唔好天真到以為加密貨幣冧咗就即刻有平嘅行貨卡買,問過班代理未?

先聲明我唔係任何一間嘅打工仔亦唔係班勁有米礦主嘅一份子,其實而家我都想吹個小喇叭不過都係留淡氣暖肚好過喇。

本地行貨顯示卡價值平定貴最終取決於「香港啲代理點叫價」而唔係「加密貨幣市場形勢」,代理要加價嗰陣可以有千萬個籍口去加,同樣咁到唔想減價嗰陣就打死都唔減邊個都吹佢哋唔脹,唔好以為Coin市冧咗就即刻會有平卡買,問過班代理未先?
人哋心諗難得推高咗嗰價做乜要有錢唔賺到盡,代理開平價啲鋪頭一樣會標貴價搞到一啲人繼續上外國網訂貨,咁不如自己賺到盡仲好過,橫掂有班人冇卡訂外國貨緊係食硬呢班人。

香港一向有跟全球同步加價就係冇跟全球同步減價架啦,唔係第一日喺香港買電腦野冇理由唔知。

如果以為班代理惡過班礦主就怕惡唔敢剷班代理只剷礦主咁就搞錯咗,班礦主有本事直接同廠要貨同班代理掙貨有常識都知邊個更惡。
嗰啲之前口口聲聲話自己信奉「誰大誰惡誰正確」嘅人好心呢個時候就咪日夜怨班礦主啦,又係你哋自己話嘅咁而家有乜好怨。

平時想享受資本主義自由市場嘅好處,到想買卡嗰陣又想要共產主義嗰種計劃經濟嘅制度,咁樣唔係好矛盾咩?

一即都係背後有人操縱,係差唔多時候要跌返架喇,呢個係先兆,暫時未死得人嘅,遲D喇

TOP

香港勝在免稅, 代理鍾意揸蟹貨咪由佢
同埋我等得, 睇下揸蟹貨同揸現金邊個死先

TOP

之前原油期貨係負數,香港電油仲賣緊十蚊一升。

TOP

同意樓主的講法,仲有好多關先到減價地步。

TOP

同意樓主.....顯卡應該有排等

TOP

而家代理都唔知有乜價值, 收得貴又無服務, 壞咗野上去諗住整, 最後係同自己RMA時間同流程係一樣. 代理公司服務時間係一般人嘅辦公時間係一樣, 即係我仲要請半日假上去佢公司俾佢驗屍同盤問, 最慘係佢HEA你耍走你, 無整扮有整, 返屋企都係用唔到.

TOP

提示: 作者被禁止或刪除 內容自動屏蔽

TOP

本帖最後由 seed0659 於 2021-5-20 10:56 編輯

集體唔買先有價講,

即係好似美股gme ,叫人SH

但邊會做得到

TOP

而家代理都唔知有乜價值, 收得貴又無服務, 壞咗野上去諗住整, 最後係同自己RMA時間同流程係一樣. 代理公司 ...
hksubway 發表於 2021-5-20 10:37

除左件野好重同貪方便我諗唔到有咩理由買港行
跟官方價貴DD都接受到
玩炒價我寧願外國訂
還掂2邊都係炒價

TOP