係網上鬧

TOP

Cosplay攝影 一定出面....因場本身冇位....... 我都好耐未進過場....這次當然要支持下~ ...
白白 發表於 2010-10-19 22:42


其實以往有時的event會場有個Cosplay area的,但現在多數都會在場外拍照呢.

現在有時都是公眾攝影就在三樓,私影在四樓,但我唔係pro啦,所以唔識點分呢

TOP

我係即日知呢個活動即日去...
去到岩岩好有Fd係頭位附近
即刻俾錢佢幫我買非
total...等左一分 ...
otisshan 發表於 2010-10-19 23:05


呢個木板我有D印象呢,好似係本地同人團體出的,因好記得佢的Q版畫風

TOP