Printer可否不用原廠墨?

如題, 唔用原廠墨自已refill得唔得?
有什麼代替品?

當然可以唔用原廠墨 不過如果你部機有保養既建議你用原廠墨
如果過左既用供墨糸統啦

TOP

出面有好多款代用墨賣,你可以去問一問

TOP

當然可以唔用原廠墨 不過如果你部機有保養既建議你用原廠墨
如果過左既用供墨糸統啦 ...
小燕子 發表於 2010-5-9 06:48


點解有保就用原廠墨? 用其他墨會出現問題?
什麼是供墨系統, 自己倒墨入去?

TOP

出面有好多款代用墨賣,你可以去問一問
edmondyip 發表於 2010-5-9 08:05


請問揀代用墨有什麼注意事項?
代用墨同原廠墨, 除咗價錢外, 會唔會有其他分別?

TOP

代用墨價錢係平d,但唔同廠出既墨水質素會有所不同
有d較差既墨會有色差,會較易令墨嘴倒塞

如果自己唔識改既,可以出去叫人幫加一個供墨系統
加完之後,無墨個時可以自己買支墨水就咁倒入去就得,方便d~
如果唔想搞咁多野,市面都有代用墨盒可以買~

TOP

咁即係有兩個選擇

供墨系統 + 自行倒墨水
請問整一個供墨系統要幾多錢?
買墨水方面有沒有什麼要注意, 例如一些墨水可能會弄塞墨嘴等等

代用墨盒
你講過代用墨盒可能會塞墨嘴
咁塞咗點算? 唔係會報廢?
如何避免呢種風險?

TOP

回復 7# Clunky
塞 O左你預 O左架 printer 可以換了
自己洗是好大工程的

TOP

本帖最後由 momo4321 於 2010-5-10 13:41 編輯

任何解PRINTER都可以用代用墨,話代用墨會塞墨頭既係嚇你既啫,當然,你要自己保養番,即係唔用都最少每個星期開番一次等佢個墨頭冇咁易塞,如果你唔做呢個動作,原廠墨都一樣會咁,只不過,原廠墨有保養佢會幫你整,如果用代用墨,佢地會有方法CHECK到,保養條件講明,唔用原廠墨會唔負責保養咁解啫。
呢個就要睇你自己點睇啦,因為而家廠商大部分個PRINTER都係半賣半送既,真正要賺你錢既係墨水,但亦不十分環保。一部 PRINTER機原約賣$1000,一整套原廠墨水約係$500有多,佔機價60%左右,有些還更不止。保養在我黎講係敵不過墨水的誘惑的,就算真係用代用墨壞左,我最多咪掉左佢,因為一套代用墨價已可代替機價。
例:佳能ip4760原價$998,一套原裝墨格820黑墨(大)$110-$118左右,其他821(小)顏色墨約$95-$98間,整套5個墨盒,共約 $500左右。如果你買兩套原廠墨,已可買得一部新機,何況機中還附有一套新的原廠墨?咁計價就係成套新機只值$4XX而已。
講番代用墨,的確有較易塞墨頭問題,只要保持每星期開機一次,呢個情況仲比較係少發生的。
代用墨有三種:一,連供系統,要改裝,比較煩,自己未必改到,但價錢最平。二,代用墨盒:整個買回來就用得,用完就丟,好處係乾手淨腳,用法同原裝墨盒一樣,只不過係牌子不同,壞處係價錢較貴,不能再加墨。三,是REFILL墨盒:原理,設計時已有加墨孔及枳,方便用晒以後自行加墨,而大部分PRINTER在墨盒中都置有芯片,紀錄打印數量,當打印數量達到某一數目,就會顯示墨水淨餘量,最後提示你冇墨。有些多功能PRINTER仲陰毒,只要你有一個墨盒冇墨,就會停止所有工作,直至你換墨盒為止,例如冇黃墨,佢連 SCAN同FAX都唔俾你做。呢個大概係我要用代用墨原因。由於呢類REFILL墨盒已裝有解碼芯片,所以就唔會再有冇既提示,當用完後就可再行加墨。好處係平,打針一次約一個幾毫就得,壞處係要先買一個REFILL墨盒,等佢用完先可以用到,而且有些商家胡亂安裝芯片,要去更換,重要係以後再冇左冇墨及墨水餘量顯示。

TOP