小兒科DIY系列(三): 拆屎塔

本帖最後由 kentnklee 於 2017-7-7 10:01 編輯

網誌日期:2007-11-20 00:47

最近成日發覺主人房廁所地下有灘水,初時以為老婆冇手尾,後來覺得唔多似,冇理由日日都倒瀉水, 再check 下,原來d水係坐廁底滲出.而後面Soil Pipe接口有水點,應該係排水管駁口滲漏.

漏水廁所


手多轉下個駁口套(好似叫做G咀/廁咀),希望轉到唔漏.點知越轉越漏得勁
(要更換的部分, 初時以為可以唔拆坐廁都可更換到)



今次唔整唔得.我又發揮我DIY 既精神,雖然整屎坑毫無經驗,一於拆咗落研究下點攪:(鬆四粒鑼絲, 兩粒上坐廁/地下, 兩粒上水箱/牆壁, 閂水制, 甩入水喉)
講就易, 上手cf冇用不銹鋼鑼絲,所以係水箱入面果兩粒已經corrode到沒法用screw driver去鬆, 惟有用鉗慢慢擰.

cistern 事後相 for illustration




移開個個水箱同屎塔,為免染到沙士,個塔同地下都用漂水清潔,條屎渠用膠袋封住,以免臭氣入屋




換左個有角度既G咀($20), 屎塔歸位 (原本要直出既, 但間五金鋪冇貨, 老細話一樣啫,重好裝D)
要清潔左屎渠內壁的積聚物, 同搽番D paraffin grease 作為lubricant, D位fit d 同好入D


點知條入水喉日子有功,經移動後,出現玻損,一開水閘,幾條水柱向四邊發射, 又頭痕, 唔知條喉點甩? 影幅相, 等陣攞去五金鋪問下先.


閂水制,收工去睇UBS Hong Kong Open. 返嚟時買過條入水喉換左去($15)


依!地下重有水?! 可能用左個唔啱既G咀, 即刻去第二間買個直出既 ($24), 再拆再嵌, 終於攪掂晒,影番幅收工相,點知仍然有滲漏?????????


我又用孔雀石綠(Malachite green, 魚缸用)去trace d 水源, 唔成功, 後來發現水箱底接口螺絲濕, 就算屎喉漏, 果個位都唔應該濕, 可以肯定水係從水箱流出黎. 再check 下水箱水level, 又冇over flow, 咁可能係水箱有裂痕而滲漏.

惟有再拆個水箱出黎睇, 但又唔見有表面defect, 於是拆埋中間個胆, 清洗乾淨所有配件包括膠圈/washers, 但發現其中一個防水墊(吋半大果個)變晒形, 都唔理咁多嵌番上去再試. 但結果一樣, 接口鑼絲仍然有水滴出. 於是樓下買個套水箱同坐廁之接駁配件(唔識買, 惟有同五金鋪個老細講what I want, 佢畀左套野我, 唔記得叫乜名, 承惠$20, 買貴左)

裝返D內胆同配件,換埋D新既接口washers, 再試, 但仍久唔久摸到接口螺絲濕, 又以為自己嵌得唔好,再拆,再check,再嵌. 結果一樣, 有點frustrated. 但亦有可能係D水尾, 於是唔理佢, 過兩日真係冇再濕, 亦唔見地下有水, 可以確定修理妥當:



後記:其實漏水可能唔關屎渠駁口個G咀事,而係個水箱滲漏,自己太武斷,認定係個G咀有問題,以致做多咁多功夫.不過,經此一役,我對屎坑又多D了解.

[ 本帖最後由 kentnklee 於 2009-6-2 11:08 編輯 ]

補充相片:








回覆 1# 的帖子

提示: 該帖被管理員或版主屏蔽

TOP

[真男人系列]!!!

TOP

水箱內單單靠膠圈唔足夠架,至好就加埋"銅油灰".

TOP

一屋之主,
果然係要打理整間屋,
上至電器,
下至廁所.

不錯,唔知仲有冇其他呢?

TOP

真男人

TOP

下次換鋁窗
自己拉過d電線

TOP

個G咀應該叫移位器

TOP

你呢單工程, 搵有牌水喉佬冇1千都落唔到樓.

TOP

係呀, 要用"銅油灰"擦番水缸入面d接口先得架, 淨係用膠墊唔係下下得架, 我上次換入面抽水果組野五金舖個阿姐同我講的, 佢重送左一包仔比我, 初初唔信邪唔用, 真係會有少少漏, 跟住再清番個水缸重新裝過同埋落"銅油灰"咁就ok喇

TOP