作者: PowerShot 時間: 2014-11-17 14:38 標題: 今次真係出事, 部電熱水爐煲成個鐘, d水都唔熱
部野係德X寶高壓儲水式熱水爐, 尋晚開左爐成個鐘個熱水指示燈都唔識熄, 真係D水唔熱, 部野用左5年JA! 各位認為係邊PART壞? 原廠整貴唔貴架?
作者: kamcm 時間: 2014-11-17 14:45
本帖最後由 kamcm 於 2014-11-17 14:47 編輯
我之前係其他FORUM見過圖係電線熔左斷開左...
電線做埋FUSE..一物二用.....
係EPC 也見過其他電線鬆開了的個案...
http://www.hkepc.com/forum/viewthread.php?tid=1512502
你不妨拆開睇下...
作者: Vincent2006 時間: 2014-11-17 15:20
我都係用緊隻6.5德國佬高壓式, 09年尾買左大約$1800, 2012年(剛過保)頭壞左恆溫制, D水一路
吾停加熱至activate左個高溫保護(好似係90度)先停左, 原廠維修要$9xx, 去上海街D電熱鋪問個原
裝制都要$4xx, 上epc問D師兄終於用左大約$60自己整番好, 不過如果指示燈仲著, 應該吾關恆溫制
事, 試下離開晒D電源,,量下發熱線ga內阻
作者: ken125111 時間: 2014-11-17 20:34
本帖最後由 ken125111 於 2014-11-17 20:36 編輯
先關咗熱水爐開關制(個燈曲)，打開底蓋自己睇睇先，或者post張相上嚟睇睇
作者: PowerShot 時間: 2014-11-18 08:39
多謝各師兄的意見, 尋晚部野又煲到熱水出黎WO! 德X寶報價上門檢查三百幾, 零件令計, 大家認為博唔博得過?
作者: csk101 時間: 2014-11-18 08:55
我家部德國老儲水式電熱水又壞左,冇指示燈著,
今晚拆開黎check 下先
作者: aazz 時間: 2014-11-18 13:17
多謝各師兄的意見, 尋晚部野又煲到熱水出黎WO! 德X寶報價上門檢查三百幾, 零件令計, 大家認為博唔博得過? ...
PowerShot 發表於 2014-11-18 08:39
可能係 感溫制;
過得唔好;
燈就著到;
但唔夠電去發熱線
但有時又得;
作者: Vincent2006 時間: 2014-11-18 14:04
個爐有兩個感溫SENSOR, 一個係恆溫(可adjust), 另一個係overheat(約90度), 有兩條
老鼠尾形狀sensor伸到爐中央, 平時指示燈會著, 但到達預設溫度或者overheat都會熄,
如果時得時吾得, 可能去發熱線接觸點鬆左或生秀
作者: 1號閒人 時間: 2014-11-18 17:47
提示: 作者被禁止或刪除 內容自動屏蔽
作者: brianlo0615 時間: 2014-11-18 19:19
回覆 9# 1號閒人
煤氣爐是貴,但可以用十幾年
(Sent from HKEPC iPad app)
作者: ken125111 時間: 2014-11-18 19:49
如果自己整相信唔洗三百蚊
當然要自己識整先得
作者: diputs 時間: 2014-11-18 21:36
我本來都係用德國老，用左快20年其間死過爐頂防真空閥，爐旁個PTV，爐內油式恆溫掣（以前粒超溫保護掣與恆溫掣是獨立的）都係自己修。最近因內膽滲漏，放棄再買這牌子，改買了金X牌。
如果無記錯，果粒指示燈氖膽係簪玉（wiring block)上並接於發熱線，指示燈著但水唔熱，後來又會熱表示極可能係恆溫掣的觸點燒黑炭化，只能過小量電流給氖膽，當然接發熱線的connector接觸不良都會咁樣（可用手輕搖看是否太鬆）。
如觸點炭化唔嚴重可自行打開恆溫掣膠蓋，伸入幼黑砂紙打磨，太嚴重或有生鏽現象要更換，要check埋接掣D電線或connector有冇鬆或包住connector果個緣絕膠套己因長期高溫（接觸不良）熱黑，如有的話要用鉗夾緊或更換。
注意所有檢查及維修要在關上燈曲（開關）後進行，更要在關上後在掣上用膠紙貼上，防止有其他人在不知道情況下重開爐掣，最好在3M膠紙上畫上骷髏頭及寫上'維修進行中'
作者: csk101 時間: 2014-11-19 11:08
昨晚整返好部德國老,拆開後見到有個類似reset 制,按後識得著返燈,識葆水同夠熱跳制.部機用左13年左右
作者: PowerShot 時間: 2014-11-19 14:11
我本來都係用德國老，用左快20年其間死過爐頂防真空閥，爐旁個PTV，爐內油式恆溫掣（以前粒超溫保護掣與恆 ...
diputs 發表於 2014-11-18 21:36
好專業, 如要打開爐check, 個蓋是不是在爐底? 不過好似要擰鬆個水喉出先可以拆個塊鐵片蓋出黎. 拆之前要不要先放水?
作者: PowerShot 時間: 2014-11-19 14:12
昨晚整返好部德國老,拆開後見到有個類似reset 制,按後識得著返燈,識葆水同夠熱跳制.部機用左13年左右:redfa ...
csk101 發表於 2014-11-19 11:08
甘得意有reset? 電腦黎? 13年都對得住啦, 我部5年貨仔ja~
作者: Vincent2006 時間: 2014-11-19 17:43
好專業, 如要打開爐check, 個蓋是不是在爐底? 不過好似要擰鬆個水喉出先可以拆個塊鐵片蓋出黎. 拆之 ...
PowerShot 發表於 2014-11-19 14:11
如果我用緊ga型號(6.5高壓式), 拆左底部幾粒鏍絲就可以成塊底蓋拿出黎, 吾駛拆水喉
作者: diputs 時間: 2014-11-19 18:59
本帖最後由 diputs 於 2014-11-19 19:11 編輯
回覆 15# PowerShot
果D電力控掣線路只要拆除爐底螺絲同塊底部擋板就可以，以前塊鐵片分開前後兩半，淨拆前面果塊唔使拆喉，新款D唔太清楚，但一般維修檢查電路時設計上應該唔使拆喉，拆除底部的螺絲研究一下就知道。如果要拆水溫掣查看，先用力拔出水溫控制的膠旋鈕，然後拆除看到的兩粒螺絲再移除連接電線便可將其拆下觀察或測試。
如果真係要拆喉，當然要放水，方法係拆除底部放水喉個蓋（但要先關上波子掣後拆開連接喉少許漏氣）或先用人手打開（唔係拆開）爐旁個PTV掣放水。
果粒reset掣其實係超溫保護掣（有老鼠尾約85~90度 Trip)，有時果粒掣有D問題低溫就跳，可以按紅色粒膠'的'reset，就如大掣箱內的MCB跳掣一樣。不過亦可能係恆溫掣出問題，夠熱重唔跳至溫度超出85度，遇上依D情況要留意觀察，如不停發生或覺得水特別熱就要留意更換零件，不過保護掣能跳比唔識跳好D。電熱水爐其實算簡單，只要注意安全避免觸電危險就可以。但個人經驗個爐過大電流D接線夾有D會因裝配工人手工引至接觸不良，電阻過大升溫將電線膠皮燒黑或變硬，接線夾外絕緣膠套都燒黑，打開底蓋一看便知道。
作者: PowerShot 時間: 2014-11-20 09:03
好, 等我放假時再研究下, 到時upload 相比大家過目~