2010-08-09
$99元100Mbps將成絕響!?
HKBN宣佈優惠期將於31日結束
HKBN宣佈優惠期將於31日結束
文: Goofy Ko / 新聞中心
廣 告 advertisement
HKBN 6 日宣佈，將於 2010 年 8 月 31 日結束 HK$99 月費申請 100Mbps 寬頻服務，此項由去年 11 月 1 日正式推出的優惠，在推出後短短半年已吸納 7.3 萬用戶，用戶增長率加速 1 倍。但由於 $99 月費優惠計劃，嚴重影響投資回報，因此 8 月 31 日將會是客戶登記及成功安裝服務的最後限期。
據 HKBN 市務部助理總監林嘉玲表示，此項優輥成功令香港用戶可以了解 HKBN 高速寬頻的性能，在使用後相信日後價格回到優惠前的水平，注重連線速度的用家流失率相信偏低，尤其是在現今網絡社交時代。
林嘉玲補充， $99 月費優惠而成功達而市場推廣目標，現時正是合適的時機向下一步發展，為免突然取消優惠造成混亂，因此公開宣佈優惠活動的最後限期。
根據香港電訊管理局資料， HKBN 市場佔有率排名第二，僅次於 Netvigator 之後，但最近兩者差距進一步收縮，未來數年要超越主要採用 ASDL 技術的 Netvigator 並非難事，早前主席黃維基集團公佈業績時，亦表明公司目標是未來數年成為全港市場佔有率第一。
但係上網同打ONLINE GAME 無分別.
俾你 100M 都無用LA. 除非你有幾部機同時 BT, 打ONGAME, 睇PPS TV.
穩定及維修服務先係最重要.
可以講佢一加價真係搵鬼用
回edward:
咁唔係個個人屋企都得一個人上網架..
反正出海都係得1mb都慢 :o)
玩 $68 100Mbps
唔好上當啊
用P2P既朋友更加唔好上當啊
如果種子系海外種基本唔使旨意連上啊
我上bb100果陣都話某月之前先有$99
結果到依家都一樣$99
仲要凈系需要簽12個月（本人簽既時候需要簽24個月
你就算玩$99蚊，1000MB,都係無用嫁
（做左咁多年，出海表現都無進步，仲學人講技資回報，作為一個50MB plan既用戶，真係唔會再upgrade自己個plan）
都好難過到
始終鋪村屋個成本高
但我諗佢肯鋪
都有人肯俾貴少少
殺價超人現時竟然鳴金收兵.... 哈哈
用開殺價超人寬頻既客戶滿佐約後好容易被人地搶左去.
最緊要 消費者得益!
如果你地個個都係咁,HKBN出海應該可以同PXXW一樣快 ^^
兩者有乜分別？
1、PCCW開內地同海外網站都較快。
2、bb100係內地同海外網站，幾乎都較PCCW慢，但有例外。
3、連線去日本同台灣網站，bb100真係快到飛起！曾經真係試過有100M，平均見到30M既速度係比較多，但呢個速度，只可以係半夜到清晨有。
結論，我宜家大部份需要上網既時候，會首選PCCW果部腦，當我要去睇圖片(相片，而且係去日本果邊)，我先會用bb100果部腦。
屋企兩個人用, 最重要是BT果陣唔影響隔離部機上網, 仲要好多BT 都快到無倫...
個人感覺, 同人地既PCCW比, 連去美國既速度差不多, 最大問題是大陸反應慢D, 同冇增值服務(e.g. now tv)
pccw 30M 都好順, 之前 18M就差小小.
"俾你 100M 都無用LA" 但我開FTP有用囉
"如果種子系海外種基本唔使旨意連上啊" 我日日BT又唔見我有問題?
1. 大屋苑邊間都一樣差!
2. 賣貴些可以有多些錢舖光纖?
DL 除本地外, 其他地區, 確實慢......
有無諗過係自己部機或者接線問題？
有問題馬上打電話過去整啦。
我無論係用緊PCCW或者HKBN，都無你地遇到既麻煩——係屋邨係咁，係村屋係咁，私人樓都係咁。
最主要係有問題馬上打過去叫整，一次唔得就兩次，整到好為止。
學人話齋『識嘈阿媽先有奶吃』，就係咁解掛。
有人話PCCW既『連線率』比HKBN好。
我用最近半年既數據比較，說明兩家公司既連線率已經好接近——最近半年，兩家都無試過『真正斷線』，反而PCCW因為『人為原因』搞斷過我一次。
我兩家公司既用法：
1、全部24小時上網(真係有數據傳送果種)，連周日都開住部腦。
2、兩家公司分別用兩部放一齊既電腦上網，有時會特登用同一個網站去測試兩間公司既上網速度。
3、基於我一定唔可以斷線既原因，所以有咁直觀既設置，同時亦無意中發現兩間公司既唔同。
比我既評價就係——
兩家連線率都好接近，可以放心用。
如果有平，就用平果間。
如果比上網速度，PCCW 30M大部份時間唔會輸比bb100，上大部份網站都比bb100好，睇來海外頻寬容量制約得HKBN好緊要。
但係，如果真係有網站，有地方可以比到個頻寬比HKBN，咁一定係bb100贏晒——例如日本。
至於講話分幾部電腦用，咁當然係越大越好啦。
但係如果只有兩部電腦用，其實PCCW 30M都唔會慢——最緊要係你上網站一般較快(就算香港都咁新，真奇怪)，而網站一般打開首頁，勁多廣告果D都只係10M8M咁大把，分兩部電腦用都唔會有影響。
PS。我將PCCW駁左兩部電腦，而HKBN就駁左個VPN SERVER，平均有三至四個人用緊。
香港既朋友應該知足吧...如果我個個地區99蚊有10MB 我已好高興了
想裝都無能為力 = =
唔係我唔想用 HKBN , 係你無拉線 XD!
唯有繼續用垃圾網上爬 8M 爬住上網
老實講99$唔會一世優惠
人地都要生存當然會加番加
HKBN今次最主要想拉走人地啲客而跟主鎖死客戶唔比走
就算加番價PCCW和記都唔會比番優惠已走舊客
以家王先玩夠加番價相信續約價都唔會再有$99歌仔唱
到時走又死唔走都死過檔都預咗
一來 hkbn cover 唔夠廣, 二來新既 4G 技術衝擊好大
上海外網都係僅次於NETVIGATOR.
但係點慢都好,都一定快過 ADSL好多倍先 ,
用完BB100,好難走番轉頭玩 網上含
我upload片上youtube起碼唔洗用我9個字時間
上載?? :)
用HKBN 都有八、九年，由一開始出寬頻就用佢
50M同 100M 幾乎差唔多，只係50M BT 慢100M 少少，出海、夜晚都好順 (九龍東公屋)
25M真係唔好用，BT一定慢，連平時用HTTP DL野都....猶其出海DL
一到夜晚上網就慢好多.....仲要$156....Orz
用家係會成長的
最多加返到100M $149內