「 ASUS ROG Insight 2014 後之個人分享

本帖最後由 fatdumm 於 2014-10-3 23:57 編輯

小弟並非玩hkepc好耐既人 , 2013年第一次參與Asus同hkepc合辨既活動 , 亦變成一個Asus Fans, 點解?當時仲記得John Lam即場示範LN2 + 4770K, 仲即場打破左世界記錄 , 嗰次之後 , 小弟大大提高自己投放喺電腦知識同硬件研究方面既時間與金錢 , 其實即喺敗家  , 亦由一個對電腦效能上無要求既人 , 變得極為講究每一方面既細節 , 所以一年時間左右由某牌子既H77經過幾次轉換硬件到而家用緊Asus Rampage IV Black Edition + 4930k , 9月19 號 , 一如以往咁睇緊HKEPC , 竟然比我遇上「ASUS ROG Insight 2014」既參加機會 , 裏面仲要講明會講解最新X99平台同Rampage V Extreme呢塊最強底板同由Asus自家研發OC socket既 , 作為Asus fans既我 , 咁難得既機會梗喺比自己去學下野啦 , 記得報名時間已經喺19.9.2014傍晚 , 仲以為自己應該冇機會 , 好在最尾都可以成功參加 ~

第一次參加既地址喺灣仔鵝頸橋側邊 . 今次活動選址皇室堡RED MR . , 個人認為呢個地方比較 , 一來坐得較為舒服 , 二來我見好多師兄都因為放鬆有講有笑 , 至少好過眾師兄坐定定喺間房仔裏面聽兩三粒鐘 ,無論氣氛同娛樂性都大大提高左~三來仲有美食同專業人員解答問題,令整個活動生色不少 , Asus + Hkepc , 抵讚
PS#下次參加既師兄請自動自覺企埋一邊唔好阻到人地做野,咁樣會令hkepc同Asus既工作人員難做架~
講左咁耐 , 去圖先~

未到一點就到左 , 跟住因為要等大會安排,輪候時間三十分鐘~~不過時間好快過~


大約一點半,hkepc同事就向各人核對個人資料 , 要check身份證架播~跟手就比個pass你先入到場架~

一到手....咁正number比我~


好野梗喺影多幾張~Asus x hkepc


帶上寫住"The choice of champion" , 我相信活動裏面冇人異議既~


最後補多張先~留為記念之用~


其中兩住主角之旗點可以走甩~


趁未開始講,影下今次主題先~
x99既Asus ROG Rampage V Extreme啊


仲有佢既兄弟,一改以往設計以白色做主題既X99 Deluxe


PS#仲有個親生細佬架,不過訓低左同人地隻揪緊,之後再交代~

左手邊兩個耳筒,唔喺用黎裝飾掛


5960x ES版本


背面照


入正題,放底左書包成十幾年,上堂啦喂~
開始啦~
一開始講R5E做封面~Take x99 to extreme , 果然有意思~


之後喺本年度會出現系列列隊出場~分別有用Intel cpu既會有M7H , M7R , M7G , M7F , M7I ,
當然唔少得大佬級既x99 Rampage V Extreme , 仲有AMD既A88X , Asus果然照顧周到,AMD都支持架


之後喺R5E既解詳細解說~


最令我驚訝既喺Asus既技術團隊將intel既socket加以改良,從而發揮最大既效能~究竟你地喺點樣做到架~
簡真喺神一樣既對手~
有人會話其實好似vga咭咁者,公板改做非公板有幾難,我會話~真喺咁易點解之前冇人做過既?~ 其他廠家諗住抄人?~


話晒比你知點解要多D針~控制POWER輸出更精細~加強超頻之穩定度及超頻範圍,順帶一提,5960X因為用鋁銲關係冇咁熱架~


一搬底板既DDR4同ASUS OC socket 之外既ram有咩分別?~自己睇下啦喎


結果咪咁囉~唔好話大蝦細啊


咁多位超頻高手~呢舊野啱你地用乜?~普通用家唔啱架播,點解?~你冇玩LN2囉


舊時我地用Clear cmos , 按完乜都冇晒,大俠請重新上路吧~而家有左safe boot之後 , 按完d setting都會保留番,仲可以edit過,唔會又要晒好多時間重新做過設定,呢個設計幾窩心


按完之後入番bios又黎過啦喂~


另一粒新按鈕-retry button , 用途等於既火牛既開關制,不過就大大減少因為要熄機而產生既撞跌野,整爛野既機會~有時D火牛個背唔就手...冇佢都幾麻煩晒~LIKE


Microfine Alloy chokes-超越各品牌,將唔同晶片組合為一粒,從而令電量控制更精準,大大提升可超頻空間及其穩定性,電量控制更精準某程度上減低損耗其實咪更長壽,喺咪


呢度解釋Asus custom controller同其他廠家設計既分別之處~同埋用上10k black metalic cap , 耐用度更高~


原來直接影嚮減少出現error既機會,又學到野~


順手比較埋Microfine Alloy chokes同standard design既分野~


黎到呢度,終於ddr4出場,高頻率同高效能既次世代產品,示範果幾條g.skills ram仲好似好超得添播


之後輪到講解底板既散熱設計,今次Asus將自家顯咭既direct cu技術放左去VRM幫手做散熱,呢方面我相信喺行內第一家,真喺知己知彼百戰百勝


喺Asus既software裏面,會顯示各個區域既溫度,亦可以獨立控制有關區域既風速 , 雖然舊型號都有,不過旗艦型號點都要有既~


PCIE 3.0 , 用途好多用家都知~不過quad fire都可以行x16 , 都喺第一次見,水友 / 米王師兄們,來吧~




最後亦都簡介其他功能,supreme FX2014既音效晶片 , keybot 2.0既快速keyboard功能 , intellan + languard ,
Ramdisk,SSD secure erase , gamefirst III


跟住同孖生兄弟,白色主題既X99 deluxe , 其實功能大致相約,主要喺減少左ROG既獨有功能咁解,換黎既喺更實惠既價錢~


仲有平民化既X99A , 估唔到Asus派個小朋友出去同人地打架都贏...真喺勝不驕,敗不餒


Deluxe既功能晒冷


新手都啱用既一鍵超頻功能


M.2  X4 大家知唔知佢究竟快過SATA 3有幾多?~


業界第一塊底板有3R3T架...唔知咩黎?~即喺塊底配備可以接駁三條天線支援802.11ac既模組,最高可以達至1300mb/s既極速享受


上面影得唔好?附上官網清貼圖一張


之後成個試平台~風冷果PART太集中唔記得影
導致大家冇幸見到John大親手教授既手指塗散熱膏大法 , 仲有原來heatsink喺唔一定要用散熱膏都可以用到 , 就咁放上去壓就得 扣具都可以唔裝, 堅學到野 , 不過勸大家冇咁既實力唔好亂試 , 瓜左柴冇人可憐你架~

測試平台照


講到John大口水都乾,到實戰既時候,超頻對佢黎講太易,橫掂今期有個咁紅既遊戲,攞出黎玩下~國象大比賽~
人地話過左3萬就高手,唔知3萬七叫咩呢~其實John大仲比左個估分遊戲我地玩,雖然輸左,宣佈結果果陣氣氛直頭全日頂點


呢張喺加左LN2之後所產生既愛麗斯夢遊仙境效果


之後意想不到原來有盛宴款待...辛苦晒你地...不過由於我排最尾,去到所有野食已乾塘,唯有繼續餓住聽書~
食晒唔影啦,好在仲有飲品~


期間四圍影下相


仲以為佢同人打添...點知原來唔喺~


牆上都有TANK CARD做宣傳,唔知佢地用左幾多心機同時間去佈置呢?~


食完之後就到Asus技術員Ivan既講解環節,又喺太專心掛住睇小朋友打人地D勁野唔記得影相~
之後仲有晒每一塊板喺度列陣比我地參觀~~
Maximus VII Ranger




H97 pro gamer




A88X Gamer


後面果位,無心影到你,sorry


Maximus VII Impact , 我等左佢耐既itx 點解仲未有架?~




X99 Deluxe




Rampage V Extreme






X99A






如果睇完上面有興趣想換板既話,不妨睇下下面既個人分享~我唔識果D會配合埋Asus官方解說~
Rampage V Extreme既整體解構<--其實裏面既技術有D分佈左喺其他型號上面,所以其他唔作多介紹,費事比人話我~


記得Asus代表講過~有邊個牌子插爆左64GB ram仲可以著到機話?~
ram仲可以3000mhz穩行架~其他牌子可以咩?


OC PANEL唔喺新野唔多介紹~
反而個人認為Safe Boot 與 ReTry button對超頻用家黎講真喺幾有用~點解?
ReTry button<==火牛成日開熄得多...始終會壞架~仲記得我買隻涼風大師隻牛就喺咁瓜左
Safe Boot<==辛辛苦苦set好既野冇左佢一下就冇晒..你話有幾灰


Extreme Engine Digi+ IV – 獨家電壓調節模組(vrm),透過 PowIRStage® 最新的感應科技讓 VRM 升級,能有效將驅動程式、高端與低端 MOSFET 整合於單一晶片中,提高效率。 Extreme Engine Digi+ IV 的脈衝寬度調變(PWM)可調整至 1MHz,讓 DRAM VRM 提高 40% 的穩定性!


DirectCU<--應用喺顯咭上面既技術,由於散熱良好將佢加落底板度,以往冇見過其他牌子咁做播~
獨家 DirectCU 散熱技術採用傳導性較佳的銅散熱導管,可直接接觸 Rampage V Extreme 的 Extreme Engine Digi+ IV VRM 區域,以提供無可比擬的散熱效果。 一般的散熱設計僅防止系統過熱 — 具備 DirectCU 技術的 Rampage V Extreme 卻能讓系統降低 5℃。


X-Socket II
利用 Rampage V Extreme 的三件式 X-Socket II,可以輕易將現有的液態氮 (LN2) 或乾冰蒸發器安裝到最新的 LGA2011-3 插槽。 利用隨附星形螺絲起子將 LGA2011-3 背板更換為 X-Socket II 背板,不需更換蒸發器,即可享受超級散熱功效
正常用家未必用得著,不過好似EPC果幾位神手就真喺啱用囉


強大既感應器加散熱能力,仲有埋sensor送比你架~


PCI Express 3.0 x4
終於行四張咭可以全部用x16黎行~
液態降溫區既師兄~4 way喺時候了~


M.2,、雙 SATA Express、3T3R 802.11ac Wi-Fi – 無與倫比的連結性,同時具備超快速傳輸速度
用得M.2梗喺要慳位,加左落底板連SSD都嫌大添啊~
雙SATA Express , 追求快感既師兄,你地點可以缺少呢~?
3T3R 802.11ac Wi-Fi <==以前都喺一條天線,今代終於用三條,打機唔怕斷線啦掛


其實今次學到咩叫知己知彼,百戰百勝~OC socket , Microfine Alloy chokes , safe boot , retry button 等等都喺而家我既R4BE冇既,
參加完今次既活動之後 , 完全體驗到OC socket強大之處 , 連用緊X79平台既我 , 都已經計劃緊要升級了 , 當然儲彈藥需時 , 不過有錢人大有人在 , 咁啱兩個老友話想換電腦 , 二話不說馬上為佢地導航 , 最後買左乜?~唔講喇 , 自己睇啦 , 仲記得Asus既技術員Ivan Fung講過 , 如果玩得X99 , 唔好慳果少少RAM錢 , 買RAM果陣買上D frequency , 但亦於香港冇貨(同時間要4 pack , 問左黃金三大都冇 , 代理又唔知幾時先有) , 所以唯有越洋代兩位老友記訂購G.skills既2666mhz , 咁啱個活動裏面用緊都喺G.skills黎架 , 好唔好超同效能如何?留比其他有機會既用家自行發掘 , 我只可以講 , 連神級高手都用既 , 我諗唔會揀錯掛..哈





上面果d都喺朋友叫我買既,我有排都有錢...搬屋又洗晒d銀彈  , 不過證明我喺Asus既忠實fans黎架~

最後,希望可以作少少改進,因為今次個runtime嚴重overrun , 我都明白要講解既野實在太多~
同埋有個別師兄遲到成個鐘有多...呢方面應該多家留意或者有任何措施去防止佢地影響緊好集中既其他人吧~
希望你地一直努力為我地帶黎唔同既體驗同知識,辛苦晒Asus + hkepc各位同事
多謝比呢個機會我去參加咁有意思既活動~下次再見~

啱啱睇左其他師兄既POST...原來參加者有袋禮品包送...點解我冇架

TOP

啱啱睇左其他師兄既POST...原來參加者有袋禮品包送...點解我冇架
fatdumm 發表於 2014/10/4 01:49


你可能忘記拎

TOP

鴨兄原來都有去
寫得好!
支持

TOP

鴨兄原來都有去
寫得好!
支持
wayneho000 發表於 2014-10-4 19:37


多謝wayne師兄支持 , 我寫得好普通渣

TOP