aaaaabhk

有機會係起黎補位
所以唔放咁高
留白兄 發表於 2025-6-8 22:09

唔係。成個林村無乜人肯租比電訊商裝機。所以先得公廁裝到機。
呢d公廁機你行搭巴士行多1個巴士站就已經收唔到訊號。
幾年前話係林錦公路起支杆裝基站又係得個講字又拖。

licson

回覆 26# octopusman

今日行完南丫島，就算而家有晒光纖都好都淨喺得榕樹灣同北角村一帶有良好接收，索罟灣位置得 N1 5G 亦都比較容易有完全無信號嘅死位，模達灣位置更只能依靠鴨脷洲及淺水灣道遠方基站信號。證明如果要完善郊野地區信號覆蓋的確有需要係菱角山位置新建一個基站，而且而家有光纖線應該可以少起微波鼓。

licson

回覆 74# licson

過咗半年想 update 下我見到偏遠地區覆蓋嘅實際情況（以 csl 為主）同埋個人對加裝基站位置嘅諗法。

54個站列表：
果然公廁同基站唇齒相依。🙂
我會期待谷埔、三椏、沙螺洞、鉛礦坳、及田夫仔儘快建站， ...
PN420 發表於 2025-2-6 07:10

#3 - 荔枝窩

咁啱 HKT 係荔枝窩係有機樓嘅，不過從最新嘅 Google 街景睇淨喺得全向天線，估計目前應該只有 N1 5G 覆蓋。最簡單加強 5G 覆蓋嘅方法應該係增加平板天線變成 3-sector 基站，亦可以考慮利用 AAU beamforming 功能黎加強信號覆蓋範圍。其他電訊商嘅話或者政府可以考慮強迫 HKT 出租機樓天台空間比其他電訊商 或者用 MORAN 方式共享 HKT 天線。

#19 - 北潭涌

其實政府個選址位置唔錯，景觀開揚同附近山頭都有直視，不過可能要 6-sector，3 支天線要向上抬 3 支天線垂直 90 度咁樣先做到對附近山頭做到最大覆蓋。至於呢個位置要唔要用 AAU 就見仁見智了，因為其實係水務署抽水站附近嘅麥理浩夫人度假村裏面都有 csl 嘅基站，覆蓋範圍本身都唔差。

#22 - 長沙

同荔枝窩嘅情況差唔多，長沙機樓一樣係得全向天線，要升級嘅話方法都喺差唔多。

#24 - 南丫島菱角山

HKT 索罟灣機樓係 3-sector 平板天線設計，不過因為地勢問題對住後山嗰個 sector 應該係覆蓋唔曬菱角山（我諗最盡淨喺覆蓋到上山嘅山徑），一上到山上就要接收遠處基站嘅信號（e.g. 奇力山、南朗山、鴨脷洲利東邨或利南道工業區、海洋公園、淺水灣基站）。係菱角山現有發射站添加基站係最快可以提供覆蓋嘅方法，不過可能需要減低功率或者調整天線角度以免信號打太遠。

#26 - 大潭篤水塘

選址唔錯，不過仍然對唔正大潭水塘道唔少位置，可能需要 AAU 先可以提供可接受 5G 覆蓋。目前大潭篤水塘 csl 使用紅山半島基站塔及歌連臣角火葬場嘅基站進行覆蓋，不過主要道路大潭水塘道好多時淨喺得 4G 頻段先可以穿透，縮短基站距離到康文署倉庫或者可以加強 5G 接收。

紅山半島基站 5G 覆蓋


紅山半島基站 4G 覆蓋


歌連臣角火葬場 5G 覆蓋


歌連臣角火葬場 4G 覆蓋


#27 - 大浪灣

大浪灣其實本身啲電訊商都已經揾到個合適位置起基站（大浪灣可樂士多），而且有用金屬支架將天線儘量向高處擺，甚至 Google 地圖上面同可樂士多有關嘅最新照片已經見到有華為 AAU 嘅存在，變咗唔一定需要係沙灘再加一個基站位置。

#30 - 大潭上水塘

目前大潭水塘道廁所已經拆除進行重建工程，相信政府應該會趁機提供足夠電力黎部署基站，不過呢個位置比起 #26 康文署貨倉就唔理想，公廁靠西面有山丘遮擋，亦都無直線望到大潭上水塘。反而我覺得應該要開拓位於高處嘅基站，例如係畢拿山高頻無線電站、漁護署大潭管理站及柏架山警察無線電站開放電訊商將基站天線掛上去天線陣上面會比起係大潭水塘公廁安裝基站更為有效。目前 csl 係透過陽明山莊及柏架山警察無線電站機房上嘅天線進行基本 5G 覆蓋。

陽明山莊基站 5G 覆蓋


陽明山莊基站 4G 覆蓋


柏架山警察無線電站 5G 覆蓋


#40 - 大美督

係大美督公廁裝基站實在係太矮，我覺得係下圖位置山丘安裝一個 3 或者 5-sector 基站塔會更合適，可以覆蓋到船灣淡水湖嘅郊野公園，村屋群及西南方各活動中心嘅人流。



#48 - 黃宜洲

曾經係島上 YMCA 黃宜洲營地訓過幾晚，其實信號還可以，有滘西洲基站同埋附近斬竹灣公廁及某村屋嘅天線做覆蓋，不過的確間中有不穩定情況。島上最高點位處於營內，其實政府直接同 YMCA 安排營內室外活動場地邊緣騰空少量空間架設基站塔效果會遠比於完全唔理想嘅公廁優勝，同時作為黃宜洲最高點，基站天線亦能直視黃宜洲村民居。

斬竹灣公廁 4G 覆蓋，可見能覆蓋黃宜洲，而且街景圖見到公廁上面天線係有 N78 存在。


斬竹灣村屋 4G 覆蓋，見到同樣可以覆蓋黃宜洲，而且應該都已經同時有發射 5G 信號。


滘西洲基站為西貢提供大範圍 4G 及 5G 信號覆蓋（已知有 5G 信號但係需要實地去一轉北潭涌同有機會再次登上黃宜洲先知道有冇打到 5G 黃金頻譜過去）

licson

進度更新：截至今日，OFCA 已經係計劃一同埋計劃二嘅建議地點列表收到 16 個地點嘅申請，並正式批准其中十四個點嘅基站興建。根據最近立法會嘅會議記錄，呢啲基站應該會係 Q3 2026 開始投入使用。

完整 14 個已經獲批准興建嘅站點列表：

階段	計劃涵蓋範圍	獲批准安裝地點	涵蓋地區
第一期	長沙	長沙消防局	離島區
第一期	打鐵印	打鐵印食水抽水站	大埔區
第一期	大潭篤水塘	近大潭道的康文署泳灘儲物室	南區
第一期	吉澳	吉澳公廁	北區
第二期	大嶼山大浪灣	大浪灣政府短期租約用地	離島區
第二期	鉛礦坳	鉛礦坳公廁	大埔區
第一期	荔枝窩	荔枝窩公廁	北區
第一期	沙頭角邊境地區	沙頭角消防局	北區
第一期	高塘下洋	高塘下洋公廁	大埔區
第一期	石屋仔	大埔濾水廠	大埔區
第一期	大龍	大龍農場設施	北區
第一期	猴塘溪	猴塘溪公廁	大埔區
第一期	蕉坑	獅子會自然教育中心	西貢區
第一期	北潭涌	北潭涌低地原水抽水站	西貢區

另外我針對其中一個站點（大潭篤康文署儲物屋）做咗詳細基站地點同埋成效分析，稍後會分享。

licson

前幾日（5/8）搭車經過大潭篤水塘主壩嘅時候見到其中一個資助計劃範圍內嘅位置有 5G 基站工程而且開始有信號，於是揾機會係大潭行咗個山做咗測量同埋實地考察，分析下到底目前情況下覆蓋效果如何。

目前基站位置裝咗兩組天線，sector 1 面對大潭道，而 sector 2 面向大潭篤水塘主壩，現場觀察並未見到有第三組天線對著水塘範圍。


以下係我透過手機連上信號同埋天線接頭形狀牌子等做嘅天線歸屬分析（現場有安裝時遺留嘅包裝箱，上面有牌子型號可以做比對）。


可以見到得 csl 同埋 SmarTone 有安裝 AAU，CMHK 似乎無打算部署 n79 淨喺得 passive n78，3HK 繼續包尾做最 hea 嗰個。另外，現場睇信號淨喺得 csl 駁好嘥所有嘢啓用咗基站，其他三個台未有獨立電錶供電連啲設備都未着機（未肯定 backhaul ready 未）。

現場有一個新建港燈電箱，但係裏頭淨喺得一個電錶，出嚟都喺得一條電纜上天台。電箱上面寫著箱體係 HKT 提供，配合裏面淨喺得一個電錶可以確認其餘三個台嘅設備都喺未供電。


針對呢個基站嘅光纖 backhaul，現場見到有兩間電訊商可以提供線路，分別為 HKT 及 HGC。HKT 透過係基站對面馬路嘅新起電話線桿直接將光纖飛過去基站，而 HGC 就選擇係上天台嘅爬梯下面做咗個街井。



可以見到 HKT 個光纖盒上面有兩行字，分別為 STN F161 同埋 SKW F8062，STN 對應 HKT 赤柱電話機樓，而 SKW 對應 HKT 筲箕灣機樓，可以推斷 HKT 為此基站準備咗雙重路徑保障，唯如果架空光纖斷開仍然會全斷。


另外為 HGC 街井圖片。未肯定其餘三個台會全部用晒 HGC 線翻 core 定喺會兩間固網都一齊用。現場除咗 HKT 同埋 HGC 兩個固網供應商之外未見到有其他光纖引入新基站選址。

---

呢個係目前手機掃描出嚟呢個新基站嘅覆蓋，可以見到因為無專門對著大潭郊野公園嘅天線，大潭水塘道淨喺有 n1 信號而且係靠環境反射先可以去到嗰個位置。


向住大潭篤水塘主壩位置嘅天線按道理應該可以為位於壩體下面嘅大潭篤村提供加強 5G 覆蓋，但係實際上地勢差太高壩體同埋茂密樹林會嚴重遮擋無線電信號令到大潭篤村啱啱好係 Sector 1 嘅覆蓋陰影裏面。


另外面向大潭道向柴灣方向嘅 Sector 1 實際測試見到覆蓋範圍非常細，信號比靠左嘅山體吸收散射咗令到無法為該信號較差嘅路段提供補充覆蓋。


今次特登利用現場觀測到嘅天線角度做咗個射頻覆蓋範圍模擬效果圖（青色弧形：天線面對方向及波束形狀，粉紅色：物理信號可達範圍，越淡色代表模擬情況下信號越弱），可以見到應該覆蓋嘅位置呢個基站都唔係好覆蓋到…… 射頻覆蓋模擬已經考慮大部分因素包括地理環境，天線高度、仰角、無線電波反射散射漫射同埋植被吸收，但部分參數如發射功率、天線波束角度、電子傾斜等為估算值，模擬結果只供參考但與本人實際測量結果接近。

n1 band coverage	n78 band coverage

上面嘅圖同時有互動版方便大家睇。可以見到得兩個 sector 嘅情況下根本覆蓋唔到最需要覆蓋亦都係電話信號最唔穩定嘅大潭水塘郊野公園範圍，係真係需要有一組專門向住水塘嘅天線先得，個選址的確係可以覆蓋到大潭篤水塘但係竟然噉樣黎個設計失手。只憑呢個基站嘅表現睇我會覺得係浪費公帑同埋點解 OFCA 會批呢個 design……

不過戴定頭盔先，個站未完全起好，只係 csl 通電咗。我行埋去睇個日仲見到有泥頭車運石屎過去，可能仲有機會有工程。配合立法會剛好 Q3 2026 正式啓用嘅時間點我諗應該都唔會有乜大工程加到第三個 sector 落去。

PN420

前幾日（5/8）搭車經過大潭篤水塘主壩嘅時候見到其中一個資助計劃範圍內嘅位置有 5G 基站工程而且開始有信 ...
licson 發表於 2026-8-8 03:13

從第一張相可見到，差不多所有天線的仰角都不是向下，甚至有些稍微向上；而觀乎它們的指向，sector 2的那堆天線，就連位置最好的CSL都不是指向大潭道，而是指向對面山頭；

加上有兩間電訊商都用了AAU，故不排除有電訊商想借這站加強覆蓋對面山腰的石澳道；惟部份石澳道視線受石碑山阻擋，覆蓋打了折扣。

而sector 1有機會能夠藉反射波間接覆蓋該倉庫對上至火葬場的一段大潭道，特別是其下半段(上半段主要靠火葬場)，但效果如何，要測過先知。

同埋有d奇怪點解唔裝埋sector 3? 呢個sector可以cover到大潭水塘一帶唔少行山徑，對行山人士有裨益，唔知係咪受倉庫後面個山勢影響左，又起唔到高塔，所以裝左都冇用？

咁樣，大潭水塘行山徑既覆蓋係咪要靠大潭水塘道公廁個新站？但又未見有電訊商申請。

大潭村我估都仲係要靠紅山半島既站，繼續作有限度覆蓋。

如我之前所講，正苦不如石碑山撥地比d電訊商起屋仔起塔(要夠高)做宏站覆蓋，效果可能仲好。

licson

回覆 96# PN420

其實就算唔加高支杆，只要加一組面向大潭水塘嘅天線都已經有好明顯既射頻覆蓋範圍提升可以有效令大潭水塘道嘅訊號變好。

大潭篤村實測 csl 係由柏架山及歌連臣道火葬場嘅基站提供唔錯既 5G n78/n79 覆蓋，測速可以有 400Mbps。

大潭水塘道公廁仲係到重建緊，未咁快可以裝到基站。但係重建後公廁結構更加堅固應該可以擺更多設備，光纖 lead in 都可以行晒地底。

via HKEPC IR 5.1.14 - Android(5.1.2F)

NogiKeya46

屎台支被動天線唔似有出N78
唔通下面隻aau 係射n78，唔射n79?

via HKEPC IR 5.1.14 - iOS(5.1.1F)

licson

回覆 98# NogiKeya46

SmarTone 據我最近觀察似乎新位置都會用晒 AAU 出 5G。

via HKEPC IR 5.1.14 - Android(5.1.2F)

NogiKeya46

回覆  NogiKeya46

SmarTone 據我最近觀察似乎新位置都會用晒 AAU 出 5G。

via HKEPC IR 5.1.14 - Androi ...
licson 發表於 2026-8-10 06:45

我估係一半一半啦
特別係公廁同過度性房屋比較少見到有愛垃圾既aau

via HKEPC IR 5.1.14 - iOS(5.1.1F)