[測試] 拆開咗施耐德、豐葉、OMNI以及WK嘅鬚刨(兩腳插蘇)轉插

hk133

（點擊圖片可以查看大圖）
（圖片顯示異常/太細，都可以點擊圖片查看大圖）

見豐葉牌鬚刨轉插轉咗新款，外殼做工好過以前好多，所以就買嚟試下，然後又見到有更平嘅OMNI同WK，所以都買埋返嚟。

首先睇咗OMNI先，呢個喺鴨寮街$12就買到。




銅片有少少生銹，可能係擺得耐？不過內部做工都幾好，兩腳插座用咗三塊銅片，無論係圓腳定係扁腳插頭，都有較大面積接觸到，比較穩妥。指示燈電線用熱縮管包住曬，夠安全。

跟住就係WK，呢個喺鴨寮街都係$12就買到，不過有啲鋪頭就賣到$13-$17。




就咁睇外觀都覺得好似施耐德，內部設計直頭同施耐德一樣。內部做工幾好，兩腳插座用咗三塊銅片，無論係圓腳定係扁腳插頭，都有較大面積接觸到，比較穩妥。指示燈電線大部分都有用熱縮管包住，都算安全。

跟住就係豐葉牌。呢個喺鴨寮街又係$12就買到。



轉咗新外殼，個樣靚仔咗，但入面依然係冇乜變化，內部做工依然係咁差，兩腳插座用咗兩塊銅片，無論係圓腳定係扁腳插頭都只有極細嘅面積接觸到。指示燈電線依然冇用熱縮管包住，祝各位用家好運。

最後睇返施耐德。
依家施耐德嘅價錢普遍都係$17-$18，唔算抵買。



外觀同內部設計直頭同WK一樣。內部做工幾好，兩腳插座用咗三塊銅片，無論係圓腳定係扁腳插頭，都有較大面積接觸到，比較穩妥。指示燈電線大部分都有用熱縮管包住，都算安全。
施耐德個logo值$5左右。

結論：舊版同新版豐葉轉插都係垃圾，買其他牌子一樣價錢仲好過佢。如果唔係非常鍾意施耐德呢個牌子就都係買返WK啦，反正都差唔多。

moliuk

多謝報告。。。 重以爲豐葉牌會好D

Pennylau

多謝測試，如果唔去鴨記，都係得兩個牌子揀，好彩平時都係買施耐德

hk133

多謝報告。。。 重以爲豐葉牌會好D
moliuk 發表於 2021-8-30 20:35

    四款入面最差就係豐葉牌

hk133

多謝測試，如果唔去鴨記，都係得兩個牌子揀，好彩平時都係買施耐德
Pennylau 發表於 2021-8-31 10:59

    依家鴨記都少咗鋪頭有賣施耐德，有唔少轉咗賣WK。

罪大惡極

豐葉牌 2A 用

士碌架

淘寶 買公牛  轉插  可嗎 ??

freefdhk

淘寶 買公牛  轉插  可嗎 ??
士碌架 發表於 2021-8-31 15:48

公牛用料好似唔錯. 不過無保險絲有咩都靠你電箱打救了.
有得剪線換插頭就最好轉左佢用返正式 13A 三腳最穩陣.

買得 施耐德 就緊係信個 LOGO 差幾蚊件貨閒閒地用幾年唔慳得.

hk133

豐葉牌 2A 用
罪大惡極 發表於 2021-8-31 15:27

    豐葉牌都係留返畀鬚刨同電動牙刷用啦

hk133

淘寶 買公牛  轉插  可嗎 ??
士碌架 發表於 2021-8-31 15:48

    公牛我都有買，不過佢冇螺絲位，冇咁易拆&好難還原，所以我冇拆。