對 wifi 無咩要求。。。已收貨開箱

本帖最後由 Kin_2012 於 2026-9-23 21:15 編輯

對 wifi 無咩要求，不過今日落單買左隻新  wifi router
唔睇唔知原來而家 wifi 6 router 咁平
收到貨就開箱
---------------------------
星期日已到左香港，自提點休息，尋日去左拎，初步試左，以呢個價錢計，相當唔錯，同級無對手。

NX30 Pro  160 人仔左右，兌番唔做 190 港紙，真平！
MT7981 + MT7976  ，同級 Router 都係咁上下，性能唔會有咩大分別。
256MB RAM / 128MB FLASH ，對比用緊果部 AC Router， RAM 同 FLASH 都細左一半，不過睇番而家果部的用量，完全夠仲剩好多。

外型方面，企放係方便，但對想掛牆的我就唔夠好，插線位係正機身背面，背面唔可以貼牆掛，用正面掛背面線就現晒出黎，無咁好睇，要諗諗點掛好。仲有一個問題，又係無開關制，唯有直接 cut 電。

要讚的係無迫我裝 App 解鎖，又唔使拆機焊 UART，真心方便，直刷 openwrt ，成個過程簡單順利。

用手機初步連線， AX 近出到 2401 Mbps，遠少少就 2161 Mbps，對比用緊的 AC, 近出到 1733 Mbps，遠少少就 1560 Mbps，AC / AX 隔牆隔門會跌，但夠用。

實際測試未做，網上大把測試，大家可以去睇。
對我黎講，手機連 Wifi 為方便，用緊的 AC 都夠有突，AX 使用上應該感覺唔到有咩分別。

有樣野比較特別係 AX 可以用埋 2.4G, 係有需要時自己跳過去，但我本身 5G 已覆蓋晒，所以無咩用，大家有機會可以試吓。

最後提下，有人會話得 1Gbps ports 唔夠快，其實呢個真係睇人點用，對我用手機黎講，完全夠晒。
一般要用到 1G 以上的 internet，多數係下載，如果用緊 2.5G 寬頻，想用盡呢隻野幫唔到你，不過都有取巧方法，可以用兩個 port 行 LAGG 配個設定，咁 multi-thread 下載就可以用到 1.8G 左右。

附件: 您需要登錄才可以下載或查看附件。沒有帳號？註冊