helenchan

回復 385# allthebest
呢樣最緊要！上黎交流學野真係好途徑，好過睇電腦雜志

賣魚勝

回復  賣魚勝
你自己心目中其實有咩需求？比如你想要平/貴、靜/一般、模組/非模組、預留升級/依家夠用就得 ...
helenchan 發表於 2010-7-31 21:15

   
但係我見你講話+12V嘅電流輸出就算有18A都係僅夠一張顯卡用，後來我回想起果然以前嘅火牛都係得+12V1同+12V2，而且每組都係得14A，就係因為咁以前成日都有啲硬碟Detect唔到，同埋無法進入Windows，整整下跟住硬碟就有Bad Sector，換咗個新火牛情況先有改善。

因為以前無注意到+12V嘅關係，所以就算新火牛買返嚟用唔到幾個月，以上嘅情況就又嚟啦，多次係咁所以越嚟越覺得係+12V供電唔夠嘅問題，再經你咁樣一講，心諗果然係咁，所以依家就想買個+12V供電夠嘅火牛。

發覺市面好多都係分組嘅火牛，咁樣就產生咗如果可以將+12V嘅分組可以手動分配俾各硬件嘅話，咁樣即使顯卡大食，或者CPU耗電都無問題，寧願買啲分組+12V供電電流大嘅火牛（因為覺得一組+12V輸出大電流嘅火牛超貴，但係見到分組+12V嘅火牛又平啲，可以接受到）。

所以想請教一下，如果+12V分組嘅話點樣可以知道佢係如何分組？

如果+12V2係默認供俾CPU用，咁+12V1、+12V3、+12V4等又係點樣供俾咩硬件用？

問題可能幼稚，請唔好見笑，唔該晒。

其實我嘅要求好簡單，就係供電夠同埋穩定。

helenchan

回復 392# 賣魚勝
其實就咁睇你所講既 case，我都唔知係咪一定關火牛事，定係底板或者其他有關…………如果真係同火牛有關既話，咁當然需要換火牛啦。以你既 case，你除左需要一隻供電充足外，供電穩定亦好重要，而同時要供電又穩又足既話，價錢就唔會平……最少我自己就搵唔到可以又平又穩又足火既牛………都係果句，1蚊1W，低過既就唔係太好啦………

有關多組輸出火牛既 +12V 供電分配，由於唔同火牛有唔同設計，而火牛廠亦唔一定需要跟足 ATX12V 個 standard 黎做，因此，如果你唔逐隻既 spec 去睇既話，係冇辦法知道佢既 +12V 係點分配………比如 +12V2 其實唔一定係專供電比 CPU 用，呢個只係 ATX12V standard，有D牛有設計成部分其他野都響 +12V2 羅電………

一般黎講，多組供電火牛中，除專門供電 CPU 既一組外，其餘 share 既 components 之中，最食W/A 既都應該係 VGA。我提及既 18A 唔夠用，指既係 4870 ，而你依家用緊既係 5750，由於兩者耗能相差好大，所以唔能夠混為一談。5750 最多食 86W，即大約 7A 鬆少少，而 HD 每隻就食得更少，10W 唔夠，即 1A 都唔洗(仲要 HD 係 +12V 同 +5V 齊用，+12V 消耗A數就更少)。夾夾埋埋，成套 config 用一隻 450W ，+12V 有2組 16~18A 供電既係絕對夠用。你需要考慮既，其實唔單止係數字上，仲要考慮隻野係咪真係足火(千祈唔好買 peak output 當 max output 果D)，同埋供電穩定性點樣。呢樣………價格係好有反映價值既………當然唔洗話買隻 450W 都要玩到 600 咁盡，但係……都冇理由3舊搞得掂……

認真黎講，如果有心機，又想揀好野既話，當然刨 review 係最好啦！不過有時真係唔刨得咁多既話，我都係建議跟大隊，買主流同價格夾中間既牛係最穩陣既，起碼死起上黎，有大把 ching 陪你~~~由於最近我真係忙，抽唔到時間研究牛牛，所以我都冇辦法直接介紹個牌子比你…………

fuchikei

好文~~~
支持呀~~
獲益良多, 多謝哂~~

hkshit

多謝你詳細的心得分享

揀既時候有咩要注意？
......
如果負擔能力較低既話，我建議用中庸之道，低W數既唔同牌子之間唔買最貴，又唔買最平，買中間價既貨。唔好貪佢平平地又有呢樣果樣功能就走去買佢……
helenchan 發表於 2010-3-2 16:14

以我所知, "中庸之道" 不是這個意思, "折衷" 會比較接近你的意思.

helenchan

回復 396# hkshit
係喎，用錯左………… 我問過人，佢教我可以加個引號都 ok，我改返先

賣魚勝

回復  賣魚勝
其實就咁睇你所講既 case，我都唔知係咪一定關火牛事，定係底板或者其他有關…………如果真 ...
helenchan 發表於 2010-8-6 23:14

   
仲有一事唔明，前面提到嘅分組係獨立輸出嘅話，即使每組電用唔晒都唔會分俾其它組用，如果係咁萬一將來要換硬件又食電嘅話，咁嗰組供電唔夠，即使隻牛係足W都無用武之地囉喎？而家市面嘅多數分組牛係唔係咁樣情況呢？

例如：真係換咗張4870，而每組+12V嘅供電係14A，隻牛W數夠嘅話，咁樣係唔係都會造成死機或突然重新開機等等情況？唔該。

helenchan

回復 398# 賣魚勝


冇錯，唔理佢幾多W都冇用，唔夠A供電一樣死………而呢樣亦都係某部分火牛集中為單組輸出所想要對應既問題。如果你想買多組輸出火牛既話，可以揀D +12V A輸出較大既牌子，應該一般情況下係 ok 既(你 450W 牛唔會想玩 6+8pin 卡掛……)。

唔夠電既話，輕則就係你所講既死機同 restart 情況，長遠會影響 hardware 壽命，重則有可能部分 hardware 直接暴斃……不過嚴重情況屬於罕見，通常都係 hardware 折壽。

賣魚勝

回復  賣魚勝


冇錯，唔理佢幾多W都冇用，唔夠A供電一樣死………而呢樣亦都係某部分火牛集中為單組輸出所 ...
helenchan 發表於 2010-8-9 20:26

   

如果係咁，穩陣起見當然係買A輸出大嘅好，但係譬如真係每組+12V輸出都有20A，其中一組俾顯卡用，咁其餘嘅分組俾咪會自動分俾其它硬件用？定係通過每條D型接口或SATA接口分辨佢屬唔屬於同一組+12V，可唔可以咁樣睇到呢？

另外，有啲咩途徑係 真係可以知道每樣硬件用電（A）多少嘅網站呢？唔係知道幾多W嘅網站。

唔該晒，多謝C Hing 耐心教導。