[開箱] 我的第一次給了...LISSE Q10 處男評測!笑!

小弟長期係各大科林做CD ROM,自覺成日得個睇字冇貢獻好衰,所以今日就將我第一次...寫文,就送比新歡LISSE Q10!
新年流流唔見左U5的我...很失落很無奈,不過人總需要勇敢生存,我或要另找新歡!
經過幾日的資料收集,雖然MISS左Q10評測報名,不過都鎖定目標COWON D2+,I9,S9,IRIVER E200 同埋Q10後,袋住3千銀彈,踏上一條早出晚歸的路...
今次係第唔知幾次上10/f 搞搞震,好多謝姐姐同哥哥認得我成日冇幫襯都會笑住口招呼,經過2小時對決,對比後...
小弟終成吃螃蟹的人,敗左機界新丁LISSE Q10!

回家操練幾日後,玩熟D功能後,我終於敢動手寫感想了!

LISSE Q10 個包裝我個人覺得唔算好特別,透明膠盒加幾張貼紙仔,不過不失啦.影一張就算.

跟機配件都幾齊,有套有筆有AV線,不過懶人影少一張得一張!




聽開COWON風格的小弟,係短短2小時試機下揀Q10既原因之一,就係因為佢真係靚仔,
見到部機我只會用好型去形容佢. 對比我舊愛U5...唉...真係一個天一個地.
如果冇Q10出現,我諗我會直接買S9,
但有對比之下,人就係禁衰...同場玩過既IRIVER E200,外形幾好,不過好重,操作反應慢,個MON質素嚇鬼-OUT
COWON D2+ 外形成舊耳機盒,推力唔錯,不過音色唔岩FEEL-OUT
COWON I9 個樣普通左少少,操作反應係幾好,但係冇得插卡,加上個MON真係好......細...-OUT
COWON S9,冇錯音質的確佢最突出,BBE+好多野玩,個MON又真係幾靚,機身手感又真係幾好,不過衰在價錢同Q10一比,又唔覺真係值比多幾舊水喎...-OUT

鏡頭一轉返回Q10, 究竟佢有幾靚仔?大家不妨睇睇小弟劣照.









當然啦,得個樣冇料到,幾靚都係假,經過幾日煲練,配合跟左我年幾,戰績約1千小時既10PRO,
用幾首小品簡單評一評!




先試女聲, 第一首係宇多田光-聖誕歌.WAV
以前用U5聽時,硬係覺得好DRY同生硬,可能推力有別關係,Q10比我第一個感覺係岩岩好,好清新,雖然都係有D冷,不過整體過渡得幾好,
前奏幾下低音,收得快力度夠.潛得唔太深,音場如果10滿分,我比8.5分,可能因為佢低頻收得快,令到低頻尾位去得唔夠盡,鐘意低頻有重重泛音既朋友,未必岩FEEL.
音場因而唔得壯大. 聽宇多把女聲,表現係冷靜與熱情之間,冇S9咁突出,但亦比U5 出少少,用10PRO夾得幾順耳,聽耐左都唔覺辛苦.

跟住到LADY GAGA- BAD ROMANCE.WAV

同上面感覺類似,低頻都係有力,有衝擊力,但收得快,唔得醒神同埋震撼.Q10因為微微偏冷關係,GAGA把聲變得清脆少少,失去佢原來豪邁既感情,
但反而感覺得更新清!可能佢原本把聲就應該係咁?ANYWAY,對比我用U5聽,我更喜歡Q10感覺!

到男聲測試,用學友-十二個音.WAV

高質人唱高質歌,果然連錄音都有料D.前奏已經FEEL到Q10分析力好好,開首結他尾聲泛音延伸足,反映出Q10高頻表現出色,
學友把熟男聲,理應滄桑,但Q10演繹既係溫柔而挑逗,我係女士可能會覺得好LUM呢!
係哩首歌中,Q10既微冷音色變成中和男聲暖氣,音染果然有佢雖要之處...

最後一首軒仔LIVE -笑忘書.WAV

OMG!哩隻歌係Q10同TF 10PRO既結合下,真係好正!LIVE個種感覺出曬來,前後有深度,明顯地哩首歌我係前排觀眾,唔再坐錄音室,
現場回音岩岩好,令到空間感好易就FEEL到,雖然未至於氣勢磅礡,但絕對收得貨啦!

懶人病又再發作,寫少一D得一D,簡單總結我覺得Q10整體表現令我好滿意,音質同音色方面有別於U5個種行平均路線,
Q10低頻係去得唔夠盡,人聲冇S9出,微微偏冷FEEL,但佢推力明顯勁過I9同U5,
音場在I9同S9之間,分析力比I9同U5都做得好,音色風格接近COWON S9,所以玩過COWON機,會有種似曾相識之感,
操控方面岩岩買時有少少唔慣,因為佢又可以輕觸又可以轉輪,M制又可以轉MODE. 但一上手你會發現佢既操控係超正的,
暫時玩過咁多部機都冇邊部可以方便到同Q10一樣!最過癮係個震動設計,每按一下個MON或個輪都會震!

有見過D CHING話Q10大陸版好平,但懶人就係唔鐘意搞咁多野,香港韓版Q10定價你問我抵唔抵,未買之前我會答你唔係好抵囉
我上10/f都係想試下姐.
但實際感受過後原來又係兩件事,第一,咁既價錢,我搵左好耐都見唔到邊部靚仔靚聲又可以插卡.第二,咁既價錢要買部唔係MADE IN CHINA既機,
但又有個3吋輕觸MON,又真係唔多覺...第三,雖然對我來講睇片唔重要,不過原來有哩個功能,你就會手痕去玩,E喂,試下又真係幾掂喎,3吋雖然唔夠大,但又岩岩好啊.
要方便輕身拎出街,仲想乜都有少少???學黃子華講句"係咁架啦<-尾音拉高"


係喎唔記得提下隻跟機送既LE01+...
懶人病又發作,下次得閒先講.小弟第一次作文,寫到九唔搭八,希望大家見諒,要插請就住!

雖然無打算買機~不過都THX FOR YOUR REPORT~

TOP

小弟部miniplayer壞壞地, 都猶豫緊S9定I9好, 但見到呢部, 又靚仔又可以插卡, D聲好似唔錯, 仲可以播RMVB (雖然平時都唔多睇片), 可惜小弟比較鍾意聽rock/metal...  而家都唔知買邊部好

請問師兄:
.
1. 買了多少$?
2. 聽歌出 cd cover(特別是flac) 有無難度?

thanks  a lot!

TOP

小弟部miniplayer壞壞地, 都猶豫緊S9定I9好, 但見到呢部, 又靚仔又可以插卡, D聲好似唔錯, 仲可以播RMVB ( ...
bdmoon 發表於 2010-2-24 19:43




猶豫應該去自己試下聲.
我買了$1598 連一盒LE01+
部機出唔到CD COVER,聽FLAC冇問題啊.

TOP

了解,遲D去試下先, thanks~

TOP

請問呢部機是用充電的嗎?如果係,充滿電可以聽大約幾多個小時呢?

TOP

請問呢部機是用充電的嗎?如果係,充滿電可以聽大約幾多個小時呢?

darksome 發表於 2010-2-25 14:16


係用充電,我聽WAV大概10個鐘左右.

TOP

係用充電,我聽WAV大概10個鐘左右.
大膠玩 發表於 2010-2-25 03:12 PM

吾錯喎

TOP

很詳細的report

TOP