Pvrt

回復 6 #javacomhk
相信而家嘅電腦日常用途對你嚟講同平板無分別

咁留返啲複雜難用又可怕嘅其他用途(剪片，train LLM，直播影音，p2p，揼曲，多媒體設計｛圖像，音樂｝等等）比我地班小薯好了。

對我而言，Linux勝在完全自由嘅配搭，用途，選項甚至私隱。MS，蘋果以至各大小手機平板商都冇辦法提供到比我地。

多謝你一直以來嘅教學。


我討厭Wangblows同Microsharts。

javacomhk

你哋睇清楚我講乜嘢先啦，我唔係話 Linux 唔好，我自己都仲用緊 Linux OS
我係話今時今日唔好再去開貼話比的 Lightweight PC 及討論Linux 的弱點例如中文 desktop app 中文字型及中文輸入法，一的比cheap $599 嘅平板都沒優勢嘅嘢。應該集中精力去討論你哋覺得Linux 好嘅嘢。

例如上面位仁兄講話靈活配置、私隱、 Train LLM 、處理影音圖像等 等。

我又真係唔見有人post 出來話會裝部最新 highend 嘅 5090 Desktop PC 去響 Linux 行呢的嘢，講出佢優勝嘅地方。
好可能佢意思係佢有錢到買幾百張幾千或幾萬張 H100 響星加坡行緊來 Train AI 啦。

VADER

哈......你錯了........
中文輸入很重要.....就是很多初用linux既人.....不知自己喜歡用那系統.....要自己試過...但自己又不懂如何安裝輸入中文...............
樓主就幫我解決了.....archlinux gnome桌面無法安裝fcitx5安裝問題......
樓主幫助人.....無私奉獻.........你雞蛋裡挑骨頭.........有意思嗎???

VADER

Linux....又沒有上限....有什麼好說....
但他下限比較低....有錯???奇怪了!!!!........人兄....你是售貨員???

小薯仔

你哋睇清楚我講乜嘢先啦，我唔係話 Linux 唔好，我自己都仲用緊 Linux OS
我係話今時今日唔好再去開貼話比 ...
javacomhk 發表於 2025-5-9 14:14

完全唔明點解「應該集中精力去討論你哋覺得Linux 好嘅嘢」
就係有人會唔識，先更加要討論同教學囉

Linux由最初一個Kernel，到而家你用得我用得嘅OS，就係由無數嘅討論得出嚟
如果只可以討論「覺得Linux 好嘅嘢」，咁Linux根本唔會有開始

javacomhk

咁你地繼續去討論如何安裝中文字型，如何打 command 去安裝倉頡/速成輸入法啦，過去及未來十年，日日都要開新貼繼續討論喎! 唔好停喎!

籃眼

我都用緊ubuntu, 不過我同意呢位java兄所講...  有教學肯貢獻係好事，但今時今日仲好似二十年前裝完fedora, 搞幾日又中文輸入，連聽歌都要自己上網搵方法搞，呢個系統用黎做乜？ 咁多選擇... 好似今日ubuntu裝完乜都有啦，咁先合理架嘛，仲要搞完一輪好有滿足感既年代? 唔怪得linux家用版發展基本無行過

Pvrt

回覆 12# javacomhk
咁嘅話總算明白你嘅意思，我會研究下有無啲比較有營養嘅Linux嘢睇下可唔可以喺度分享
還請往後多多指教。


    回覆 17# 籃眼

某程度Linux Distro係外國又好，亞洲又好，已經算係為滿足感而裝嘅OS。雖然話一部分作業(VM)嘅性能同部分特質（shell script感覺上比powershell更直接快捷，或者整體上私隱度好似高少少）會被其他OS更加好，不過哩樣以外其實都無多其他好處。

javacomhk

梗係唔好停，繼續講點樣用打 command line 裝中文字型，輸入法啦，講多5至十年就會有人整個好似Android 咁自動人性化的嘅方法就自動裝好中文字型裝好哂輸入法架啦。
到時再等多 5至十年就會有埋 聯想字，打繁出簡，中英混打，廣東話語音輸入同手寫輸入法比你 click 兩 click 裝埋架啦就可以響 Microsoft Office 的app 用架啦，用埋 Copilot AI Linux 版到時就應該會有架啦！

小薯仔

回覆 16# javacomhk

我諗你要留意返樓主嘅主題，係輕量級Linux
Ubuntu從來唔係輕量級，就算Xubuntu都唔算

真係20年無行過嘅話，就大家討論compile package source啦
仲有apt install咩？